రమ్యకృష్ణకు మరో పవర్ ఫుల్ రోల్
- మరో పవర్ ఫుల్ రోల్ దక్కించుకున్న రమ్యకృష్ణ
- శివగామి పాత్రలో రౌద్ర రసం పండించిన శివగామి
‘బాహుబలి’ సినిమాలో శివగామిగా సత్తా చాటిన రమ్యకృష్ణకు ఆ తరహా పాత్రలకు సంబంధించి అవకాశాలు వెల్లువెత్తుతున్నాయి. తాజాగా సూర్య హీరోగా తెరకెక్కుతున్న తమిళ చిత్రం ‘థానా సెరంధ కూటం’లో రమ్యకృష్ణకు మరో విశిష్టమైన కీలక పాత్ర దక్కింది. దేవుడు లేడనే నాస్తికత నేపథ్యంగా తెరకెక్కుతున్న ఈ చిత్రం షూటింగ్‌కు సంబంధించిన పలు ఫొటోలు ఇటీవల మీడియాకు లీక్‌ అయ్యాయి.
దీనిని బట్టి ఈ సినిమా షూటింగ్‌లో రమ్యకృష్ణ ఇప్పటికే చేరినట్టు తెలుస్తోంది. విగ్నేష్‌ శివన్‌ దర్శకత్వంలో తెరకెక్కుతున్న ఈ సినిమాలో సూర్య సరసన కీర్తిసురేశ్‌ కథానాయికగా నటిస్తోంది. ఆర్జే బాలాజీ, సెంథిల్‌, నిరోషా లాంటి తారాగణంతో కూడిన ఈ సినిమాలో రమ్యకృష్ణది కీలక పాత్ర అని వినిపిస్తోంది.
బాలీవుడ్ సినిమా స్పెషల్‌ 26కు రీమేక్‌గా ఈ చిత్రం రూపొందుతున్నట్టు గతంలో కథనాలు రాగా, వాటిని చిత్రయూనిట్‌ కొట్టిపారేసింది. వేగంగా షూటింగ్‌ జరుపుకొంటున్న ఈ సినిమాకు అనిరుధ్‌ సంగీతం అందిస్తున్నాడు. కాగా, సూర్య ప్రతిష్టాత్మక సీక్వెల్‌ ‘సింగం-3’ రిలీజ్‌కు సిద్ధమైంది. డిసెంబర్‌ 16న ఈ సినిమా విడుదల కానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
