Bigg boos Nonstop: సూట్ కేసుతో అరియానా జంప్...  ఫైనల్ లో అఖిల్ కి షాక్, టైటిల్ పట్టేసిన లేడీ కంటెస్టెంట్!

బిగ్ బాస్ నాన్ స్టాప్ చివరి దశకు చేరుకుంది. శనివారం సాయంత్రం టైటిల్ విన్నర్ ఎవరో తేలిపోనుంది. ఏడుగురు కంటెస్టెంట్స్ ఫైనల్ కి చేరగా వీరిలో టాప్ 5 ఎవరో? టైటిల్ అందుకున్న కంటెస్టెంట్స్ ఎవరో? అంటే ఉత్కంఠ మొదలైంది. అయితే ఇప్పటికే ఈ షోకి సంబంధించిన కీలక సమాచారం బయటకు వచ్చింది.

Bigg Boss Nonstop

బిగ్ బాస్ నాన్ స్టాప్ (Bigg boos Nonstop) పేరుతో తెలుగులో ఫస్ట్ టైం ఓటీటీ ఫార్మాట్ ప్రసారమైంది. రెగ్యులర్ షోకి భిన్నంగా 24*7 కంటెస్టెంట్స్ గేమ్ అందుబాటులో ఉంటుంది. వారాంతాల్లో స్పెషల్ ఎపిసోడ్స్ ఉంటాయి. ఇక గత మూడు సీజన్స్ కి హోస్ట్ గా ఉన్న నాగార్జున (Nagarjuna) బిగ్ బాస్ నాన్ స్టాప్ హోస్ట్ బాధ్యతలు తీసుకున్నారు.

గతంలో బిగ్ బాస్ షోలో పాల్గొన్న కంటెస్టెంట్స్ తో పాటు కొత్త కంటెస్టెంట్స్ మిక్స్ తో షో సిద్ధం చేశారు. పాత కంటెస్టెంట్స్ ని వారియర్స్ గా, కొత్త కంటెస్టెంట్స్ ని చాలెంజర్స్ గా విభజించారు. ఈ షోకి మిక్స్డ్ స్పందన దక్కింది. మొత్తంగా అంతిమ దశకు చేరుకుంది. వైల్డ్ కార్డు ఎంట్రీ ఇచ్చిన బాబా భాస్కర్, యాంకర్ శివ, మిత్ర, అనిల్ రాథోడ్, అఖిల్ సార్థక్ (Akhil Sarthak), బిందు మాధవి, అరియనా ఫైనల్ కి చేరారు. వీరి నుండి ఒకరు టైటిల్ చేజిక్కించుకున్నారు. 

కాగా బిగ్ బాస్ సీజన్ 4 రన్నర్ గా ఉన్న అఖిల్ సార్థక్ పై అంచనాలు విపరీతంగా ఉన్నాయి. హౌస్ ఉన్న కంటెస్టెంట్స్ అందరికంటే తనకు ఫ్యాన్ ఫాలోయింగ్ ఎక్కువగా ఉంది. మనోడి గేమ్ కూడా ఆకట్టుకుంటుంది. అఖిల్ కి హీరోయిన్ బిందు మాధవి (Bindhu Madhavi) నుండి గట్టిపోటీ ఎదురవుతుంది. ఈమెకు కూడా గత అనుభవం ఉంది. తమిళ బిగ్ బాస్ షోలో పాల్గొన్నారు. దీంతో షో బిగినింగ్ నుండి మంచి ఆట కనబరుస్తుంది.

వీరిద్దరి టైటిల్ కోసం పోటీపడగా... బిందు మాధవి పై చేయి సాధించారని సమాచారం అందుతుంది. బిగ్ బాస్ తెలుగు (Bigg boss telugu)హిస్టరీలో మొదటిసారి అమ్మాయి టైటిల్ గెలిచారంటున్నారు. అఖిల్ సార్థక్ కి మరలా నిరాశే ఎదురైందట. బిగ్ బాస్ నాన్ స్టాప్ లో కూడా ఆయన రన్నర్ ట్రోఫీతోనే సరిపెట్టుకున్నారట. 

ఇక స్ట్రాంగ్ కంటెస్టెంట్స్ గా పేరు తెచ్చుకున్న అరియానా (Ariyana) మాత్రం ఆఫర్ చేసిన సూట్ కేస్ తీసుకొని టైటిల్ రేసు నుండి తప్పుకున్నారట. హోస్ట్ నాగార్జున ఆఫర్ చేసిన రూ. 10 లక్షలు తీసుకొని ఆమె రేసు నుండి తప్పుకున్నారట. దీనితో ఆమెకు నాలుగవ స్థానం దక్కిందట. యాంకర్ శివపై సైతం అంచనాలు ఏర్పడ్డాయి. అయితే ఇతడు కేవలం మూడో స్థానంతో సరిపెట్టుకోవాల్సి వచ్చిందట. ఇక మిత్రకు ఐదో స్థానం దక్కిందట. 

వైల్డ్ కార్డు ఎంట్రీ ఇచ్చిన బాబా భాస్కర్, అనిల్ రాథోడ్ కి ఫైనల్ లో చోటు దక్కలేదట. మరి కొన్ని గంటల్లో దీనిపై పూర్తి స్పష్టత రానుంది. ప్రాధమికంగా అందించిన సమాచారం మాత్రం ఈ విధంగా ఉంది.