సున్నాల వీరుడు పెళ్లిచేసుకున్నాడు... గర్ల్ ఫ్రెండ్‌ను పెళ్లాడిన పంజాబ్ కింగ్స్ ప్లేయర్ నికోలస్ పూరన్...

First Published Jun 1, 2021, 12:18 PM IST

పంజాబ్ కింగ్స్ ప్లేయర్ నికోలస్ పూరన్, పెళ్లి చేసుకుని ఓ ఇంటివాడయ్యాడు. తన గర్ల్‌ఫ్రెండ్, ఫియాన్సీ అలైసా మిగ్యెల్‌ను పెళ్లాడిన నికోలస్ పూరన్, తన పెళ్లి ఫోటోలను సోషల్ మీడియాలో షేర్ చేసుకున్నాడు.

ఐపీఎల్ 2021 సీజన్‌లో ఆడిన ఏడు మ్యాచుల్లో అరుదైన రికార్డు క్రియేట్ చేశాడు. ఓ మ్యాచ్‌లో బంతులేమీ ఎదుర్కోకుండా సున్నా వద్ద రనౌట్ అయిన పూరన్, ఓ గోల్డెన్ డక్ (వన్ బాల్ డకౌట్), ఓ సిల్వర్ డక్ (టూ బాల్ డకౌట్), ఓ త్రీ బాల్ డకౌట్ అయ్యాడు... ఏడు మ్యాచుల్లో నాలుగు డకౌట్లతో కేవలం 28 పరుగులు మాత్రమే చేశాడు.

వాస్తవానికి 2021 ఏడాది చివరన పెళ్లిచేసుకోవాలని భావించిన నికోలస్ పూరన్, కరేబియన్ ప్రీమియర్ లీగ్, ఐపీఎల్ సెకండ్ పార్ట్, టీ20 వరల్డ్‌కప్ కారణంగా ముందుగానే కళ్యాణం కానిచ్చేశాడు.

ఆరేళ్లుగా అలైసా మిగ్యెల్‌తో డేటింగ్ చేస్తున్నాడు నికోలస్ పూరన్. వీరిద్దరి వీర హాట్ రొమాన్స్ ఫోటోలు సోషల్ మీడియాలో వైరల్ అవుతూనే ఉంటాయి.

ఐపీఎల్ 2021 సీజన్‌లో పర్ఫామెన్స్‌తో ఆకట్టుకోలేకపోయినా కరోనా సెకండ్ వేవ్‌తో అల్లాడిపోతున్న భారత్‌ పరిస్థితిని చూసి, తనకు ఇండియన్ ప్రీమియర్ లీగ్ ద్వారా వచ్చే మొత్తంలో కొంత భాగాన్ని కరోనా సహాయ నిధికి విరాళంగా ఇస్తున్నట్టు ప్రకటించాడు పూరన్.