కాజల్ ముద్దులు, హగ్గుల స్టోరీ.. నిద్ర లేవగానే మన చందమామ ఏం చేస్తుందో తెలుసా?
తెలుగు తెర అందాల చందమామ కాజల్.. ఓ వైపు సినిమాలతో బిజీ అవుతుంది. మరోవైపు ఫ్యామిలీ లైఫ్ని లీడ్ చేస్తుంది. ఈ సందర్బంగా కాజల్ యాక్టివిటీస్ ఇప్పుడు ఆసక్తికరంగా మారాయి.
కాజల్ అగర్వాల్.. రెండు దశాబ్దాలపాటు తెలుగు తెరపై రాణిస్తుంది. ఇంతటి సుధీర్ఘ కెరీర్ కొనసాగించడం అంత ఈజీ కాదు. తన పాజిటివ్ నేచర్, కంఫర్ట్ నేచర్తో రాణించగలుగుతుంది. అదే సమయంలో సక్సెస్ఫుల్ హీరోయిన్గానూ నిలుస్తుంది. ఈ బ్యూటీ సినిమాలు చాలా వరకు సక్సెస్ కావడం కూడా కాజల్ ఇంతటి లాంగ్ కెరీర్ కొనసాగించడానికి కారణమని చెప్పొచ్చు.
ఇప్పుడు సెకండ్ ఇన్నింగ్స్ లోనూ దూసుకుపోతుంది. ఈ బ్యూటీ జోరు మామూలుగా లేదు. రెండు పెద్ద సినిమాల్లో నటిస్తుంది. లేడీ ఓరియెంటెడ్ చిత్రాలకు శ్రీకారం చుట్టింది. ఈ ఏజ్లో, పైగా పెళ్లయ్యాక గ్లామర్ పాత్రలు చేయడం కష్టం కాబట్టి రూట్ మార్చి దూసుకెళ్తుంది.
ఇక వ్యక్తిగతంగా కాజల్.. ఓ వైపు తన కుమారుడు నీల్ కిచ్లుని చూసుకుంటూనే ఫ్యామిలీని లీడ్ చేస్తుంది. భర్తకి చేదోడువాదోడుగా ఉంటుంది. ఆయన వ్యాపారాలను కూడీ లీడ్ చేస్తుందీ అందాల చందమామ. అయితే పిల్లలకు జన్మనిచ్చాక అమ్మాయిల లైఫ్ మారిపోతుంది. ప్రయారిటీస్ మారిపోతాయి. ఎక్కువగా భర్త, పిల్లలకే ప్రయారిటీ ఇస్తారు. ఈ క్రమంలో ఉదయం లేవగానే కాజల్ ఏం చేస్తుందనేది ఇప్పుడు ఆసక్తికరంగా మారింది.
కాజల్ తాజాగా అభిమానులతో చాట్ చేసింది. వారు అడిగిన ప్రశ్నలకు సమాధానం చెప్పింది. అందులో భాగంగా మార్నింగ్ లేవగానే మీరు చేసే మొదటి పని ఏంటి అని అడిగారు అభిమాని. దీనికి కాజల్ స్పందిస్తూ, నా కుమారుడికి, నా భర్తకి హగ్తోపాటు కిస్ ఇస్తాను అని పేర్కొంది. దీంతోపాటు సమృద్ధిగా కృతజ్ఞత పాటిస్తానని, వేడి నీటిని తాగడం, ప్రశాంతమైన సంగీతాన్ని వినడం, ప్రార్థన చేయడం, వార్తాపత్రికలు చదవడం, ఇంట్లో ఉన్నప్పుడు నీల్ అల్పాహారం రెడీ చేసి అతనికి తినిపించడం, పనిలో ఉన్నప్పుడు రెడీ అయి షూట్కి వెళ్లడం చేస్తానని తెలిపింది కాజల్.
ఓవరాల్గా కాజల్ మార్నింగ్ టైమ్ టేబుల్ చెప్పేసింది.కాజల్ చెప్పిన విషయాలు అందరిని ఆకట్టుకునేలా ఉన్నాయి. ప్రస్తుతం ఈ అమ్మడి పోస్ట్ సోషల్ మీడియాలో చక్కర్లు కొడుతుంది. కాజల్ అలవాట్లు చాలా బాగున్నాయని అంటున్నారు నెటిజన్లు.
ఇక కాజల్.. నీల్ కిచ్లు జన్మించాక మళ్లీ పూర్వ ఫిట్నెస్ని పొందింది. అందుకోసం చాలా శ్రమించింది. జిమ్లో హార్డ్ వర్కౌట్స్ చేస్తుంది. కఠినమైన వర్కౌట్స్ చేసి తన ఫిట్నెస్ని పొందింది. ఇప్పుడు హీరోయిన్గా బిజీ అవుతుంది. ప్రస్తుతం ఈ బ్యూటీ తెలుగులో `భగవంత్ కేసరి`, `సత్యభామ` చిత్రాలు చేస్తుంది. మరోవైపు కమల్ హాసన్తో `ఇండియన్ 2`లో నటిస్తుంది. వీటితో పాటు మరో రెండుమూడు ప్రాజెక్ట్ లకు చర్చలు జరుగుతున్నాయి.