సర్కార్ : ఆ డైలాగులు, సీన్ లు తీసేశారు.!

కోలీవుడ్ హీరో విజయ్ హీరోగా వచ్చిన ‘ సర్కార్ ‘ సినిమాకు సంబంధించిన వివాదం సద్దు మణిగినట్టే ! ఈ చిత్రంలో అభ్యంతరకరమైన సన్నివేశాల పట్ల తమిళనాడు మంత్రులిద్దరు..షణ్ముగం, కదంబూర్ సి.రాజు తీవ్ర వ్యతిరేకత వ్యక్తం చేశాడంతో డైలాగులను తొలగించేశారు.  ఓటర్లకు మిక్సర్ గ్రైండ్లను అభ్యర్థులు పంపిణీ చేసే సీన్ తో సహా..ఇంకా కోమలవల్లి అనే పేరును కూడా మ్యూట్ చేయడంతో పాటు సబ్ టైటిల్స్ లో కూడా తీసేశారు. 

ఇలాంటివి తమ ప్రభుత్వాన్ని తప్పు పట్టేవిగా ఉన్నాయని, వీటిని తొలగించకపోతే తీవ్ర పరిణామాలు తప్పవని వారు హెచ్చరించారు. తమిళనాడులోని 20 అసెంబ్లీ నియోజకవర్గాలకు ఉప ఎన్నికలు జరగనున్న సమయంలో ఈ సినిమా రావడం గమనార్హం. రూ. 110 కోట్ల వ్యయంతో నిర్మించిన సర్కార్ మూవీ..అప్పుడే వంద కోట్ల మార్క్ దాటేసిందని సమాచారం.