Pawan Kalyan Net Worth: మెగా హీరో, డిప్యూటీ సీఎం పవన్ కల్యాణ్ ఆస్తి ఎంతో తెలుసా? పవర్ స్టార్ రెమ్యునరేషన్ ఎంతంటే?

Pawan Kalyan Net Worth: మెగా హీరో, డిప్యూటీ సీఎం పవన్ కళ్యాణ్ ఆస్తి ఎంతో తెలుసా? పవర్ స్టార్ జీతం ఎంత? ఫిల్మ్ ఇండస్ట్రీలో 'పవర్ స్టార్'గా, రాజకీయంలో 'ఉప ముఖ్యమంత్రి'గా తనదైన ముద్ర వేసిన స్టార్ సెలబ్రిటీ పవన్ కళ్యాణ్. ఆయన ఆస్తుల ఎంతంటే?

Image Credit : others

పవర్ స్టార్ పవన్ కళ్యాణ్ సినీ ప్రస్థానం

1996లో 'అక్కడ అమ్మాయి ఇక్కడ అబ్బాయి' సినిమాతో హీరోగా టాలీవుడ్‌లో పవన్ కళ్యాణ్ ప్రయాణం ప్రారంభమైంది. 'తొలిప్రేమ', 'తమ్ముడు', 'బద్రి', 'ఖుషి' వంటి బ్లాక్‌బస్టర్ చిత్రాలతో టాలీవుడ్‌లో తిరుగులేని ఇమేజ్‌ను, సొంత మేనరిజమ్స్‌తో కోట్లాదిమంది అభిమానులను సొంతం చేసుకున్నారు పవన్. దాదాపు 30 ఏళ్ల సినీ కెరీర్‌లో అత్యధిక పారితోషికం తీసుకునే నటులలో ఒకరిగా నిలిచారు. పలు నివేదికల ప్రకారం ఆయన ఒక్కో సినిమాకు ₹50 కోట్ల వరకు రెమ్యూనరేషన్ తీసుకుంటారని సమాచారం.

Image Credit : stockPhoto

రాజకీయ ప్రయాణం - డిప్యూటీ సీఎంగా పవన్

2008లో చిరంజీవి స్థాపించిన 'ప్రజారాజ్యం' పార్టీలో యువరాజ్యం అధ్యక్షుడిగా రాజకీయారంగేట్రం చేసిన పవన్.. 2014లో 'జనసేన' పార్టీని స్థాపించారు. 2019 ఎన్నికల్లో ఓటములు ఎదురైనా కుంగిపోకుండా, ప్రజా సమస్యలపై నిలకడగా పోరాడారు. 2024 ఆంధ్రప్రదేశ్ అసెంబ్లీ ఎన్నికల్లో టీడీపీ-బీజేపీ కూటమితో కలిసి పోటీ చేసిన జనసేన, పోటీ చేసిన 21 స్థానాల్లోనూ విజయం సాధించి 100% స్ట్రైక్ రేట్ సాధించింది. పిఠాపురం నియోజకవర్గం నుంచి ఘనవిజయం సాధించిన పవన్ కళ్యాణ్, ప్రస్తుతం ఆంధ్రప్రదేశ్ ఉప ముఖ్యమంత్రిగా బాధ్యతలు నిర్వర్తిస్తూ తన మార్క్ చూపిస్తున్నారు.

Image Credit : instagram

పవన్ కళ్యాణ్ ఆస్తుల విలువ ఎంతో తెలుసా?

2024 అసెంబ్లీ ఎన్నికల సమయంలో దాఖలు చేసిన అఫిడవిట్ ప్రకారం, పవన్ కళ్యాణ్ దగ్గర ₹165 కోట్ల విలువైన స్థిర, చరాస్తులు ఉన్నాయి. అలాగే దాదాపు ₹65.76 కోట్ల అప్పులు ఉన్నట్లు అందులో పేర్కొన్నారు. అయితే, మీడియా నివేదికల ప్రకారం ఆయన మొత్తం బ్రాండ్ వ్యాల్యూ, సినిమాలు, స్థిరాస్తుల మార్కెట్ విలువను పరిగణనలోకి తీసుకుంటే నెట్‌వర్త్ దాదాపు ₹450 కోట్ల వరకు ఉండవచ్చని అంచనా.

Image Credit : instagram

పవర్ స్టార్ గ్యారేజీలో ఉన్న లగ్జరీ కార్లు

హైదరాబాద్‌లో ఆయనకు విలువైన స్థిరాస్తులతో పాటు ఒక ఫామ్‌హౌస్ కూడా ఉంది. వాహనాల పట్ల ఇష్టమున్న పవన్ గ్యారేజీలో మెర్సిడెస్ బెంజ్ జీ-క్లాస్ (Mercedes-Benz G-Class), ఆడి క్యూ7 (Audi Q7), బీఎమ్‌డబ్ల్యూ ఎక్స్5 (BMW X5), టయోటా ల్యాండ్ క్రూజర్ వంటి పలు హై టెక్నాలజీ కలిగిన లగ్జరీ కార్లు ఉన్నాయి.

ప్రస్తుతం ఒకవైపు ఏపీ ఉప ముఖ్యమంత్రిగా పాలనా వ్యవహారాలు చూసుకుంటూనే, మరోవైపు అభిమానుల కోసం సినిమాలను బ్యాలెన్స్ చేస్తున్నారు. అటు వెండితెరపై, ఇటు ప్రజా క్షేత్రంలో సమాంతరంగా పవర్ చూపిస్తూ పవన్ కళ్యాణ్ ముందుకు సాగుతున్నారు.