కేసీఆర్ ఉద్యోగం ఊడితే.. లక్ష ఉద్యోగాలొస్తాయి: రేవంత్ రెడ్డి

కాంగ్రెస్ కూటమిని, ప్రజా కూటమిని అణచివేయాలని కేసీఆర్ ప్రయత్నిస్తున్నారు టీపీసీసీ వర్కింగ్ ప్రెసిడెంట్ రేవంత్ రెడ్డి. ఎన్నికల ప్రచారంలో భాగంగా కొడంగల్ నియోజకవర్గంలో జరిగిన రోడ్‌షోలో ఆయన మాట్లాడారు. టీఆర్ఎస్ నేతలు తనను ప్రచారానికి వెళ్లకుండా తీవ్ర ఇబ్బందులకు గురిచేశారన్నారు.

తాను తిరగలేకపోయినా 4 కోట్ల మంది ప్రజలను కోరేది ఒకటేనని ప్రజాకూటమి అభ్యర్థులను గెలిపించాలని రేవంత్ విజ్ఞప్తి చేశారు. ప్రజాకూటమి ప్రజలదని..కేసీఆర్ కూటమి ఆయన కుటుంబానిదని ఆయన ఎద్దేవా చేశారు.

తెలంగాణ సెంటిమెంట్‌ను అడ్డం పెట్టుకుని ముఖ్యమంత్రి మరోసారి అధికారాన్ని అందుకోవాలని చూస్తున్నాడని రేవంత్ రెడ్డి ఆరోపించారు. టీఆర్‌ఎస్ పార్టీని 100 మీటర్ల లోతులో పాతిపెట్టాలని ఆయన కోరారు. కేసీఆర్ ఒక్క ఉద్యోగం ఊడగొడితే వంద రోజుల్లో లక్ష ఉద్యోగాలు కల్పిస్తామని రేవంత్ స్పష్టం చేశారు.