కేబినెట్ విస్తరణ: అసంతృప్తులకు టీఆర్ఎస్ బుజ్జగింపులు

మంత్రివర్గంలో చోటు దక్కని నేతలను బుజ్జగించేందుకు టీఆర్ఎస్ నాయకత్వం రంగంలోకి దిగింది. భవిష్యత్తులో  మంచి అవకాశాలు ఉంటాయని పార్టీ నాయకత్వం ఆశలు కల్పిస్తోంది.

హైదరాబాద్: మంత్రివర్గంలో చోటు దక్కకపోవడంతో  అసంతృప్తికి గురైన పార్టీ ప్రజా ప్రతినిధులకు టీఆర్ఎస్ నాయకత్వం బుజ్జగింపులకు దిగింది. మంత్రి పదవి దక్కకోపవడంతో కొందరు నేతలు బహిరంగంగానే వ్యాఖ్యలు చేశారు. దీంతో  పార్టీ నాయకత్వం హుటాహుటిన రంగంలోకి దిగింది.

ఈ నెల 8వ తేదీన కేసీఆర్ మంత్రివర్గాన్ని విస్తరించారు. ఆరుగురిని  మంత్రివర్గంలోకి తీసుకొన్నారు. మంత్రిపదవి దక్కని ప్రజా ప్రతినిధులు  అసంతృప్తిని వ్యక్తం చేస్తున్నారు.

మంత్రి పదవి దక్కకపోవడంతో మాజీ మంత్రులు నాయిని నర్సింహ్మరెడ్డి, రాజయ్య,  జోగు రామన్నలు తీవ్ర అసంతృప్తి వ్యక్తం చేశారు. అసెంబ్లీలాబీల్లో మీడియాతో చిట్ చాట్ చేసే సమయంలో  తమ అసంతృప్తిని ప్రజా ప్రతినిధులు వ్యక్తం చేశారు.

మాజీ డిప్యూటీ సీఎం రాజయ్య, ఎమ్మెల్యేలు అరికెపూడి గాంధీ, బాజిరెడ్డి గోవర్ధన్, జోగు రామన్నలకు టీఆర్ఎస్ నాయకత్వం బుజ్జగింపులకు దిగింది. పార్టీ సీనియర్ నేతలు వీరితో ఫోన్లో మాట్లారు. భవిష్యత్తులో కీలకమైన పదవులను కట్టబెడతామని టీఆర్ఎస్ నాయకత్వం అసంతృప్త నేతలకు హామీ ఇచ్చినట్టుగా సమాచారం.

ఈ హామీ నేపథ్యంలోనే కొందరు నేతలు మీడియా ముందుకు వచ్చి వివరణ ఇస్తోంది. మంగళవారం నాడు మధ్యాహ్నం మాజీ డిప్యూటీ సీఎం రాజయ్య టీఆర్ఎస్ కార్యాలయంలోనే మీడియాతో మాట్లాడారు. తన వ్యాఖ్యలపై వివరణ ఇచ్చారు.

మరో వైపు మంత్రి పదవి దక్కలేదని అసంతృప్తికి గురైనట్టుగా తనపై సోషల్ మీడియాలో తప్పుడు ప్రచారం సాగుతోందని నిజామాబాద్ జిల్లాకు చెందిన ఎమ్మెల్యే బాజిరెడ్డి గోవర్ధన్ మీడియాకు ఓ ప్రకటన విడుదల చేశారు. అసంతృప్తిగా ఉన్న నేతలందరితో సోమవారం రాత్రి నుండే టీఆర్ఎస్ నాయకత్వం ఫోన్లో సంప్రదింపులు జరుపుతున్నట్టు ఆపార్టీ వర్గాలు చెబుతున్నాయి.

సంబంధిత వార్తలు
లోక్‌సభ ఫలితాల ఎఫెక్ట్: కరీంనగర్‌పై కేసీఆర్ ప్రత్యేక దృష్టి