ఈ పండ్ల తొక్కలతో అదిరిపోయే అందం మీ సొంతం.. ఎలా ఉపయోగించాలంటే..?

పండ్ల వల్ల మన శరీరానికి ఎన్నో రకాల పోషకాలు లభిస్తాయి. అయితే సాధారణంగా పండ్లను తిని వాటి తొక్కలను పారేస్తుంటాం.. కానీ వీటివల్ల చర్మానికి కలిగే ప్రయోజనాలేంటో తెలుస్తే మాత్రం వీటిని పారేయరు తెలుసా.. 

పండ్లు మన  ఆరోగ్యానికి ఏ విధంగా మేలు చేస్తాయో ప్రతి ఒక్కరికీ తెలుసు. వీటిలో ఉండే విటమిన్లు, ఖనిజాలు మనల్ని ఎన్నో అనారోగ్య సమస్యల నుంచి రక్షిస్తాయి. అందుకే డాక్టర్లు, ఆరోగ్య నిపుణులు రోజూ రెండు వేర్వేరు పండ్లను ఖచ్చితంగా తినాలని సలహానిస్తుంటారు. అయితే సాధారణంగా పండ్లను తినే తొక్కలను పారేస్తుంటారు. ఎందుకంటే వీటివల్ల ఎలాంటి ఉపయోగం లేదని. కానీ మీకు తెలుసా.. పండ్ల తొక్కలు మన ఆరోగ్యానికే కాదు మన చర్మానికి కూడా ప్రయోజనకరంగా ఉంటాయి. తొక్కలతో చర్మం ప్రకాశవంతంగా మెరిసిపోతుంది. మచ్చలు కూడా తొలగిపోతాయి. ఇందుకోసం పండ్ల తొక్కలను ఏ విధంగా ఉపయోగించాలో తెలుసుకుందాం పదండి. 

మామిడి తొక్క

మామిడి పండ్లను తిని తొక్కను అవసరం లేదని విసిరేసే వారు చాలా మందే ఉన్నారు. నిజానికి ఈ మామిడి తొక్క చర్మానికి ప్రయోజనకరంగా ఉంటుంది. ఇందుకోసం మామిడి తొక్కలను బాగా ఎండబెట్టి గ్రైండ్ చేయండి. దీనిలో రోజ్ వాటర్, పెరుగు, తేనె ను కలిపి పేస్ట్ లా తయారుచేయండి. దీన్ని ముఖానికి అప్లై చేసి కొన్ని నిమిషాల తర్వాత కడిగేస్తూ మొటిమలు, మొటిమల మచ్చలు తొలగిపోతాయి. 

అరటితొక్క

అరటిపండ్లు ఏడాది పొడవునా అందుబాటులో ఉంటాయి. అందుకే వీటిని ప్రజలు ఎక్కువగా తింటుంటారు. రోజూ ఒక అరటిపండును తింటే ఎన్నో అనారోగ్య సమస్యలు తగ్గిపోతాయి. శరీరం బలంగా తయారవుతుంది కూడా. అయితే అరటిని తిని తొక్కను మాత్రం డస్ట్ బిన్ లో వేసేస్తుంటారు. అయితే దీన్ని ముఖానికి రుద్దడం వల్ల ముఖ చర్మలో మురికంతా తొలగిపోతుంది. దీనిని చేతులు, పాదాలు, మోచేతులు, మోకాళ్లకు కూడా ఉపయోగించొచ్చు.  దీన్ని రుద్దడం వల్ల చర్మంపై ఉండే చనిపోయిన కణాలు తొలగిపోతాయి. 

నారింజ తొక్క

సిట్రస్ ఫ్రూట్ అయిన నారింజలో విటమిన్ సి పుష్కలంగా ఉంటుంది. దీని తొక్కలో కూడా పోషకాలు ఎక్కువగా ఉంటాయి. ఇది నేచురల్ స్క్రబ్ గా పని చేస్తుంది. అందుకే నారింజ తొక్కను ఇప్పటి నుంచి పారేయకండి. ఇందుకోసం ఆరెంజ్ తొక్కను ఎండబెట్టి పొడి చేయండి. దానిలో కొద్దిగా రోజ్ వాటర్ మిక్స్ చేసి 1  స్క్రబ్ లా ఉపయోగించండి. ఇది మృతకణాలను తొలగిస్తుంది.

నిమ్మతొక్క

నిమ్మకాయలో కూడా విటమిన్ సి ఎక్కువ మొత్తంలో ఉంటుంది. దీని తొక్క కూడా మనకు ఎన్నో విధాలుగా ఉపయోగపడుతుంది. ఈ తొక్కతో నల్లటి మెడ, మోచేతులు, మోకాళ్లను శుభ్రం చేసుకోవచ్చు. దీని కోసం నిమ్మకాయ తొక్కను మధ్యలో కట్ చేసి రుద్దండి. ఏవైనా గాయాలతే అక్కడ మాత్రం అప్లై చేయకండి. 

బొప్పాయి తొక్క

బొప్పాయి తొక్కలు చర్మానికి ఎంతో మేలు చేస్తాయి. ఇది మొటిమలను తగ్గించడానికి ఎంతో సహాయపడుతుంది. ఇందుకోసం తొక్కను తీసుకుని ముఖం మీద రుద్దండి. లేదా  గ్రైండ్ చేసి దాని పేస్ట్ ను ముఖానికి అప్లై చేయండి.

pear

పియర్ తొక్క

పియర్ తొక్క ముఖం రంగును మెరుగుపరుస్తుంది. అంతేకాదు ఇది చర్మాన్ని కాంతివంతంగా కూడా తయారుచేస్తుంది.  ఇందుకోసం ఈ తొక్కను నేరుగా ముఖానికి రుద్దడం లేదా  కొద్దిగా రోజ్ వాటర్ తో మిక్స్ చేసి పేస్ట్ లా చేసి కూడా ముఖానికి అప్లై చేయొచ్చు. ఒక 15 నిమిషాల తర్వాత ముఖాన్ని శుభ్రం చేసుకుంటే కాంతివంతంగా మారుతుంది. 

పుచ్చకాయ తొక్కలు

పుచ్చకాయ తొక్కలు పండు కంటే ఎక్కువ ప్రయోజనాలను కలిగి ఉంటుంది. ఈ తొక్కల్లో జింక్, పొటాషియం, మెగ్నీషియం, యాంటీ ఆక్సిడెంట్లు, విటమిన్ ఎ, విటమిన్  సి ఉంటాయి. దీనిని ముఖానికి అప్లై చేయడం వల్ల చర్మం హైడ్రేట్  అవుతుంది. చర్మంపై ఉండే అదనపు ఆయిల్ ని కూడా తగ్గిస్తుంది.