Prema Entha Madhuram: గతంలో ఆర్య చేసిన తప్పు ఏంటి.. పోలీసుల ద్వారా లాయర్ బాగోతం బయటపడనుందా?

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ మంచి కంటెంట్ తో టాప్ సీరియల్స్ సరసన నిలబడుతుంది. నిందని మాపుకోవటం కోసం ప్రాణాల మీదకు తెచ్చుకున్న ఒక ఆర్య వర్ధన్ కధ ఈ సీరియల్. ఇక ఈరోజు ఏప్రిల్ 27 ఎపిసోడ్లో ఏం జరిగిందో చూద్దాం. 

ఎపిసోడ్ ప్రారంభంలో.. అంజలి ఫోన్లో ఆర్య గురించి చూస్తూ ఆశ్చర్య పోతుంది. పక్కనే ఉన్న మదన్ చూసావా సిస్ హాస్పిటల్ లో ఉన్నాడు కొంచెం సేపట్లో పరలోకానికి వెళ్ళిపోతాడు.. ఇంక ఆశలు వదులుకో అని అంజలితో అంటాడు. నేను వెళ్లి ఒకసారి చూసి వస్తాను అని అంజలి బాధగా అనగా తను జైలు నుంచి హాస్పిటల్ కి వెళ్ళాడు. ఫ్యామిలీ మెంబర్స్ తప్ప అవుటర్స్ కి పర్మిషన్ లేదు.

అయినా పోయే వాడి గురించి ఎందుకు అంతలా ఆలోచించడం అని చెప్పి అక్కడి నుంచి వెళ్ళిపోతాడు మదన్. మరోవైపు అను హాస్పిటల్ లో ఆర్య పక్కన కూర్చుని ఏంటి సార్ మాట ఇస్తే ఎప్పుడూ తప్పరు కదా అబద్ధాలు ఎప్పుడు నేర్చుకున్నారు.. తిరిగి వస్తాను అని మాట ఇచ్చారు మీరు తిరిగి రావాలి. ఎందరో మిమ్మల్ని నమ్ముకుని ఉన్నారు. మీరు దొంగ అని మీ మీద పడిన మచ్చ తొలగించుకోవాలి కదా సర్, లెగండి సార్ అని ఏడుస్తూ ఉంటుంది.

కానీ ఆర్య ఎంతకీ కదలడు. మన బిడ్డ కొద్ది రోజుల్లో వస్తుంది సార్ తన తండ్రి మీద నిందపడింది అంటే తను తట్టుకోలేడు. మీరు వచ్చి మీ నిందని తొలగించుకోండి సార్ అని ఆర్య చేతిని తన కడుపు మీద పెడుతుంది అను. అప్పుడు బిడ్డ కదలికల వల్ల ఆర్య కళ్ళు కదుపుతూ ఉంటాడు. అది చూసిన అను వెంటనే డాక్టర్ని పిలుస్తుంది. డాక్టర్లు వెంటనే షాక్ ట్రీట్మెంట్ ఇవ్వగా ఆర్య కళ్ళు తెరుస్తాడు. అక్కడ ఉన్న వాళ్ళందరూ ఆనందపడతారు. అప్పుడు ఆర్య కళ్ళు తెరిచి నేను నా మాట నిలబెట్టుకున్నాను అను.

నేను ఎక్కడికీ వెళ్ళలేదు ఐ యాం బ్యాక్ అని అంటాడు. పక్కనే ఉన్న జెండే తో ఒక వీడియో రికార్డ్ చేయమని చెప్తాడు. అప్పుడు జెండే రికార్డ్ చేయడం మొదలుపెడతాడు. ఆర్య మాట్లాడుతూ కొంత మంది మా మీద బురద జల్లే ప్రయత్నంలో తప్పుదారులు పడుతున్నారు. మా కంపెనీని, నన్ను నమ్మి ఇన్వెస్ట్ చేసిన ప్రతి ఒక్కరికి నేను మాట ఇస్తున్నాను. మీ డబ్బులు ఎక్కడికి పోవు, పైసా కూడా నష్టం రాకుండా తిరిగి మీకు అప్పజెప్తాను.

నన్ను నమ్మండి ఇదే నా మాట అని అంటాడు. దానికి అక్కడ ఉన్న వాళ్ళు ఆనందిస్తారు. మరోవైపు అంజలి న్యూస్ లో ఆ వీడియోని చూసి నేను చెప్పాను కదా, సర్ ఎక్కడికి వెళ్లలేదు ద బాస్ ఇస్ బ్యాక్ అని మదన్ తో అంటుంది. బయటపడింది ప్రాణాపాయం నుంచి కేసు నుంచి కాదు ఎక్కువ సంతోష పడొద్దు అని అంటాడు మదన్. ఆ తర్వాత సీన్లో అను భోజనం పట్టుకుని ఆర్య దగ్గరకు వెళుతుంది. భోజనం చేసిన తర్వాత ఎవరు సార్ ఈ పని చేస్తున్నారు.

రాగసుధ లేకపోతే మదన్ ఏమైనా చేస్తున్నాడా అని అనుమానంగా అడుగుతుంది. వీళ్ళు ఎవరు కాదు అను, గతంలో నేను ఏదో మర్చిపోయిన విషయం తను తవ్వి తీస్తున్నది. తెలివైనది కాదు ధైర్యమైనది కాదు దేశం బయట ఉండి ఇక్కడ ఏలుతుంది అని అంటాడు. కొంచెం సేపు తర్వాత వాష్ రూమ్ కి వెళ్లి వస్తాను అని ఆర్య బయటకు వచ్చేసరికి అక్కడ ఉన్న పోలీసులు మాట్లాడుకుంటూ ఉంటారు.

అక్కడ ఉన్న పోలీస్ కొత్త ఫోన్ ని చూస్తూ ఉండగా పక్కనున్న కానిస్టేబుల్ అదేంటి సార్ న్యాయం అన్నాక ఇద్దరికీ రావాలి కదా మీ ఒకరికే వస్తే ఎలాగా అని అడగగా సర్లే లాయర్ ని అడిగి నీకు కూడా కొత్త ఫోన్ ఇప్పిస్తాను అని అంటాడు ఆ పోలీస్. పక్కనే ఉన్న ఆర్య, అనులు ఈ మాటలు వింటారు. తర్వాత ఏం జరిగిందో రేపటి ఎపిసోడ్ లో తెలుసుకుందాం