‘లైగర్’ ట్రైలర్ లో ఇది గమనించారా.? రౌడీ ఫ్యాన్స్ ఒప్పుకుంటారా?
రౌడీ హీరో విజయ్ దేవరకొండ ఆట మొదలైంది. ఫ్యాన్స్ ఈగర్ గా వెయిట్ చేస్తున్న ‘లైగర్’ నుంచి తాజాగా రిలీజ్ అయిన ట్రైలర్ కు మాసీవ్ రెస్పాన్స్ దక్కుతోంది. అయితే ఈ ట్రైలర్ లో రౌడీ ఫ్యాన్స్ కు పూరీ ఊహించని షాక్ ఇచ్చారు.
టాలీవుడ్ సెన్సేషనల్ స్టార్ విజయ్ దేవరకొండ (Vijay Deverakonda), పూరీ జగన్నాథ్ దర్శకత్వంలో వస్తున్న పాన్ ఇండియన్ మూవీ ‘లైగర్’ గురించి అందరికీ తెలిసిందే. ఈ క్రేజీ కాంబినేషన్ లో సినిమా రాబోతుండటంతో ఫ్యాన్స్ లోనూ జోష్ క్రియేట్ అయ్యింది.
‘లైగర్’ కోసం ఇప్పటికే అభిమానులు ఆసక్తిగా ఎదురుచూస్తున్నారు. మేకర్స్ కూడా అదిరిపోయే అప్డేట్స్ ను అందిస్తూ సినిమాపై అంచనాలు పెంచుతున్నారు. ఇప్పటికే విడుదలైన పోస్టర్స్, గ్లింప్స్, పాటలకు అద్భుతమైన రెస్పాన్స్ దక్కుతోంది. కాగా తాజాగా వదిలిన Liger Trailer కూడా మాసీవ్ రెస్పాన్స్ ను సొంతం చేసుకుంటోంది.
స్టార్ డైరెక్టర్ పూరీ జగన్నాథ్ రౌడీ ఫ్యాన్స్ కు ఊహించని షాక్ ఇచ్చారు. తాజాగా వదిలిన ట్రైలర్ లో విజయ్ మార్షల్ ఆర్ట్స్ స్టంట్స్, అట్రాక్టివ్ మ్యానరిజం అభిమానులకు తెగ నచ్చేశాయి. ఇదిలా ఉంటే.. ట్రైలర్ లో విజయ్ కి నత్తి ఉన్నట్టుగా చూపించడం అభిమానులను షాక్ కు గురిచేసింది.
విజయ్ తన లవర్ కు ‘ఐ లవ్ యూ’ అంటూ చెప్పే సన్నివేశంలో విజయ్ మాట తడబటడం నత్తిగా స్పష్టం అవుతోంది. విజయ్ తో పూరీ అదిరిపోయే డైలాగ్స్ చెప్పిస్తాడని ఆశిస్తున్న అభిమానులకు ఇది షాకింగ్ గానే ఉందని చెప్పాలి. అయితే ఆ ఒక్క సీన్ వరకే మాట తడబడిందా? లేకా సినిమా మొత్తంగా నత్తి ఉంటుందా అన్నది సినిమా వచ్చాకా తేలనుంది.
ఇప్పటికే న్యూడ్ గా వదిలిని పోస్టర్ నెట్టింట వైరల్ అవుతుండగా.. ట్రైలర్ లో నత్తితో రౌడీ చెప్పిన డైలాగ్ సినిమాపై ఇంట్రెస్ట్ ను క్రియేట్ చేస్తోంది. అయితే దీన్ని విజయ్ ఫ్యాన్స్ ఒప్పుకుంటారా? అన్నది చూడాలి. ఇప్పటికే దర్శకుడు అనిల్ రావిపుడి ‘ఎఫ్3’లో మెగా ప్రిన్స్ వరుణ్ తేజ్ చేత ‘నత్తి’తో డైలాగ్స్ చెప్పించి సక్సెస్ అయ్యాడు. గతంలో కమెడియన్ బ్రహ్మానందం కూడా ఇలాంటి పాత్రలో నటించిన ఆడియెన్స్ ను అలరించిన విషయం తెలిసిందే.
ఈ మూవీలో విజయ్ దేవరకొండ, బాలీవుడ్ బ్యూటీ అనన్య పాండే (Ananya Panday) జంటగా నటిస్తున్నారు. పూరీ కనెక్ట్స్, ధర్మ ప్రొడక్షన్స్ సంస్థలు సంయుక్తంగా ‘లైగర్’ను తెరకెక్కిస్తున్న విషయం తెలిసిందే. ఈ స్పోర్ట్స్ డ్రామాను చార్మీ కౌర్, పూరీ జగన్నాథ్, కరణ్ జోహార్, అపూర్వ మెహతా నిర్మిస్తున్నారు. రమ్యక్రిష్ణ, రోనిత్ రాయ్ కీలక పాత్రలు పోషిస్తున్నారు. సంగీత దర్శకుడు మణిశర్మ అదిరిపోయే మ్యూజిక్ అందిస్తున్నారు.