కేటీఆర్ కి దండం పెట్టేసిన రామ్ చరణ్!

రామ్ చరణ్ హీరోగా దర్శకుడు బోయపాటి శ్రీను 'వినయ విధేయ రామ' సినిమాను రూపొందించిన సంగతి తెలిసిందే. ఈ సినిమా ప్రీరిలీజ్ ఈవెంట్ నిన్న హైదరాబాద్ లో జరిగింది. ఈ వేడుకకు కేటీఆర్ ముఖ్య అతిథిగా విచ్చేశారు.

వేదికపై ఆయన మాట్లాడిన మాటలు, విసిరిన ఛలోక్తులు అభిమానులను ఎంతగానో ఆకట్టుకున్నాయి. మా ఎలెక్షన్ స్పీచ్ ల కంటే రామ్ చరణ్ బాగా మాట్లాడుతున్నాడని.. ఫ్యూచర్ లో మరి అంటూ పరోక్షంగా చరణ్ రాజకీయ ప్రవేశం గురించి మాట్లాడారు. 

ఇంతలో చరణ్ అతడిని చూసి నవ్వుతుండగా.. ''అంటే ఇప్పుడే కాదు.. ఇంకా టైమ్ ఉంది'' అని చెప్పగా.. రామ్ చరణ్ కేటీఆర్ ని చూసి దండం పెట్టేశాడు. ఆ పక్కనే ఉన్న చిరంజీవి.. 'వాడి పని వాడిని చేసుకోని' అని కేటీఆర్ తో నవ్వుతూ అన్నారు.

మొత్తానికి ఈవెంట్ లో కేటీఆర్ మాటలు, ఆయన స్పీచ్ అభిమానులను ఎంతగానో ఆకట్టుకున్నాయి. కేటీఆర్ మాటలను బట్టి రామ్ చరణ్ రాజకీయాల్లోకి రావాలని కోరుకున్నట్లుగా ఉంది. మరి చరణ్ ఏం చేస్తాడో చూడాలి!

సంబంధిత వార్తలు..