Krishna Mukunda Murari: భర్తతో ప్రేమలో పడ్డ కృష్ణ.. తీవ్ర మనస్తాపంతో ముకుంద?
Krishna Mukunda Murari: స్టార్ మా లో ప్రసారమవుతున్న కృష్ణ ముకుంద మురారి సీరియల్ టాప్ సీరియల్స్ కి గట్టి పోటీ చేస్తూ మంచి రేటింగ్ ని సంపాదించుకుంటుంది. ఇద్దరి మధ్యా అనురాగం ఉన్నప్పటికీ వ్యక్తం చేసుకోలేకపోతున్న ఒక జంట కథ ఈ సీరియల్. ఇక ఈరోజు మే 25 ఎపిసోడ్ లో ఏం జరిగిందో చూద్దాం.
ఎపిసోడ్ ప్రారంభంలో మా ఊరిలో నీళ్లు కాచుకోవటానికి కట్టెల పొయ్యి ఉంటుంది నీ ఫోన్ ని అందులో పడేయమని చెప్తాను అని మధుతో చెప్తుంది కృష్ణ. అలా అనకండి వదిన సినిమాలు కోసం ట్రై ట్రై చేస్తే కమెడియన్ కి ఎక్కువ క్యారెక్టర్ ఆర్టిస్ట్ కి తక్కువ అంటూ ఎవరు తీసుకోవట్లేదు. సంపాదించడం చేతకాని వాజమ్మ లాగా చూస్తున్నాడు మా నాన్న. మొన్న మీ లవ్ ప్రపోజల్ రీల్ కి బోలెడన్ని వ్యూస్ వచ్చాయి.
బోలెడు డబ్బు కూడా వచ్చింది. అందుకే మరో కాన్సెప్ట్ రెడీ చేశాను అందులో లవర్స్ లాగా మీరిద్దరూ చేయాలి అంటాడు మధు. లవర్స్ అనేసరికి మొహం వెలిగిపోతుంది కృష్ణ కి. బయటికి మాత్రం ఆయన ఒప్పుకోరేమో అంటుంది. అంతలోనే మురారి వస్తాడు. మురారిని ఒప్పించమని కృష్ణని అడుగుతాడు మధు. నిన్నేదో రికమెండ్ చేయమంటున్నాడు ఏంటది అని అడుగుతాడు మురారి.
రీల్స్ సంగతి చెప్తుంది కృష్ణ. మా పై ఆఫీసర్స్ చూస్తే నన్ను దొబ్బుతారు అంటాడు మురారి. నేను చెప్పిన ఒప్పుకోరా అంటూ గారంగా అడుగుతుంది కృష్ణ. తప్పదన్నట్లు ఒప్పుకుంటాడు మురారి. ఆనందంతో ఎగిరి గంతేస్తూ షూటింగ్ కి ఏర్పాటు చేసుకుంటానంటూ అక్కడి నుంచి వెళ్ళిపోతాడు మధు. అదే సమయంలో కిచెన్ లో మధు భార్య తల్లి కూరగాయలు కోస్తూ ఉంటారు.
నేరుగా అక్కడికి వెళ్లిన మధు నేను కొద్ది రోజుల్లో రిచెస్ట్ మెన్ అయిపోతున్నాను. వచ్చిన డబ్బులు ఏం చేసుకోవాలో తెలియటం లేదు ఇలాంటి బిల్డింగులు నాలుగు కట్టిస్తాను అంటూ గొప్పలు పోతాడు. ఈ రిచెస్ట్ మేన్ పొద్దున్నే పెట్రోల్ కోసం నా కాళ్లు పట్టుకున్నంత పని చేశాడత్తయ్య అంటుంది మధు భార్య. ఈ తండ్రి కొడుకులకి అందితే జుట్టు అందకపోతే కాళ్ళు పట్టుకోవడం అలవాటే అంటూ నవ్వుతుంది సుమ.
మరోవైపు షూటింగ్లో మధు ఇచ్చిన స్క్రిప్ట్ తో పాటు తన ఓన్ డైలాగ్స్ కూడా యాడ్ చేసి చెప్తుంది కృష్ణ. ప్రేమికురాలి క్యారెక్టర్లో ఇన్వాల్వ్ అయిపోయి తన మనసులో మాట కూడా బయట పెట్టేసి రోజ్ ఫ్లవర్ ఇచ్చి ప్రపోజ్ చేస్తుంది. మురారి కూడా ఆ సీన్ లో ఇన్వాల్వ్ అయిపోతాడు. మధు కట్ చెప్పి నేను ఇచ్చిన స్క్రిప్ట్ కన్నా నువ్వు చెప్పిన డైలాగ్స్ సూపర్ గా ఉన్నాయి, చించేసావు అంటాడు.
నేను చెప్పాను సరే కానీ ఆయన చెప్పటానికి డైలాగ్ లు ఏమీ లేవా అంటుంది కృష్ణ. నువ్వు ఇంత బాగా చెప్పిన తర్వాత ఇంక చెప్పడానికి ఏమీ లేదు అంటాడు మురారి. మరోవైపు కృష్ణ, ముకుంద లవర్స్ గా పెట్టి రీల్స్ చేస్తున్నాడు మధు. మొన్న తీసిన రీల్ కూడా మంచి సక్సెస్ అయిందంట. అందుకే మళ్ళీ తీస్తున్నాడు ఇది సక్సెస్ అయితే భార్యాభర్తలు గా కన్నా ప్రేమికులుగానే ప్రపంచానికి పరిచయం అవుతారంట.
ఇప్పుడే మధు ఫోన్ చేసి చెప్పాడు అని అత్తగారికి చెప్తుంది మధు భార్య.ఆ మాటలు విన్న ముకుంద చాలా బాధపడుతుంది. అంతలోనే మధు వాళ్ళు ఇంటికి వస్తారు. అక్కడే ఉన్న రేవతి తో నీ కోడలు చించేసింది పెద్దమ్మ సూపర్ గా యాక్ట్ చేసింది కావాలంటే మురారిని అడుగు అంటాడు మధు. అవునా అంటుంది రేవతి. అవునమ్మా తను ఎంత బాగా చెప్పిందంటే నేను కూడా డైలాగులు చెప్పడం మర్చిపోయాను అంటాడు మురారి.
అందరూ కృష్ణని అప్రిషియేట్ చేస్తారు. కృష్ణతో ఆడవాళ్లు మురారితో మగవాళ్ళు చర్చించుకుంటూ ఉంటారు. ముకుంద మాత్రం ముభావంగా తన గదిలోకి వెళ్ళిపోతుంది. కృష్ణ కి మురారి కి పెరుగుతున్న అనుబంధాన్ని తలుచుకుని బాధపడుతుంది. తరువాయి భాగంలో తండ్రి ఫోటో దగ్గరికి వచ్చి నాన్న నేను నా భర్తతో ప్రేమలో పడ్డాను అని చెప్తుంది కృష్ణ.