biggboss5ః దమ్ము, ధైర్యం, సత్తా ఉంటే అంటూ విరుచుకుపడ్డ ఉమాదేవి.. అర్హత లేదంటున్న షణ్ముఖ్
సోమవారం నామినేషన్ ప్రక్రియ ఆద్యంతం రసవత్తరంగా సాగుతుంది. ఇప్పటికే విడుదలైన రెండు ప్రోమోలు సోమవారం జరిగే నామినేషన్స్ ప్రక్రియ ఎంత హాట్ హాట్ సాగుతుందో తెలియజేస్తుంది. ఒకరిపై ఒకరు రెచ్చిపోయి ఆరోపణలు చేసుకున్నారు. లోబో, ఉమాదేవి, శ్వేత వర్మ, కాజల్ ఇలా తమలోని మరో యాంగిల్ని పరిచయం చేశారు.
బిగ్బాస్ తెలుగు 5వ సీజన్ రెండో వారం మరింత హీటెక్కుతుందని అర్థమవుతుంది. మొదటి వారం ఎవరి ఈగోలను వారు చూపించారు. ఇష్టారీతిన గేమ్ ఆడారు. చాలా వరకు కంటెస్టెంట్లు హౌజ్లోనూ డ్రామాలాడుతున్నారనే కామెంట్లు సోషల్ మీడియాలో వినిపించాయి. కానీ రెండో వారం నుంచి అసలైన గేమ్ స్టార్ట్ కాబోతుందని తెలుస్తుంది.
సోమవారం నామినేషన్ ప్రక్రియ ఆద్యంతం రసవత్తరంగా సాగుతుంది. ఇప్పటికే విడుదలైన రెండు ప్రోమోలు సోమవారం జరిగే నామినేషన్స్ ప్రక్రియ ఎంత హాట్ హాట్ సాగుతుందో తెలియజేస్తుంది. ఒకరిపై ఒకరు రెచ్చిపోయి ఆరోపణలు చేసుకున్నారు. లోబో, ఉమాదేవి, శ్వేత వర్మ, కాజల్ ఇలా తమలోని మరో యాంగిల్ని పరిచయం చేశారు. లేటెస్ట్ గా విడుదలైన ప్రోమోలో మానస్.. లోబోను నామినేట్ చేశాడు. దీన్ని సహించలేని లోబో.. నామినేట్ చేయడానికి సరైన కారణాలు చెప్పాలన్నారు. `నువ్వు హీరో అనుకుంటున్నావు, వినడానికి కూడా రెడీగా లేవు. యాటిట్యూడ్ చూపిస్తున్నావ`ని మండిపడ్డాడు.
కాజల్ వంతు రాగా.. గ్రూప్స్లో చాలామంది ఫేక్గా ఆడుతున్నారని తెలిపింది. అనంతరం విశ్వను నామినేట్ చేసింది. నీ మెచ్యూరిటీ నచ్చిందంటూ శ్రీరామచంద్రను నామినేట్ చేశాడు యాంకర్ రవి. నటి ప్రియ.. సన్నీ, నటరాజ్ మాస్టర్లను నామినేట్ చేసింది. తర్వాత ఉమాదేవి వంతురాగా.. 'దమ్ము, ధైర్యం, బుద్ధిబలం, సత్తా ఉన్నవాళ్లు నాతో ఆడటానికి ట్రై చేయండి` అని సవాలు విసిరింది. దీంతో చిర్రెత్తిన ప్రియాంక సింగ్.. పోవే ఉమా పో.. అంటూ మరోసారి నోరు జారింది.
మరోవైపు షణ్ముఖ్ సైతం ఈ సారి నోరు విప్పాడు. `మీరు ఈ హౌజ్కి కరెక్ట్ కాదేమో` అని బాంబ్ పేల్చాడు. ఉమాదేవిని ఉద్దేశించి ఆయన ఈ కామెంట్ చేసినట్టుంది. అయితే అనీ మాస్టర్ కన్నీళ్లు పెట్టుకోవడం అందరిని ఆశ్చర్యానికి గురి చేస్తుంది. ఇదిలా ఉంటే రెండో వారం కాజల్, లోబో, ఉమాదేవి, ప్రియాంక సింగ్, ప్రియా, నటరాజ్ మాస్టర్, అనీ మాస్టర్ నామినేట్ అయినట్టు తెలుస్తుంది.