Devatha: దేవి మనసు మళ్లీ మార్చడానికి మాధవ్ ప్రయత్నం.. ఆదిత్యను ఇంటికి పిలిచి రచ్చ!

ఈరోజు ఎపిసోడ్ ప్రారంభంలోనే... మాధవ్ ఆదిత్య కి ఫోన్ చేసి మీ రైతులకు ఏవో సమస్యలు ఉన్నారట నాకు వచ్చి చెప్పారు అని అంటాడు.అప్పుడు ఆదిత్య, రైతులకు సమస్యలు ఉంటే నాకు చెప్తారు లేకపోతే నేనే వాళ్ళ దగ్గరికి వెళ్లి తెలుసుకుంటాను మధ్యలో నీ రాయబారం ఏంటి అని అడగగా నేను నీకు ఈ విషయం చెప్పి వాళ్లకి సహాయం చేస్తానని మాట ఇచ్చాను. నువ్వు వస్తావా నన్ను రమ్మంటావా? నువ్వేరా ఒకవేళ నువ్వు రాకపోతే అని మాట పూర్తవక ముందే ఫోన్ పెట్టేస్తాడు మాధవ్. ఆదిత్య వీడి మాటల్లో ఏదో తేడాగా ఉంది ఇంకేం పెంటపెడతాడు అని అనుకుంటాడు. నేను బయలుదేరుతున్నాను కార్ తాళాలు ఇవ్వు భాషా అని ఆదిత్య అనగా నేను వస్తాను అని భాష అంటాడు. అప్పుడు ఆదిత్య నేను ఆఫీస్ కి వెళ్ళట్లేదు తాళాలు అడిగాను కదా ఇవ్వు అని అరిచి అక్కడ నుంచి వెళ్ళిపోతాడు.
 

ఆ తర్వాత సీన్లో మాధవ్ పిల్లలతో మిమ్మల్ని ఆఫీసర్ సార్ వచ్చి స్కూల్ కి దింపుతారట తన బండిలో. ఆయన రాకముందే మీరు రెడీ అయిపోయింది అని అంటాడు ఈలోగా రుక్మిణి అక్కడికి వస్తుంది నీకు తెలియకుండా ఆఫీసర్ సార్ ఇక్కడికి రావడం ఏంటి అని అనుకుంటున్నావు కదా. ఇక్కడ జరగబోయేది చూడు అని అంటాడు. అప్పుడు రుక్మిణి మనసులో, ఇప్పుడు ఈయన ఏం చేయబోతున్నారు మాటలు చూస్తే తేడాగా ఉన్నాయి అని అనుకుంటుంది. ఆ తర్వాత సీన్లో సత్య,భాషను వదిలిపెట్టి ఆదిత్యా ఎక్కడికి వెళ్ళడు అలాంటిది భార్య కడుపుతో ఉంది నువ్వు ఇంట్లోనే ఉండు అని సాకులు చెప్పి వెళ్ళిపోతున్నాడు.అసలేం జరుగుతుంది నాకు ఎప్పుడు చెప్తాడు అని బాధపడుతూ ఉంటుంది సత్య.
 

ఆ తర్వాత సీన్లో మాధవ్ ఇంట్లో కూర్చొని ఉంటాడు. నేను అంత చెప్పిన తర్వాత టక్కున వస్తాడు అనుకుంటే ఇంకా రాలేదేంటి మీ ఆఫీసర్ సార్ అని రుక్మిణితో అంటాడు మాధవ్. అప్పుడు ఆదిత్య అక్కడికి వస్తాడు. మాధవ్ ఆదిత్య తో రండి ఆఫీసర్ అని చెప్పి రాధా, వెళ్లి ఆఫీసర్ కి కాఫీ ఇవ్వు అసలుకే నీ చేతితో కాఫీ తాగి ఎన్ని రోజులైందో అని ఎటకారిస్తాడు. ఇంతట్లో పిల్లలు అక్కడికి వచ్చి ఆఫీసర్ సర్ వచ్చేసారా? నాయనా, మీరు మమ్మల్ని స్కూల్ కి దింపడానికి వచ్చారు అని చెప్పాడు అని అనగా మాధవ్, చిన్మయి నువ్వు కారులో వెళ్లి కూర్చో ఈలోగా ఆఫీసర్ సార్ వచ్చి మీ ఇద్దరినీ స్కూల్ కి తీసుకెళ్తాడు అని అంటాడు. దేవి అక్కడే ఉంటుంది ఈ లోగ నలుగురు అనాధ పిల్లలు మాధవ్ ఇంటికి వస్తారు. చేతిలో డొనేషన్ డబ్బాని పట్టుకుని, మేము అనాధ శరణాలయం నుంచి డొనేషన్ కోసం వచ్చాము సర్ అని అంటారు..
 

మాధవ్ వారిని లోపలికి పిలిచి దేవి, లోపల నా పర్స్ ఉంది అది వెళ్లి తీసుకురా అని దేవిని లోపలికి పంపుతాడు. అప్పుడు మాధవ్ రాధతో చెప్పాను కదా ఇదే అతి ముఖ్యమైన ఘట్టము అని అంటాడు. ఈ లోగ దేవి ఆ పర్స్ తీసుకొని బయటకు వస్తుంది. మాధవ్ వాళ్ళకి డబ్బులు ఇచ్చి ఒక పాపతో పాప, నీ గురించి నాకు తెలుసు మీ నాయన ఒక తాగుబోతు పెళ్ళాన్ని కొడుతూ ఉంటాడు అని అనగా మా నాయన మీకు తెలుసా ఒకవేళ తెలిస్తే ఎక్కడున్నారో చెప్పండి సర్. నేను ఇక్కడ అనాధగా ఉండలేను నాకంటూ ఎవరైనా ఉన్నారనే ధైర్యం నాకు వస్తుంది మా నాన్న మంచివాడు అవ్వకపోయినా పర్లేదు నేను మా నాయనని చూసుకుంటాను ఇక్కడ ఉంటే బానే ఉంటుంది కానీ రాత్రి పడుకుంటున్నప్పుడు నాకంటూ ఎవరూ లేరు అనే బాధని నేను తట్టుకోలేకపోతున్నాను.
 

నిజంగా మా నాన్న ఎక్కడున్నారో మీకు తెలిస్తే దయచేసి చెప్పండి సార్ అని అంటుంది. ఈ మాటలన్నీ దేవి వింటుంది,చాలా బాధపడుతుంది. మీ నాన్న ఎక్కడున్నా నేను నీ దగ్గరికి వచ్చేలా చేస్తాను అమ్మ అని మాధవ్ వాల్లని పంపించేస్తాడు. దేవి, స్కూల్ కి టైం అవుతుంది నువ్వు కూడా వెళ్లి కారులో కూర్చో అని మాధవ్ అంటాడు. అప్పుడు దేవి వాళ్ళ నాన్న గురించి బాధపడుతూ అక్కడి నుంచి వెళ్ళిపోతుంది. అప్పుడు ఆదిత్య మాధవ్ చొక్కా పట్టుకొని లేనిపోని ఆశలు పెట్టి ఆ పిల్లని బాధ పెట్టేలా చేస్తున్నావు అసలు నీకు మనసు ఉందా? అని అరుస్తాడు. ఇంతట్లో దేవి అక్కడికి వచ్చి, ఆఫీసర్ సార్ నాకు నా నాయన కావాలి మంచోడు కాకపోయినా పర్వాలేదు నేను మా నాయనతోనే ఉంటాను ఒక్కసారి కనిపించేలా చేయండి అని ఏడుస్తూ ఉంటుంది.
 

అనుకున్నది జరిగింది అని మాధవ్ ఆనంద పడుతూ ఉంటాడు. అలాగేనమ్మా ముందు స్కూల్ కి వెళ్దాం టైం అవుతుంది అని ఆదిత్య దేవిని అక్కడి నుంచి తీసుకెళ్తూ ఉండగా రుక్మిణి పిల్లల్ని స్కూల్లో దింపాక నాకు ఫోన్ చెయ్ పెనిమిటి అని అంటుంది. అప్పుడు మాధవ్, ఆదిత్య ఒకేసారి రుక్మిణి వైపు చూడగా ఫోన్ చేయండి ఆఫీసర్ సార్ అని అంటుంది. ఇంతటితో ఎపిసోడ్ ముగుస్తుంది. తర్వాయి భాగంలో ఏం జరిగిందో తెలియాలంటే రేపటి వరకు ఎదురు చూడాల్సిందే!