జగన్ అభిమాని, అలా ఎందుకు చేశాడో: శ్రీనివాస్ తల్లిదండ్రులు

ఏ పండుగైనా...  పార్టీ కార్యక్రమమైనా జగన్‌ ఫ్లెక్సీని  శ్రీనివాస్ కడుతాడని శ్రీనివాస్  తల్లిదండ్రులు చెప్పారు.

Jagan Mohan Reddy

ముమ్మడివరం: ఏ పండుగైనా... పార్టీ కార్యక్రమమైనా జగన్‌ ఫ్లెక్సీని శ్రీనివాస్ కడుతాడని శ్రీనివాస్ తల్లిదండ్రులు చెప్పారు. జగన్ అంటే పిచ్చి అభిమానం ఉన్న మా కొడుకు ఎందుకు ఆయనపై దాడి చేశాడో అర్థం కాలేదన్నారు.

గురువారం నాడు విశాఖ ఎయిర్‌పోర్ట్‌లో శ్రీనివాసరావు అనే యువకుడు వైసీపీ చీఫ్ వైఎస్ జగన్‌పై కత్తితో దాడి చేసిన విషయం తెలిసిందే. ఈ దాడి విషయం తెలిసిన తర్వాత మీడియాతో మాట్లాడారు.

మాకు ఆరుగురు పిల్లలని శ్రీనివాస్ తల్లిదండ్రులు చెప్పారు. వైఎస్ జగన్‌కు వీరాభిమానిగా ఉన్న శ్రీనివాసరావు ఎందుకు ఇలా చేశారో అర్థం కాలేదన్నారు. జగన్ పై దాడి చేసిన విషయం ఆలస్యంగా తెలిసిందన్నారు. జగన్ పై దాడి చేసిన శ్రీనివాసరావును పోలీసులు అరెస్ట్ చేసిన విషయం తెలిసిన తర్వాత తల్లిదండ్రులు కన్నీరు మున్నీరుగా విలపిస్తున్నారు.

సంబంధిత వార్తలు