మూడేళ్ళుగా ఒక్క హిట్ లేదు.. 'దసరా' బ్లాక్ బస్టర్ కంఫర్మ్ కాగానే నాని ఎలా గర్జించాడో తెలుసా, వైరల్

నేచురల్ స్టార్ నాని నటించిన దసరా చిత్రంతో దెబ్బతిన్న బెబ్బులిలా బాక్సాఫీస్ పై విరుచుకుపడుతున్నాడు. నాని కెరీర్ లోనే బిగ్గెస్ట్ హిట్ దిశగా దసరా దూసుకుపోతోంది.

నేచురల్ స్టార్ నాని నటించిన దసరా చిత్రంతో దెబ్బతిన్న బెబ్బులిలా బాక్సాఫీస్ పై విరుచుకుపడుతున్నాడు. నాని కెరీర్ లోనే బిగ్గెస్ట్ హిట్ దిశగా దసరా దూసుకుపోతోంది. అన్ని ఏరియాల నుంచి దసరా చిత్రానికి యునానిమస్ హిట్ టాక్ లభిస్తోంది. గతంలో ఎప్పుడూ నాని ఇలా పల్లెటూరి నేపథ్యంలో అసలు సిసలైన నాటు కథలో నటించలేదు. 

డెబ్యూ దర్శకుడు శ్రీకాంత్ ఓదెల తొలి చిత్రంతోనే కుంభస్థలాన్ని కొట్టాడు అంటూ ప్రశంసలు దక్కుతున్నాయి. ఈ చిత్రంలో నాని సరసన నటించిన కీర్తి సురేష్ నటనకు కూడా ప్రేక్షకుల నుంచి మంచి రెస్పాన్స్ దక్కుతోంది. ఇక నాని అయితే చెప్పనవసరం లేదు. తొలిసారి ఊర మాస్ రోల్ లో చెలరేగిపోయాడు. 

డైలాగ్ డెలివరీ ఎమోషన్ పర్ఫెక్ట్ గా కుదరడంతో దసరా చిత్రం విజయం సాధించింది. గత మూడేళ్ళుగా నానికి నిఖార్సైన బాక్సాఫీస్ సక్సెస్ లేదు. అన్ని చిత్రాలు బావున్నాయి అంటున్నారు కానీ కలెక్షన్స్ రాక ఫ్లాప్ అవుతూ వచ్చాయి. మూడేళ్ళ క్రితం నాని నటించిన జెర్సీ మాత్రం హిట్ అయింది. ఆ తర్వాత వచ్చిన గ్యాంగ్ లీడర్, వి, టక్ జగదీష్, శ్యామ్ సింగ రాయ్, అంటే సుందరానికీ చిత్రాలు కమర్షియల్ సక్సెస్ కాలేదు. 

దీనితో నాని మార్కెట్ తగ్గుతోందా అనే అనుమానాలు వ్యక్తం అవుతున్న తరుణంలో నాని బాక్సాఫీస్ పై దసరా రూపంలో సాలిడ్ పంచ్ విసిరారు. దసరా చిత్రం బాక్సాఫీస్ వద్ద బ్లాక్ బస్టర్ సక్సెస్ ఖాయం అయింది. రెండవరోజు కూడా దసరా చిత్రానికి సాలిడ్ బుకింగ్స్ లభిస్తున్నాయి. దసరా హిట్ పక్కా కావడంతో ఇన్నిరోజులు పాటు తనలో దాచుకున్న ఫీలింగ్ లో ఒక్కసారిగా నాని బయట పెట్టాడు. 

జెర్సీ చిత్రంలో నాని క్రికెట్ టీంలో సెలెక్ట్ కాగానే రైల్వేస్టేషన్ కి వెళ్లి గట్టిగా గర్జిస్తూ తన భావోద్వేగాన్ని తెలియజేస్తాడు. అలా గర్జిస్తున్న పిక్ కి చేతిలో గొడ్డళ్లు పెట్టి నాని తాజాగా ట్వీట్ చేశాడు. తన భావోద్వేగాన్ని ఇలా బయట పెట్టుకున్నాడు. ఈ పిక్ ప్రస్తుతం సోషల్ మీడియాలో వైరల్ గా మారింది. 

దసరా రిలీజ్ కి ముందు పుష్పతో పోల్చుతూ అనేక అనుమానాలు వినిపించాయి. అన్నింటికీ మార్చి 30న సమాధానం ఇస్తాం అని నాని చెప్పారు. చెప్పినట్లుగానే దసరా అనేది స్పెషల్ ఫిలిం అని నిరూపించారు. ఏపీ, తెలంగాణ, యుఎస్ అన్ని చోట్ల ప్రస్తుతం దసరా మానియా నెలకొంది.