కరోనా కు మందు వచ్చేస్తుందన్న ట్రంప్: వాస్తవాలు ఇవీ...!
ప్రపంచవ్యాప్తంగా ఈ కరోనా వైరస్ కి మందు కనిపెట్టడానికి విస్తృత పరిశోధనలు జరుగుతున్నాయి. వాక్సిన్ తయారీకి కనీసం ఇంకొక్క సంవత్సర కాలం పడుతుంది. ఈ నేపథ్యంలో కనీసం కొంతలో కొంత ఈ వైరస్ మహమ్మారి నుండి మనుషుల ప్రాణాలను కాపాడేలా మందును తయారు చేసే పనిలో నిమగ్నమయ్యారు ప్రపంచంలోని శాస్త్రవేత్తలందరూ.
కరోనా వైరస్ మహమ్మారి ప్రపంచాన్ని పట్టి పీడిస్తుంది. మందులు ఇంకా అందుబాటులోకి రాకపోవడంతో.... హెచ్ఐవి మందులను ఇతరాత్రాలను కలిపి ఇస్తున్నారు. అంతే తప్ప.. ఈ వైరస్ కి అయితే ఇప్పటికింకా మందు రాలేదు.
మనిషి రోగనిరోధక శక్తిని పెంచి ఈ వైరస్ పై పోరాటం చేయాలి కాబట్టి, హెచ్ ఐ వి కూడా ఇలానే మనిషిలోని రోగ నిరోధక శక్తిని పెంచుతుంది కాబట్టి, అలా హెచ్ఐవి మందులను ఇస్తోంది ప్రభుత్వం.
ప్రపంచవ్యాప్తంగా ఈ కరోనా వైరస్ కి మందు కనిపెట్టడానికి విస్తృత పరిశోధనలు జరుగుతున్నాయి. వాక్సిన్ తయారీకి కనీసం ఇంకొక్క సంవత్సర కాలం పడుతుంది. ఈ నేపథ్యంలో కనీసం కొంతలో కొంత ఈ వైరస్ మహమ్మారి నుండి మనుషుల ప్రాణాలను కాపాడేలా మందును తయారు చేసే పనిలో నిమగ్నమయ్యారు ప్రపంచంలోని శాస్త్రవేత్తలందరూ.
తాజాగా నిన్న సాయంత్రం 7.30 ప్రాంతంలో అమెరికా అధ్యక్షుడు డోనాల్డ్ ట్రంప్ ఈ మహమ్మారికి దాదాపుగా ఒక మందు దొరికినట్టే అనే భావనలో ఒక ట్వీట్ చేసారు. హైడ్రాక్సిల్ క్లోరోక్విన్ తో పాటుగా అజిత్రోమైసిన్ మందుల కాంబినేషన్ కరోనా మహమ్మారిపై అద్భుతంగా పనిచేస్తున్నాయని అన్నారు.
ఆయన ఈ ట్వీట్ చేసేకన్నా ముందు ఫ్రాన్స్ లో జరిగిన ఒక పరిశోధన కూడా ఇదే విషయాన్నీ వెలువరించింది. ఈ నేపథ్యంలో అసలు ఈ మందులేమిటి? అవి ఎలా పని చేస్తాయనేది తెలుసుకుందాము.
హైడ్రాక్సిల్ క్లోరోక్విన్...
మలేరియాను నయం చేసేందుకు ఈ టాబ్లెట్ ను మనము వాడుతాము. మలేరియాను నయం చేయడానికే కాకుండా ఆర్తరైటిస్ నుండి కూడా ఉపశమనం కల్పించేందుకు ఈ టాబ్లెట్ ను వాడతారు. ఇప్పటికి... ఈ టాబ్లెట్ ఆర్తరైటిస్ ని ఎలా నయం చేస్తుందో తెలియదు.
కానీ ఇప్పటివరకు జరిగిన పరిశోధనల నుండి సేకరించిన సమాచారం మేరకు, మనిషిలోని రోగ నిరోధక శక్తిని పెంచడం ద్వారా ఈ టాబ్లెట్ ఆర్తరైటిస్ ని నయం చేస్తుందని తెలియవస్తుంది. ఇప్పుడు ఈ టాబ్లెట్ లో ఉన్న ఈ గుణమే ఇక్కడ పనిచేస్తున్నట్టు అర్థమవుతుంది.
మలేరియా వైరస్ వల్ల కలగకపోయినా... కరోనా కు దెగ్గర చుట్టమైన సార్స్ ను ఎదుర్కోవడంలో ఈ క్లోరోక్విన్ విజయవంతమైందని కొన్ని రీసెర్చులు ప్రకటించాయి. ఇప్పటికి పూర్తిగా అందరి ఆమోద ముద్ర మాత్రం పడలేదు.
అజిత్రోమైసిన్....
ఈ క్లోరోక్విన్ తోపాటుగా అజిత్రోమైసిన్ ని కలిపి తీసుకున్నప్పుడు కరోనా ను సమర్థవంతంగా ఎదురుకోవొచ్చునని ఇటు ఫ్రెంచ్ పరిశోధనయినా, ట్రంప్ అయినా చెప్పడం జరిగింది.
మామూలుగా అజిత్రోమైసిన్ ఒక ఆంటిబయోటిక్. దీనిని రకరకాల ట్రీటుమెంటుల్లో వాడినప్పటికీ... బ్రాంకైటీస్, న్యుమోనియా కేసుల్లోనూ ఈ మందును మనం వాడతాము. ఈ మందును ఇప్పుడు అదే న్యుమోనియా లక్షణాలు కలిగిన కరోనా ను ఎదుర్కొనేందుకు వాడుతున్నారు.
మొత్తానికి ఇంకా పూర్తిస్థాయిలో ఇవే మందులు అని ప్రపంచ ఆరోగ్య సంస్థ ధృవీకరించకపోయినా... మహమ్మారి ఇలా విజృంబిస్తున్నవేళ కనీసం ప్రాణాలు కాపాడడానికైనా ఈ మందులను వాడాలని సదరు దేశాలు ఆలోచనలు చేస్తున్నాయి.
అమెరికన్ ఫుడ్ అండ్ డ్రగ్ అడ్మినిస్ట్రేషన్ కి ఈ మందులను పరీక్షించమని పంపారు. వారు ఇంకా వీటిపై పరిశోధనలు జరుపుతున్నారు. మరికొన్ని రోజుల్లో అంటే ఒక నాలుగైదు రోజుల్లో దీనికి సంబంధించి ఒక ప్రకటన వెలువడే అవకాశం ఉన్నట్టు తెలియవస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
