Bigg Boss Telugu: నవదీప్‌కు కౌశల్ మందా కౌంటర్.. 'సభ్య సమాజానికి ఏమివ్వాలో చెప్పు' అంటూ షాకింగ్ కామెంట్స్

Bigg Boss Telugu: బిగ్ బాస్ 'అగ్నిపరీక్ష 2'లో జరుగుతున్న వివాదాలపై బిగ్ బాస్ తెలుగు సీజన్ 2 విన్నర్ కౌశల్ మందా స్పందించారు. ఉప్పల్ బాలును అవమానించడం, ఆ తర్వాత నవదీప్ క్లారిటీ ఇవ్వడంపై ఎవరి పేరూ నేరుగా ఎత్తకుండానే కౌశల్ ఘాటుగా కౌంటర్ ఇచ్చారు.

Image Credit : youtube/@starmaa

రసవత్తరంగా బిగ్ బాస్ అగ్నిపరీక్ష 2

బిగ్ బాస్ తెలుగు సీజన్ 10లోకి వెళ్లడానికి సామాన్యులను ఎంపిక చేసే పనిలో భాగంగా 'అగ్నిపరీక్ష 2' నిర్వహిస్తున్నారు. అయితే ఈ షో ప్రారంభంలోనే కాస్త వివాదాస్పదమైంది. ఉప్పల్ బాలు, రన్నింగ్ రాజాతో పాటు కొంతమంది కంటెస్టెంట్లను జడ్జెస్, యాంకర్ శ్రీముఖి అవమానించడం, చులకనగా మాట్లాడటం తీవ్ర చర్చనీయాంశమైంది. ఈ విషయంపై సోషల్ మీడియాలో నెటిజన్లు తీవ్రంగా మండిపడ్డారు. దాంతో నవదీప్ కూడా పరోక్షంగా ఈ వివాదంపై క్లారిటీ ఇవ్వాల్సి వచ్చింది. ఇక ఈ పరిణామాలపై బిగ్ బాస్ సీజన్ 2 విన్నర్ కౌశల్ మందా స్పందిస్తూ సంచలన వ్యాఖ్యలు చేశారు.

Image Credit : Asianet News

సమాజానికి మెసేజ్ ఇవ్వడానికి ఎవరూ వెళ్లట్లేదు

బిగ్ బాస్ రియాలిటీపై కౌశల్ చేసిన కామెంట్స్ ప్రస్తుతం నెట్టింట వైరల్ అవుతున్నాయి. తెలుగు బుల్లితెరపై అత్యంత ప్రేక్షకాదరణ పొందిన రియాలిటీ షోలలో 'బిగ్ బాస్' ఒకటి. ప్రతి సీజన్ ప్రారంభంలోనూ హౌస్‌లోకి అడుగుపెట్టే కంటెస్టెంట్లు, అక్కడి వాతావరణం, ఎలిమినేషన్ల చుట్టూ అనేక చర్చలు జరుగుతుంటాయి. ఈ నేపథ్యంలో బిగ్ బాస్ విజేత కౌశల్ మందా బిగ్ బాస్‌లోకి వెళ్లే కంటెస్టెంట్ల అసలు ఉద్దేశాలు, సామాన్యుల (కామనర్ల) ఎంపిక వెనుక ఉన్న వ్యూహాలపై సంచలన విషయాలను వెల్లడించారు.

Image Credit : our own

వినోదం కోసం వెళ్తున్నారు.. మెసేజ్ ఎందుకు?

బిగ్ బాస్ హౌస్‌లోకి వెళ్లేవారంతా సభ్య సమాజానికి ఏదో పెద్ద సందేశం లేదా మెసేజ్ ఇవ్వడానికి వెళ్లడం లేదని కౌశల్ తేల్చి చెప్పారు. కొంతమంది డబ్బు సంపాదించడానికి వెళ్తే, మరికొందరు కేవలం సరదా (ఫన్) కోసం మాత్రమే వెళ్తున్నారని స్పష్టం చేశారు. ఎక్కడో ఒకరిద్దరు మాత్రమే సమాజానికి మంచి సందేశం ఇవ్వడానికి ప్రయత్నిస్తారని, ఆ మెసేజ్ ఎవరు ఇచ్చారో, ఏంటో ప్రేక్షకులకు బాగా తెలుసని ఆయన వ్యాఖ్యానించారు. ఈ రియాలిటీ షోను కేవలం ఒక వినోద సాధనంగా, ఆర్థిక అవకాశంగా మాత్రమే చూడాలని ఆయన అభిప్రాయపడ్డారు.

Image Credit : JioHotstor

అసలు వ్యూహం అదే!

షోలోకి సామాన్యులను (కామనర్లను) ఎంపిక చేసి పంపించడంపై కూడా కౌశల్ ఆసక్తికర వ్యాఖ్యలు చేశారు. సాధారణ ప్రజల మద్దతుతో పాటు ఓట్లను ఆకట్టుకోవడానికి మాత్రమే కామనర్లను హౌస్‌లోకి పంపిస్తున్నారని, అంతకుమించి ఇందులో ఏమీ లేదని ఆయన పేర్కొన్నారు. షో నిర్వాహకులకు లేదా సెలబ్రిటీలకు పూర్తి అధికారాలు ఉంటాయని, వారు కామనర్ల గురించి ఏమైనా మాట్లాడే హక్కు ఉందనుకుంటారని అన్నారు. కాబట్టి వీటిని చూసి ఎవరూ ఎక్కువ ఆందోళన చెందకుండా 'కూల్‌గా, ఈజీగా' ఉండాలని ప్రేక్షకులకు సూచించారు. చివరగా ఈ 'అగ్నిపరీక్ష' నుంచి ఎవరు ప్రధాన హౌస్‌లోకి వెళ్తారో వేచి చూడాలని కౌశల్ ముగించారు.