Krishna Mukunda Murari: మురారిపై అనుమానం పడుతున్న కృష్ణ.. కోపంతో రగిలిపోతున్న ముకుంద?

Krishna Mukunda Murari: స్టార్ మా లో ప్రసారమవుతున్న కృష్ణ ముకుంద మురారి సీరియల్ మంచి కంటెంట్ తో టాప్ సీరియల్స్ సరసన స్థానం సంపాదించుకుంటుంది. పెళ్లికి ముందు ప్రేమించిన అబ్బాయిని మళ్లీ దక్కించుకోవాలని చూస్తున్న ఒక అమ్మాయి కథ ఈ సీరియల్. ఇక ఈరోజు జూన్ 15 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో నువ్వు కోపంగా ఉంటే బావుంటావని ఎవరైనా చెప్పారా అని అడుగుతాడు మురారి. నా కోపాన్ని ఇప్పటివరకు ఎవరూ చూడలేదు అంటుంది కృష్ణ. అయితే ఆ అదృష్టం నాకు మాత్రమే దక్కిందా అయినా నువ్వు నవ్వితే ఇంకా బాగుంటావు అని మురారి అనేసరికి ఫక్కున నవ్వుతుంది కృష్ణ. ఈ మధ్యన అత్తయ్య గారు ఎందుకో పెద్ద అత్తయ్య లాగా చెప్పిన పని చేయకపోతే వెంటనే కోపగించుకుంటున్నారు.

నిజం చెప్పండి మీరూ, అత్తయ్య నా దగ్గర ఏమైనా దాస్తున్నారా అంటుంది కృష్ణ. అమ్మకి మన అగ్రిమెంట్ మ్యారేజ్ గురించి తెలిసింది అందుకే మనల్ని ఒకటి చేయాలని ఈ ప్రయత్నాలన్నీ చేస్తుంది అని మనసులో అనుకుంటాడు మురారి. ఏదో ఫోన్ వచ్చింది అని చెప్పి కంగారుగా అక్కడినుంచి వెళ్ళిపోయి తప్పించుకుంటాడు. కచ్చితంగా వీళ్ళిద్దరూ నా దగ్గర ఏదో దాస్తున్నారు అనుకుంటుంది కృష్ణ.

అప్పుడే సోఫా కింద ఉన్న డైరీ కృష్ణ కంట్లో పడుతుంది. అది చూసి చదువుదామనుకుంటుంది కానీ చదవలేక  ఈ డైరీ నా జీవితాన్ని మార్చేసింది అని తిట్టుకుంటూ డైరీ చదవకుండా యధా స్థానంలో పెట్టేస్తుంది. మరోవైపు అత్తయ్య ఎందుకు ఇంత సడన్గా హోమం పెట్టించారు ముకుంద విషయం ఆవిడకి తెలిసిందా మనసులో అనుకుంటుంది అలేఖ్య.

ఇదే విషయాన్ని ముకుంద దగ్గర తెలుసుకోవడానికి బయలుదేరుతుంది. ఒకసారిగా షాక్ అయినా ముకుంద రేవతి అత్తయ్య అని చెప్పి ఆపేసావ్ ఏంటి ఏం చెప్పారు అని కంగారుగా అడుగుతుంది ముకుంద. ఇంత కంగారు పడుతుంది అంటే తప్పకుండా ఏదో ఉంది అనుకుంటుంది అలేఖ్య. ఎందుకంత కంగారు పడుతున్నావు అత్తయ్య నిన్ను హోమం దగ్గరికి రమ్మంటుంది అందుకే నిన్ను పిలవటానికి వచ్చాను అని చెప్పి అక్కడి నుంచి వెళ్ళిపోతుంది అలేఖ్య.

మురారి గాని ఈ హోమంలో కూర్చుంటే కృష్ణని భార్యగా స్వీకరించినట్లే అని మనసులో బాధపడుతుంది ముకుంద. మరోవైపు కృష్ణని అందంగా రెడీ చేస్తుంది రేవతి. మురారికి పంచ కట్టే తీసుకువస్తాడు ప్రసాద్. హోమంలో కూర్చోవడం ఒకరికి ఇష్టం లేదేమో అని మరొకరు అనుకుంటారు. వీళ్ళిద్దరూ ముభావంగా ఉండటం చూసి ఇద్దరికీ పీటల మీద కూర్చోవడం ఇష్టం లేనట్లుగా ఉంది. ఆ నిమిషానికే కలిసిమెలిసి ఉంటారు ఆ నిమిషానికే ముభావంగా మారిపోతారు ఏంటో వీళ్ళిద్దరూ అర్థం కారు అనుకుంటుంది రేవతి.

పూజకి టైం అవటంతో మురారి దంపతులు ఇద్దరు మెట్లు దిగి కిందికి వస్తుంటారు. వాళ్ళిద్దర్నీ అలా చూసి భరించలేక పోతుంది ముకుంద. కృష్ణ స్థానంలో తనని తాను ఊహించుకుంటుంది. తనలో ఉన్నదేంటి నాలో లేనిది ఏమిటి నాకు దక్కని అదృష్టం కృష్ణ కి దక్కింది అని మనసులోనే బాధపడుతుంది ముకుంద. మరోవైపు జంటలు రెండు పీటల మీద కూర్చోండి అనటంతో మధుకర్ దంపతులు ముందు కూర్చుంటారు. కూర్చోవడానికి ఆలోచిస్తూ ఉంటారు మురారి దంపతులు.

వాళ్లని మందలించి కూర్చోబెడుతుంది రేవతి. ఈ ఇంటికి కోడలుగా జీవితకాలం ఉండిపోవాలనే ఆశ కృష్ణ కళ్ళల్లో కనిపిస్తుంది. మురారి ముభావంగా ఉన్నాడు అంటే వాడికి ఇష్టం లేనట్లుగా ఉంది ఈ అగ్రిమెంట్ కూడా వాడి నిర్వాకమే అని కొడుకుని తిట్టుకుంటుంది రేవతి. దంపతులిద్దరి చేత అగ్ని మీద ప్రమాణం చేయించి ఏడేడు జన్మలకి వాళ్లే భార్యాభర్త కావాలి అని చెప్పిస్తారు పంతులుగారు.

ఇదంతా చూస్తుంటే హోమం చేస్తున్నట్లు అనిపించడం లేదు వాళ్ళిద్దరికీ అగ్నిసాక్షిగా మళ్లీ పెళ్లి జరుగుతున్నట్లుగా ఉంది అనుకుంటూ కళ్ళు తిరిగే పడిపోతుంది ముకుంద. అందరూ కంగారు పడతారు. హోమం మధ్యలో నుంచి లేచిపోతాడు మురారి. తర్వాత ఏం జరిగిందో రేపటి ఎపిసోడ్ లో చూద్దాం.