తెలుగమ్మాయిలు సినిమాల్లోకి రండి.. పిలుపునిచ్చిన అల్లు అర్జున్..
తెలుగమ్మాయిలు సినిమాల్లో రాణించాలి అంటున్నాడు ఐకాన్ స్టార్ అల్లు అర్జున్. తెలుగు అమ్మాయిలు హీరోయిన్లుగా రావడానికి ఇంట్రెస్ట్ చేపించడంలేదని.. ఇండస్ట్రీలోకి రమ్మంటూ.. ఆహ్వానించారు ఐకాన్ స్టార్.
టాలీవుడ్ ప్రపంచ స్థాయి గుర్తింపు సాధించింది. దర్శకుడు రాజమౌళి వల్ల తెలుగు సినిమా ప్రపంచ స్థాయికి ఎదిగింది. ఈక్రమంలో మన దర్శకులు పాన్ ఇండియాలో రాణిస్తున్నారు. మన హీరోలు జపాన్ లాంటి దేశాల్లో కూడా అభిమానులను సంపాధించారు. హాలీవుడ్ డైరెక్టర్లు కూడా మన తెలుగు హీరోల నటనను అభినందిస్తున్నారు. ఈక్రమంలో తెలుగు సినిమా ఎంత ఎత్తు ఎదిగినా.. మన ఇండస్ట్రీకి ఉన్న ఒక్కటే ఒక్క లోటు హీరోయిన్లు. అవును మనం ఎత్తు ఎదిగినా.. పక్కరాష్ట్రాల నుంచే హీరోయిన్లను దిగుమతి చేసుకుంటున్నాం.. మన హీరోయిన్లు ఉన్నా.. వారికి విలువ ఇవ్వడంలేదు. దాంతో ఇక్కడి వారు పక్క రాష్ట్రాలకు వెళ్లి రాణిస్తున్నారు. అంతే కాదు మన మేకర్స్ పై అసహనం కూడా వ్యాక్తం చేస్తున్నారు.
ఈక్రమంలో టాలీవుడ్ ఐకాన్ స్టార్ అల్లు అర్జున్ కీలక వ్యాఖ్యలు చేశారు. ఫిల్మ్ ఇండస్ట్రీలో తెలుగు అమ్మాయిలు రాణించాలన్నారు. తెలుగు నుంచి అమ్మాయిలు హీరోయిన్లుగా ఇండస్ట్రీకి రావాలన్నారు. ఆయన ఈ వ్యాఖ్యలు ఎప్పుడు ఎక్కడ చేశారంటే..? SKN నిర్మాణంలో సాయి రాజేష్ దర్శకత్వంలో ఆనంద్ దేవరకొండ వైష్ణవి చైతన్య , విరాజ్ అశ్విన్ , ప్రధాన పాత్రల్లో వచ్చిన సినిమా బేబీ. జులై 14న థియేటర్స్ లో గ్రాండ్ గా రిలీజయిన ఈసినిమా సూపర్ సక్సెస్ సాధించింది. ఇప్పటికే ఈ సినిమా 45 కోట్లకు పైగా షాకింగ్ వసూల్లు సాధించింది. కామన్ ఆడియన్స్ మాత్రమే కాక స్టార్ సెలబ్రిటీలు కూడా బేబీ సినిమాపై ప్రశంసలు కురిపిస్తున్నారు.
ఇక తాజాగా అల్లు అర్జున్ స్వయంగా సినిమా చూసి బేబీ సినిమాని అభినందించడానికి ప్రత్యేకంగా ఈవెంట్ పెట్టాడుఈ ఈవెంట్ లో బేబీ సినిమాలో పనిచేసిన ప్రతి ఒక్కరిని ప్రత్యేకంగా అభినందించారు. ఈ ఈవెంట్ లో బన్నీ ఆల్మోస్ట్ అరగంటకు పైగా మాట్లాడి అందర్నీ ఆశ్చర్యపరిచారు. హీరోయిన్ వైష్ణవి గతంలో అల్లు అర్జున్ కి చెల్లెలిగా అలవైకుంఠపురంలో సినిమాలో నటించి మెప్పించింది. దీంతో వైష్ణవి గురించి ప్రత్యేకంగా మాట్లాడి బేబీ సినిమాలో చాలా బాగా చేశావని అభినందించారు. తెలుగు అమ్మాయి హీరోయిన్ అవ్వడం చాలా సంతోషంగా ఉంది అని అన్నారు. ఈ నేపథ్యంలో తెలుగు అమ్మాయిలు హీరోయిన్స్ గా లేరు అని మాట్లాడారు.
తెలుగులో అమ్మాయిలు వచ్చి సినిమాలు చెయ్యట్లేదు. ఒక అవార్డు ఈవెంట్ కి వెళ్తే మలయాళం, తమిళ, కన్నడ హీరోయిన్స్ వాళ్ళ భాషల్లో వాళ్ళు అవార్డులు తీసుకుంటున్నారు. కానీ తెలుగు సినిమాల విషయంలో ఇతర భాషల హీరోయిన్లు తెలుగు సినిమా కోసం అవార్డ్స్ తీసుకుంటున్నారు కాని ఒక్క తెలుగు అమ్మాయి కూడా తెలుగు పరిశ్రమ నుంచి లేదు. ఈ బాధ నాకు ఎప్పట్నుంచో ఉంది. ప్రీ రిలీజ్ ఈవెంట్ లో వైష్ణవి స్పీచ్ చూశాను. ఆ అమ్మాయి సక్సెస్ చూసి చాలా హ్యాపీగా ఫీల్ అయ్యాను. తెలుగు అమ్మాయిలు వచ్చి సినిమాలు చేయాలి. అమ్మాయిలు భయపడక్కర్లేదు, రండి, సినిమా ఇండస్ట్రీకి వచ్చి సినిమాలు చేయండి. మీ పేరెంట్స్ ని ఒప్పించి సినిమా ఇండస్ట్రీకి రండి. ఇక్కడ చాలా అవకాశాలు ఉన్నాయి అన్నారు.
ఇక ఈ సినిమాల్ నటించిన వైష్ణవి స్టార్ గా రాణించాలి.. బెస్ట్ యాక్టర్ గా అవార్డు కూడా కొట్టాలి. తను అవార్డు కొడితే.. ఇలా ఇండస్ట్రీలోకి రావాలి అని తెలుగు అమ్మాయిలకు ఇన్స్పిరేషన్ వస్తుంది. తెలుగు ఫిలిం ఇండస్ట్రీకి ఎవ్వరైనా రావచ్చు. ముఖ్యంగా క్యారెక్టర్ ఆర్టిస్ట్ లకు డిమాండ్ చాలా ఉంది. ఇండస్ట్రీకి అందరూ రావచ్చు అని అన్నారు అల్లు అర్జున్. ప్రస్తుతం అల్లు అర్జున్ కామెంట్స్ సోషల్ మీడియాలో వైరల్ అవుతున్నాయి.
