జగన్‌పై దాడి: ఆ మహిళ ఎవరు?,శ్రీనివాసరావు తలకు గాయం

 వైసీపీ చీఫ్  వైఎస్ జగన్‌పై దాడికి పాల్పడిన నిందితుడు శ్రీనివాసరావు రాసిన  లేఖపై పోలీసులు ప్రత్యేకంగా దృష్టి సారించారు

విశాఖపట్టణం: వైసీపీ చీఫ్  వైఎస్ జగన్‌పై దాడికి పాల్పడిన నిందితుడు శ్రీనివాసరావు రాసిన  లేఖపై పోలీసులు ప్రత్యేకంగా దృష్టి సారించారు.  పోలీసుల రిమాంద్ రిపోర్ట్‌లో ఓ  మహిళ పేరును కూడ  పోలీసులు చేర్చినట్టు తెలుస్తోంది.ఆ మహిళ పేరు రమాదేవిగా ఆ రిపోర్ట్ లో పోలీసులు చేర్చారు.

అక్టోబర్ 25వ తేదీన విశాఖ ఎయిర్‌పోర్ట్‌లో  వైసీపీ చీఫ్ వైఎస్ జగన్ ‌పై శ్రీనివాసరావు దాడికి పాల్పడ్డాడు. పోలీసులు శ్రీనివాసరావును అరెస్ట్ చేసి విశాఖ జైలుకు పంపారు. అయితే  ఈ కేసు విచారణ నిమిత్తం పోలీసులు  10 రోజుల పాటు కస్టడీకి కోరారు. కోర్టు  పోలీసు కస్టడీకి అనుమతిచ్చింది.

ఆదివారం నాడు  శ్రీనివాసరావును పోలీసులు తమ కస్టడీకి తీసుకొన్నారు. వాస్తవానికి నవంబర్ 2వ తేదీ వరకు శ్రీనివాసరావుకు జ్యూడీషీయల్ రిమాండ్ విధించింది కోర్టు.  అయితే పోలీసులు శ్రీనివాసరావును ఈ కసు విచారణ నిమిత్తం ఆదివారం  నాడు  కస్టడీలోకి తీసుకొని విచారిస్తున్నారు.

ఇదిలా ఉంటే  శ్రీనివాసరావు రిమాండ్ రిపోర్ట్‌ను  మీడియా బయట పెట్టింది.ఓ తెలుగు న్యూస్ ఛానెల్  ఈ ఘటనకు సంబంధించిన కథనాన్ని ప్రసారం చేసింది. మధ్యాహ్నం  పన్నెండున్నర గంటలకు జగన్  ఎయిర్‌పోర్ట్‌కు వచ్చినట్టు శ్రీనివాసరావు పోలీసులకు ఇచ్చిన వాంగ్మూలంలో తెలిపారు.

8 నిమిషాల పాటు జగన్ ఎయిర్‌పోర్ట్‌లో ఉన్నారు. ఈ సమయంలోనే జగన్‌పై శ్రీనివాసరావు దాడికి పాల్పడినట్టు రిమాండ్ రిపోర్ట్‌లో ఉంది. శ్రీనివాసరావు కత్తితో దాడికి పాల్పడడం వల్ల జగన్ భుజంపై  2 నుండి 3 ఇంచుల గాయమైందని ఆ రిపోర్ట్‌లో పొందుపర్చారు. 

అంతేకాదు శ్రీనివాసరావు 10 పేజీల లేఖపై కూడ పోలీసులు ప్రత్యేకంగా దృష్టి పెట్టనున్నారు. చివరి పేజీనే శ్రీనివాసరావు ఎందుకు రాశాడు.. మిగిలిన 10 పేజీల లేఖను ఎవరితో రాయించాడనే విషయమై పోలీసులు విచారణ చేయనున్నారు.

రిమాండ్ రిపోర్ట్‌లో ఓ  మహిళ ( రమాదేవి) పేరు కూడ ప్రస్తావనకు వచ్చినట్టు సమాచారం. రమాదేవితో శ్రీనివాసరావుకు సంబంధం ఏమిటీ..రేవతిపతి, విజయలక్ష్మీలతో పాటు మరో మహిళ పేరు కూడ ప్రధానంగా ఉన్నట్టు సమాచారం.

అయితే  శ్రీనివాసరావుతో పాటు  రేవతిపతి, విజయలక్ష్మీతో పాటు మరో మహిళతో కలిపి విశాఖ పోలీసులు విచారణ చేయనున్నారు.  ఇప్పటికే  పోలీసులు  శ్రీనివాసరావును కస్టడీలోకి తీసుకొన్నారు. మరో వైపు శ్రీనివాసరావు తలకు బలమైన గాయం ఉందని పోలీసులు గుర్తించారు.

జగన్‌పై దాడి కేసు ఏపీ రాజకీయాల్లో వేడి పుట్టించింది.  దీంతో  ఈ కేసును పారదర్శకంగా విచారణ చేయాలని పోలీసులు భావిస్తున్నారు.  ఏపీ  పోలీసులపై తమకు నమ్మకం లేదని  వైసీపీ  చీఫ్ జగన్‌తో పాటు, ఇతర వైసీపీ నేతలు ప్రకటించిన నేపథ్యంలో  విచారణలో ప్రభుత్వానికి, పోలీసు శాఖపై విమర్శలు రాకుండా జాగ్రత్తలు తీసుకొంటున్నారు.

సంబంధిత వార్తలు