మధుమేహులు మామిడి పండ్లను ఇలా తింటేనే మంచిది.. ఎలా పడితే అలా తిన్నారో..?

ఎండాకాలం వచ్చేసింది. ఇంకేముంది మామిడి పండ్లు కూడా మార్కెట్ లోకి వచ్చేస్తుంటాయి. ఇక వాటిని చూస్తూ తినకుండా ఉండటం చాలా కష్టం. కానీ మధుమేహులు మాత్రం వీటికి దూరంగా ఉండాల్సి వస్తుంది. కానీ మామిడి పండ్లను కొన్ని విధాలుగా తింటే రక్తంలో చక్కెర స్థాయిలు పెరిగే అవకాశమే లేదంటున్నారు నిపుణులు.  

Image: Getty Images

జ్యూసీగా, టేస్టీగా, తీయగా ఉండే మామిడి పండ్లను చూస్తూ తినకుండా ఉండటం చాలా కష్టం. పండ్లలో రారాజు అయిన మామిడి పండు ఒక్క ఎండాకాలంలో లభిస్తుంది. ఈ సీజన్ పోతే మళ్లీ దొరకవని రోజూ తినేవారున్నారు. నిజానికి మామిడి పండ్లను తింటే ఎన్నో ఆరోగ్య ప్రయోజనాలు కలుగుతాయి. మామిడి పండ్లలో ఫైబర్, యాంటీ ఆక్సిడెంట్లు పుష్కలంగా ఉంటాయి. మామిడి పండ్లు ఆకలిని మెరుగుపరచడానికి సహాయపడతాయి. విటమిన్లు, ఇనుము, పొటాషియం పుష్కలంగా ఉండే మామిడి పండ్లు గుండెను ఆరోగ్యంగా ఉంచుతాయి. రక్తపోటును తగ్గిస్తాయి. అయితే చాలా మంది డయాబెటీస్ పేషెంట్లు మామిడి పండ్లకు దూరంగా ఉంటారు. ఎందుకంటే ఇవి రక్తంలో చక్కెర స్థాయిలను పెంచుతాయి. కానీ వీటిని కూడా డయాబెటీస్ పేషెంట్లు తినొచ్చు. 

మామిడి పండ్లలో గ్లైసెమిక్ ఇండెక్స్ తక్కువగా ఉంటుంది. అలాగే వీటిలోని ఫైబర్, వాటర్ కంటెంట్ శరీరంలో చక్కెర శోషణను నెమ్మదింపజేస్తాయి. అయినప్పటికీ.. మామిడి పండ్లను ఎక్కువగా తినడం వల్ల దీని ప్రయోజనాలు తగ్గుతాయి. ఎందుకంటే ఇది రక్తంలో చక్కెర స్థాయిలను పెంచుతుంది. అందుకే డయాబెటీస్ పేషెంట్లు ఈ పండ్లను తినడానికి భయపడుతుంటారు. అయితే మధుమేహులు కొన్ని మార్గాల్లో మామిడి పండ్లను తింటే రక్తంలో చక్కెర స్థాయిలు పెరిగే అవకాశమే ఉండదు. అదెలాగంటే..

స్మూతీ

తీయగా, పోషకాలు పుష్కలంగా ఉండే మామాడి పండ్లను మధుమేహులు కూడా తినొచ్చు. కాకపోతే వీరు మామిడి పండ్లను పెరుగుతో స్మూతీగా తినాలి. ఎందుకంటే ఇది గ్లైసెమిక్ ఇండెక్స్ ను మరింత తగ్గిస్తుంది. 

స్టాండలోన్ స్నాక్

భోజనం తర్వాత కాకుండా ఉదయం లేదా మధ్యాహ్నం పూట అల్పాహారంగా మధుమేహులు తీసుకోవచ్చు. దీనివల్ల వీరికి మంచి జరుగుతుంది.  దీనీవల్ల మధుమేహుల రక్తంలో చక్కెర స్థాయిలు పెరిగే అవకాశం ఉండదు.

Mangoes

ప్రాసెస్ చేసిన మామిడికి దూరంగా ఉండండి

మార్కెట్లో ప్రాసెస్ చేసిన మామిడి పండ్లు పుష్కలంగా లభిస్తాయి. కానీ వీటిని తినకపోవడమే మంచిది. తయారుగా ఉన్న, ముక్కలుగా కోసి పెట్టిన మామిడి ముక్కలను అస్సలు తినకండి. ఫ్రెష్ వాటినే మాత్రమే తినాలి.