ఒక్క మెరుపు మెరిసి మాయమైన హాట్ బ్యూటీస్

First Published Sep 25, 2019, 9:39 AM IST

హీరోల పరిస్థితి ఎలా ఉన్నా ప్రస్తుతం హీరోయిన్స్ మధ్య మాత్రం పోటీ తీవ్రత తారా స్థాయికి చేరుకుంది. ఆచితూచి అడుగువేయకపోతే ఒక్క సినిమాతో నటీమణుల కెరీర్లు ఊహించని మలుపులు తిరుగుతున్నాయి. అయితే గత కొన్నేళ్లలో సాలిడ్ ఎంట్రీ ఇచ్చి మాయమైపోయిన ముద్దుగుమ్ముల లిస్ట్ పెద్దగానే ఉంది. అందులో కొందరు వీరే..

అనురాధా మెహతా - ఆర్య సినిమాతో ఒక్కసారిగా న్యాచురల్ బ్యూటీగా ఇండస్ట్రీకి పరిచయమైన ఈ బేబీ ఎక్కువరోజులు నిలవలేకపోయింది. గ్లామర్ డోస్ పెంచినా కూడా అనురాధ స్టార్ హీరోయిన్స్ లా అవకాశాలు అందుకోలేక కనుమరుగైపోయింది.

సారా జేన్ డీఎస్: పంజా సినిమాతో సాలిడ్ ఎంట్రీ ఇచ్చిన ఈ బ్యూటీ తన అందంతో అప్పట్లో అందరిని ఆకర్షించింది. పంజా సినిమా పెద్దగా సక్సెస్ కాకపోయినప్పటికీ అవకాశాలు వస్తాయని అనుకున్నారు. కానీ బేబీ ఎక్కువ కాలం నిలవలేకపోయింది.

పాయల్ ఘోష్: ప్రయాణం సినిమాతో పరిచయమైన ఈ స్టార్ మోడల్ సినీ ప్రయాణం ఎక్కువ కాలం సాగలేదు. బ్యూటీ గా గుర్తింపు దక్కినా కమర్షియల్ బ్యాడ్ లక్ బేబీ కెరీర్ కి ఎండ్ కార్డ్ వేసింది.

సియా: నేనింతే సినిమాతో మంచి సక్సెస్ అందుకొని ఇండస్ట్రీలో స్టార్ హీరోయిన్ గా ఎదగాలని అనుకున్న సియా కోరిక ఎక్కువ కాలం కొనసాగలేదు. సపోర్టింగ్ రోల్స్ చేసినప్పటికీ బేబీకి అదృష్టం కలిసి రాలేదు.

గౌరీ ముంజల్: బన్నీ సినిమాతో సాలిడ్ బాక్స్ ఆఫీస్ హిట్ అందుకున్న గౌరీ ఆ తరువాత ఆ స్థాయిలో హిట్స్ అందుకోలేకపోయింది. ఆమె స్టార్ హోదా ఆ ఒక్క సినిమాకే పరిమితమయ్యింది.

మీరా చోప్రా: బంగారం సినిమాతో కుర్రాళ్లను ఎక్కువగా ఎట్రాక్ట్ చేసిన ఈ బ్యూటీ ఆ తరువాత చిన్న చిన్న సినిమాల్లో అవకాశాలు అందుకున్నప్పటికీ స్టార్ హీరోయిన్స్ రేంజ్ లో క్లిక్కవ్వలేకపోయింది.

నేహా శర్మా: మెగాపవర్ స్టార్ మొదటి సినిమా చిరుతతో మొదటి సినిమా చేసిన నేహా శర్మ ఆ తరువాత ఎందుకోగానీ పెద్దగా అవకాశాలు అందుకోలేకపోయింది.

భాను శ్రీ మెహ్రా: వరుడు సినిమా రిలీజ్ కు ముందు హీరోయిన్ విషయంలో సస్పెన్స్ క్రియేట్ చేసిన చిత్ర యూనిట్ డిజాస్టర్ టాక్ ను అందుకుంది. సినిమాలో అద్భుతంగా నటించినప్పటికీ బేబీపై పెరిగిన అంచనాలు కెరీర్ ని కోలుకోలేని దెబ్బకొట్టాయి.

మంజిమా మోహన్: నాగ చైతన్య సాహసమే శ్వాసగా సాగిపో సినిమా తో టాలీవుడ్ కి ఎంట్రీ ఇచ్చిన ఈ బ్యూటీ తెలుగులో పెద్దగా క్లిక్కవ్వలేకపోయింది.

విలేజ్ లో వినాయకుడు సినిమాతో క్యూట్ గర్ల్ గా టాలీవుడ్ కి ఎంట్రీ ఇచ్చిన శరణ్య ఆ తరువాత భీమిలి కాబట్టి జట్టులో కనిపించింది. అనంతరం హీరోయిన్ గా పెద్దగా అవకాశాలు అందుకోలేకపోయింది.

శ్వేతా బసు ప్రసాద్: కొత్త బంగారు లోకం సినిమాతో మంచి సక్సెస్ అందుకున్న ఈ యంగ్ బ్యూటీ స్టార్ హీరోల సరసన నటించే అవకాశం అందుకోలేకపోయింది.

కృతి ఖర్బందా: పవర్ స్టార్ తీన్ మార్ సినిమాలో మెరిసిన కృతి ఆ తరువాత ఒంగోలు గిత్త సినిమాతో మారో డిజాస్టర్ అందుకుంది. అనంతరం తెలుగులో ఎక్కువగా క్లిక్కవ్వలేకపోయింది. బాలీవుడ్ లో సైడ్ క్యారెక్టర్స్ చేస్తూ కెరీర్ ని నెట్టుకొస్తోంది.