సెప్టెంబర్ 27న రిలీజ్ కానున్న మహేష్, మురుగదాస్ స్పైడర్ అమెరికాలో సెప్టెంబర్ 26నే భారీ సంఖ్యలో ప్రిమియర్ షోలు బాహుబలి తర్వాత యూఎస్ లో అత్యధిక స్క్రీన్స్ లో రిలీజ్ కానున్న స్పైడర్
సూపర్ స్టార్ మహేష్ బాబు సినిమా అంటే ఎంతటి క్రేజ్ వుంటుందో తెలిసిందే. ఇద ఓటమి ఎరుగని హిట్ చిత్రాల దర్శకుడు మురుగదాస్ తెరకెక్కిస్తున్న స్పైడర్ చిత్రం భారీ బడ్జెట్ సినిమా. ఇంతటి భారీ బడ్జెట్ సినిమా అంటే ఏ రేంజ్ లో వుంటుందో అర్థం చేసుకోవచ్చు. ఇక స్పైడర్ చిత్రానికి సంబంధించిన అమెరికా రిలీజ్ వివరాలు షాకింగ్ న్యూస్ గా మారింది.
సాధారణంగా తెలుగు సినిమా ఏదన్నా అమెరికాలో 200 స్క్రీన్లలో రిలీజ్ అయితే చాల గొప్పగా చెప్పుకుంటారు. అయితే ‘బాహుబలి’ మినహాయిస్తే మరే తెలుగు సినిమా కూడా 250 స్క్రీన్లకు మించి విడుదలైన సందర్బాలు గతంలో లేవు. అయితే ఇప్పుడు మహేష్ ‘స్పైడర్’ అమెరికాలో ఏకంగా 400 స్క్రీన్స్ లో విడుదల అవుతూ మహేష్ మ్యానియాను సూచిస్తోంది.
ఈమూవీ ద్విభాషా చిత్రం కావడంతో కేవలం అమెరికాలో 400 ధియేటర్స్ లో ఈసినిమాను విడుదల చేయబోతున్నారు. దీనితో ‘బాహుబలి 2’ తరువాత అత్యధిక స్క్రీన్స్ దక్కించుకున్న మూవీగా ‘స్పైడర్’ రికార్డ్ క్రియేట్ చేస్తోంది. ఈసినిమా ప్రీమియర్ షోలు కూడ చాల భారీ స్థాయిలో ప్రదర్శిస్తూ ఉండటంతో ‘స్పైడర్’ కు కేవలం ప్రీమియర్ షోల ద్వారానే 2 మిలియన్లు డాలర్లు వచ్చి పడతాయి అని అంటారు.
అన్నీ అనుకున్నట్లుగా జరిగి ఈమూవీకి పాజిటివ్ టాక్ వస్తే 5 మిలియన్ డాలర్ల సినిమాగా ‘స్పైడర్’ మారిపోవడం ఖాయం అని అంటున్నారు. ‘స్పైడర్’ విడుదల అవుతున్న 400 లొకేషన్స్ లో సెప్టెంబరు 26నే ప్రిమియర్ షోలు వేస్తున్నారు. రెగ్యులర్ ప్రిమియర్లు వేసే సమయం కంటే ముందే ‘స్పైడర్’కు ప్రిమియర్లు పడతాయట.
ఎక్కువ లొకేషన్లు, పైగా ఎక్కువ షోలు పడుతుండటంతో ‘స్పైడర్’ కలెక్షన్లు ఊహించని స్థాయిలో ఉంటాయని విశ్లేషకుల అంచనా. అమెరికాలో మహేష్ కు తిరుగులేని ఫాలోయింగ్ ఉన్న నేపధ్యంతో పాటు మురగదాస్ సినిమాల పై ఉన్న క్రేజ్ కూడ ‘స్పైడర్’ కు బాగా కలిసి వస్తోంది.
మన తెలుగు రాష్ట్రాలతో పాటు తమిళ కన్నడ మలయాళ రాష్ట్రాలలో ‘స్పైడర్’ అత్యంత భారీ సంఖ్యలో థియేటర్లలో విడుదల అవుతున్న నేపధ్యంలో దసరాకు వస్తున్న 4 రోజుల లాంగ్ వీకెండ్ ను ‘స్పైడర్’ టార్గెట్ చేస్తున్న నేపధ్యంలో ఈమూవీ టాక్ ఎలా ఉన్నా మొదటి 4 రోజులకు ఈమూవీకి 50 కోట్ల కలక్షన్స్ పైగా వసూళ్లు రావడం ఖాయం అన్న మాటలు వినిపిస్తున్నాయి. మరి మహేష్ మానియా ఎలాంటి రికార్డ్స్ క్రియేట్ చేస్తుందో చూడాలి.
