క్షమించండి, అప్పుడేదో బుద్ధిలేక అలాంటి ట్వీట్లు చేశాడు... ఇంగ్లాండ్ బౌలర్ ఓల్లీ రాబిన్సన్...
ఇంగ్లాండ్ ఫాస్ట్ బౌలర్ ఓల్లీ రాబిన్సన్, న్యూజిలాండ్తో జరుగుతున్న తొలి టెస్టులో 2 వికెట్లు తీసి అదరగొట్టాడు. టామ్ లాథమ్, రాస్ టేలర్ను అవుట్ చేసిన రాబిన్సన్ పేరు సోషల్ మీడియాలో మార్మోగిపోయింది. అయితే అతని పర్ఫామెన్స్ కారణంగా కాదు, అతను వేసిన కొన్ని పాత ట్వీట్ల కారణంగా...
27 ఏళ్ల ఓల్లీ రాబిన్సన్ లార్డ్స్ క్రికెట్ స్టేడియంలో ఎంట్రీ ఇస్తూ... మంచి పర్ఫామెన్స్ ఇచ్చాడు. అయితే అతను కొన్ని పాత ట్వీట్లు వైరల్ కావడంతో అతనిపై తీవ్ర స్థాయిలో ట్రోలింగ్ మొదలైంది...
‘నేను ఆసియా జనాలు ఇలాంటి స్టైల్సీ పెడితే ఆశ్చర్యపోతుంటా...’, ‘వీడియో గేమ్స్ ఆడే అమ్మాయిలు సెక్స్ చేసేందుకు బాగా ఇష్టపడతారు. మిగిలినవారితో పోలిస్తే వీళ్లు రిలేషన్షిప్లో ఉండడాన్ని బాగా ఎంజాయ్ చేస్తారు...’, ‘అబద్దాలు ఆడడం ఓ ఆర్ట్. అది చాలా మంది అమ్మాయిలకు బాగా తెలిసిన విద్య’, ‘నా కొత్త ముస్లిం ఫ్రెండ్ ఓ బాంబ్’... ఇవి రాబిన్సన్ వేసిన ట్వీట్లలో కొన్ని...
తెల్లజాతీయుడననే జాత్యాహంకారం, వర్ణ వివక్ష, మహిళల చులకన భావం, సెక్సిజం వ్యాఖ్యలు అతని ట్వీట్లలో స్పష్టంగా కనిపించాయి. అయితే ఈ ట్వీట్లపై తాజాగా స్పందించాడు ఓల్లీ రాబిన్సన్.
‘ఇది నా జీవితంలో మరిచిపోలేని రోజు. ఇలాంటి రోజున నా పాత ట్వీట్ల కారణంగా విమర్శలు ఎదుర్కోవడం సిగ్గుగా ఉంది. అవి నేను 8 ఏళ్ల క్రితం పోస్టు చేసిన ట్వీట్లు. ఇప్పుడు అవి పాపులర్ అవుతున్నాయి...
నేను అప్పటి మనిషిని కాదు, చాలా మారిపోయాను. నేను రేసిస్టుని కాదు, సెక్సిస్టుని కూడా కాదు. నా ట్వీట్ల కారణంగా ఇబ్బందిపడిన ప్రతీ ఒక్కరికీ మనస్ఫూర్తిగా క్షమాపణలు చెబుతున్నా...’ అంటూ చెప్పుకొచ్చాడు ఓల్లీ రాబిన్సన్.
అయితే 8 ఏళ్ల క్రితం రాబిన్సన్ వేసిన ట్వీట్లు వైరల్ కావడంతో ఇంగ్లాండ్ అండ్ వేల్స్ క్రికెట్ బోర్డు చీఫ్ ఎగ్జిక్యూటివ్ టామ్ హారిన్సన్ ఈ వివాదంపై స్పందించాడు. అతను శిక్ష అనుభవించక తప్పదంటూ హెచ్చరికలు జారీ చేశాడు.
‘ఏ వ్యక్తి అయినా మహిళలను, వర్ణ వివక్షనూ చూపిస్తూ వ్యాఖ్యలు చేసినా వారిని క్షమించే ప్రశస్తి లేదు. అలాంటి వాళ్లు క్రికెటర్లుగా మెలగడానికి అర్హులు కావరు. జట్టులో స్వచ్ఛమైన వాతావరణం నెలకొల్పేందుకు ఎప్పుడూ కట్టుబడి ఉన్నాం’ అంటూ కామెంట్ చేశాడు హారిన్సన్.