అమరావతికి చెల్లు చీటీ, జగన్ ఆలోచన ఇదీ: టీజీ వెంకటేష్ సంచలనం

అమరావతిని తరలించే విషయంపై ముఖ్యమంత్రి వైఎస్ జగన్మోహన్ రెడ్డి బిజెపి అధిష్టానంతో చర్చించారని టీజీ వెంకటేష్ ఎబిఎన్ ఆంధ్రజ్యోతి టీవీ చానెల్ తో చెప్పారు. ఎపికి ఏకైక రాజదాని ఉండబోదని ఆయన అంటున్నారు. ఎపికి నాలుగు రాజధానులవుతాయని ఆయన చెప్పారు. 

అమరావతి: ఆంధ్రప్రదేశ్ ముఖ్యమంత్రి బొత్స సత్యనారాయణ అమరావతిపై చేస్తున్న వ్యాఖ్యలు సంచలనం రేపుతున్నాయి. అమరావతి రాష్ట్ర రాజధానిగా కొనసాగడంపై అనుమానాలు వ్యక్తమవుతున్నాయి. ఆ అనుమానాలను నిజం చేస్తూ బిజెపి రాజ్యసభ సభ్యుడు టీజీ వెంకటేష్ సంచలన వ్యాఖ్యలు చేశారు. ఎపి రాజధానిగా అమరావతి చెల్లుచీటీ పాడడం ఖాయమని ఆయన మాటలను బట్టి అర్థమవుతోంది. 

అమరావతిని తరలించే విషయంపై ముఖ్యమంత్రి వైఎస్ జగన్మోహన్ రెడ్డి బిజెపి అధిష్టానంతో చర్చించారని టీజీ వెంకటేష్ ఎబిఎన్ ఆంధ్రజ్యోతి టీవీ చానెల్ తో చెప్పారు. ఎపికి ఏకైక రాజదాని ఉండబోదని ఆయన అంటున్నారు. ఎపికి నాలుగు రాజధానులవుతాయని ఆయన చెప్పారు. 

కాకినాడ, గుంటూరు, విజయనగరం, కడపల్లో ఆంధ్రప్రదేశ్ రాష్ట్రానికి నాలుగు రాజధానులను ఏర్పాటు చేయబోతున్నారని టీజీ వెంకటేష్ చెప్పారు. బొత్స సత్యనారాయణ వ్యాఖ్యలు, జగన్ తీసుకున్న నిర్ణయాలు కూడా అందుకు అనుకూలంగానే ఉన్నట్లు కనిపిస్తోంది. అధికారిక వికేంద్రీకరణకు జగన్ చేపట్టే చర్యల్లో నాలుగు రాజధానుల ఏర్పాటు అత్యంత కీలకమైందని భావిస్తున్నారు. 

నాలుగు ప్రాంతీయ అభివృద్ధి మండళ్లను ఏర్పాటు చేయడానికి జగన్ ప్రభుత్వం నిర్ణయం తీసుకున్న విషయం తెలిసిందే. ఆ ప్రాంతీయ మండళ్లు కూడా రాజధానుల ఏర్పాటులో భాగంగానే వస్తున్నాయని భావిస్తున్నారు. బహుశా, ప్రస్తుతం అమరావతి నాలుగు రాజధానుల్లో ఒక్కటిగా మారే అవకాశం ఉంది.