ఎండకు మీ ముఖం నల్లగా అయ్యిందా? బొప్పాయిని ఇలా వాడితే మీ ముఖం అందంగా మెరిసిపోతుంది

సన్ ట్యాన్ లేదా ముఖంపై నల్లని మచ్చలను తగ్గించుకోవడానికి, ముఖాన్ని అందంగా, కాంతివంతంగా చేయడానికి బొప్పాయి పండు బాగా ఉపయోగపడుతుంది. దీన్ని ఎలా ఉపయోగించాలంటే?  

papaya

ఎండల కారణంగా చర్మం నల్లగా మారుతుంది. అంతేకాకుండా సూర్యరశ్మిలోని అతినీలలోహిత కిరణాలు ముఖంపై మొటిమలకు కారణమవుతాయి.  ఈ రెండు సమస్యలను తగ్గించుకోవడానికి, ముఖంపై నల్లటి మచ్చలను తొలగించడానికి, ముఖాన్ని ప్రకాశవంతం చేయడానికి బొప్పాయి ఎఫెక్టీవ్ గా పనిచేస్తుంది. బొప్పాయిలో ఉండే యాంటీ ఆక్సిడెంట్లు చర్మంపై ముడతలను నివారించడానికి, నల్లటి మచ్చలు, డ్రైనెస్ ను తొలగించడానికి, ముఖం రంగును పెంచడానికి సహాయపడతాయి. ఇందుకోసం బొప్పాయిని ఎలా ఉపయోగించాలో ఇప్పుడు తెలుసుకుందాం..

1. బాగా పండిన బొప్పాయిని ముక్కలుగా కోసి జ్యూస్ లా చేసుకోండి. ఇందులో ఒక టీస్పూన్ తేనెను వేసి బాగా కలపండి. ఆ తర్వాత ఈ మిశ్రమాన్ని ముఖానికి అప్లై చేసి 20 నిమిషాల తర్వాత కడిగేయండి. ఈ ప్యాక్ మీ చర్మం అందంగా మెరిసేందుకు సహాయపడుతుంది.

2. అరకప్పు బొప్పాయిలో పేస్ట్ లో అర టీస్పూన్ పసుపును వేసి కలపండి. ఈ మిశ్రమాన్ని ముఖానికి అప్లై చేసి 10 నిమిషాల తర్వాత చల్లటి నీటితో కడిగేయండి. ఈ ప్యాక్ ముఖంపై నల్లటి మచ్చలు, మొటిమలను తొలగించడానికి సహాయపడుతుంది.

3. అరకప్పు బొప్పాయి గుజ్జులో  2 టేబుల్ స్పూన్ల పెరుగును వేసి బాగా కలపండి. ఇప్పుడు ఈ మిశ్రమాన్ని ముఖానికి అప్లై చేయండి. 20 నిమిషాల తర్వాత ముఖాన్ని నీట్ గా కడిగేయండి. ఈ ప్యాక్ ముఖం ఎరుపును తొలగించడానికి సహాయపడుతుంది.

4. బాగా పండిన బొప్పాయి ముక్కల్లో అరకప్పు ఆరెంజ్ జ్యూస్ ను పోసి మెత్తని పేస్ట్ లా చేయండి. ఈ మిశ్రమాన్ని ముఖానికి అప్లై చేసి 20 నిమిషాల తర్వాత కడిగేయండి. ఈ ప్యాక్ ముఖంపై ముడతలను తొలగించడానికి సహాయపడుతుంది.

<p>papaya face pack</p>

5. అరకప్పు బొప్పాయి ముక్కలను తీసుకుని పేస్ట్ గా చేయండి. దీనిలో ఒక టీస్పూన్ తేనె, అర టీస్పూన్ నిమ్మరసాన్ని వేసి బాగా కలగలపండి. ఈ మిశ్రమాన్ని ముఖానికి అప్లై చేసి 30 నిమిషాల తర్వాత కడిగేయండి.

6. బొప్పాయి, టమోటా జ్యూస్ మిశ్రమాన్ని సమాన పరిమాణంలో తీసుకుని రెండింటినీ బాగా కలపండి. ఆ తర్వాత దీన్ని ముఖానికి అప్లై చేయడం చేసి 20 నిమిషాల తర్వాత కడిగేయండి. ఇది ముఖంపై మొటిమలను తగ్గిస్తుంది.