రెహ్మాన్ పేరు వాడుకొని సింగర్స్ ని ట్రాప్ చేశారు.. రెహ్మాన్ సోదరి!

లైంగిక ఆరోపణలు ఎదుర్కొంటున్న ప్రముఖ సాహిత్య రచయిత వైరముత్తు అటువంటి వాడేనంటూ ఏఆర్ రెహ్మాన్ సోదరి రెహానా చేసిన వ్యాఖ్యలు ఇప్పుడు హాట్ టాపిక్ గా మారాయి. వైరముత్తుపై వస్తోన్న ఆరోపణలపై స్పందించిన ఆమె.. అది బహిరంగ రహస్యమేనని అన్నారు.

''గతంలో నేను అనేక సంఘటనల గురించి విన్నాను. అంతేకాదు సింగర్స్ ని ట్రాప్ చేయడానికి వైరముత్తు నా సోదరుడు రెహ్మాన్ పేరు కూడా వాడుకున్నారు. ఈ విషయాలన్నీ రెహ్మాన్ కి తెలియదని'' ఓ ఇంటర్వ్యూలో రెహానా వెల్లడించింది.

అలానే చిన్మయి ఆరోపణల్లో కూడా నిజం ఉండొచ్చని ఆమె తన అభిప్రాయాన్ని వెల్లడించింది. ''వైరముత్తుపై లైంగిక ఆరోపణలు విన్న తరువాత నా సోదరుడు రెహ్మాన్ ఇది నిజమేనా..? అని నన్ను అడిగారు. అప్పుడు అతని వల్ల చిత్రపరిశ్రమలో ఇతరులకు ఎదురైన సంఘటనల గురించి చెప్పాను.

వైరముత్తుపై ఆరోపణలు రావడంలో ఆశ్చర్యం లేదు. వైరముత్తుపై చిన్మయి చేసిన ఆరోపణలు నిజమే కావొచ్చు. ఆమె చెప్పిన విషయాలను నేను నమ్ముతున్నాను. మీటూ ఉద్యమానికి నేను మద్దతు ప్రకటిస్తున్నా'' అంటూ చెప్పుకొచ్చింది. 

ఇవి కూడా చదవండి..