నేలపైనే కూర్చుని... బీడిలు చుడుతున్న మహిళల కష్టాలు విన్న రేవంత్

కరీంనగర్ : కాంగ్రెస్ పార్టీ తెలంగాణ చీఫ్ రేవంత్ రెడ్డి హాత్ సె హాత్ జోడో పేరిట చేపడుతున్న పాదయాత్ర కరీంనగర్ జిల్లాలో కొనసాగుతున్న విషయం తెలిసిందే. ప్రజా సమస్యలు తెలుసుకుంటూ ముందుకు సాగుతున్న రేవంత్ బిడీ కార్మికులతో ము చ్చటించారు. ఓ ఇంటిముందు బీడీలు చుడుతున్న మహిళలతో మాట్లాడి  వారి సమస్యలేమిటో తెలుసుకున్నారు. ఈ సందర్భంగా ఓ మహిళ తన భర్త పక్షవాతంతో మంచానపడ్డాడరని, పెళ్లీడు కూతురు వుందని... ఆసరాగా వుంటుందని ఫించన్ కోసం ఎంత తిరిగినా ఇవ్వడం లేదని చెప్పుకొచ్చింది. దీంతో రేవంత్ సీఎం కేసీఆర్ తన ఇంట్లో ఐదుగురికి ఉద్యోగాలిచ్చుకుని రూ.20లక్షల జీతం తీసుకుంటున్నాడు... కానీ నిరుపేదల ఇంట్లో ఒకరికి ఫించనిస్తే మరొకరికి ఇవ్వడట... అంటూ మండిపడ్డారు. తిరిగి ఇందిరమ్మ రాజ్యం తెచ్చుకుంటూనే పేదల బ్రతుకులు బాగుపడతాయని రేవంత్ అన్నారు.