సమంత, కాజల్, కుష్బూ, నయనతార, నమిత... ఈ హీరోయిన్స్ కి గుడులు కట్టారని తెలుసా?
కొందరు హీరోయిన్స్ దేవతల్లా పూజించబడుతున్నారు. అభిమానులు వారి కోసం ఏకంగా గుడులు కట్టారు.
Samantha
స్టార్ హీరోలను అభిమానులు దేవుళ్ళలా పూజిస్తారు. నచ్చిన హీరో కోసం ఏం చేయడానికైనా వెనుకాడరు. ఈ విషయంలో హీరోయిన్స్ అభిమానులు కూడా తక్కువేం కాదండోయ్. వాళ్లకు నచ్చితే ఏకంగా గుడి కట్టేస్తారు. వివిధ పరిశ్రమలకు చెందిన హీరోయిన్స్ కి ఫ్యాన్స్ గుడులు కట్టి పూజిస్తున్నారు. కుష్బూ, నమిత, కాజల్, నయనతారతో పాటు పలువురు ఈ లిస్ట్ లో ఉన్నారు. తాజాగా తమన్నా జాయిన్ అయ్యారు.
బాపట్ల జిల్లా చుండూరు మండలానికి చెందిన సందీప్ సమంతకు వీరాభిమాని. తన అభిమానానికి గుర్తుగా సొంత ఇంటి ఆవరణలో సమంతకు గుడి కట్టాడు. సమంతకు మాయోసైటిస్ సోకినప్పుడు కోలుకోవాలని పుణ్యక్షేత్రాలు తిరిగి మొక్కులు తీర్చుకున్నాడు.
Khushbu Sundar
సౌత్ ఇండియాలో కుష్బూకు మొదట అభిమానులు గుడి కట్టారు. తమిళనాడు రాష్ట్రంలోని తిరుచురాపల్లిలో కుష్బూకు అభిమానులు గుడి కట్టి పూజలు నిర్వహించారు. 90లలో కుష్బూ సౌత్ ఇండియా టాప్ స్టార్ గా ఉన్నారు
హాట్ బాంబ్ నమితకు కూడా గుడులు కట్టారు తమిళ తంబీలు. తమిళనాడు రాష్ట్రంలో ఏకంగా మూడు గుడులు ఆమెకు ఉన్నాయి. కోయంబత్తూర్, తిరునెల్వేలి తో పాటు మరొక ప్రాంతంలో నమితకు అభిమానులు గుడి కట్టారు. తెలుగులో నమిత సొంతం, జెమిని, సింహ చిత్రాల్లో నటించారు.
టాలీవుడ్ లో హీరోయిన్ గా పరిచయమైన హన్సిక కోలీవుడ్ లో సక్సెస్ అయ్యారు. అక్కడ ఎక్కువ చిత్రాలు చేశారు. హన్సికకు వీరాభిమానులు ఉన్నారు. చెన్నై శివారులో ఆమెకు గుడి కట్టారు.
Kajal Aggarwal
జ్యోతిక అక్క నగ్మాకు కూడా తమిళనాడులో గుడులు ఉన్నాయి. 90లలో నగ్మా స్టార్ హీరోయిన్ గా తమిళ, తెలుగు పరిశ్రమల్లో కొనసాగారు. అభిమానులు ఆమెకు ఆలయాలు నిర్మించారు.
పట్టుమని పది సినిమాలు చేయకపోయినా తమిళుల అభిమానాన్ని నిధి అగర్వాల్ చూరగొన్నారు. అక్కడ భూమి, ఈశ్వర్ చిత్రాల్లో నటించారు. నిధి అగర్వాల్ కి అభిమానులు చెన్నైలో గుడి కట్టారు.
కాజల్ అగర్వాల్ టాలీవుడ్ తో పాటు కోలీవుడ్ లో స్టార్ గా బ్లాక్ బస్టర్ చిత్రాల్లో నటించారు. ఈ క్రమంలో ఆమెకు అభిమానులు ఏర్పడ్డారు. తమిళనాడులో కాజల్ అగర్వాల్ కి గుడి కట్టించారు. నయనతారకు కూడా గుడి కట్టేందుకు అభిమానులు ప్రయత్నం చేశారు. కానీ ఆమె నిరాకరించారు.