భార‌త‌దేశ ఆధునిక ప‌రిశ్ర‌మ‌ల పితామహుడు ‘జెంషడ్జీ టాటా’

భారతదేశ ఆధునిక పరిశ్రమకు పునాదులు వేసిన వారిలో జెంషడ్జీ నుస్సర్ వాంజీ టాటా ప్రముఖుడు. అందుకే ఆయ‌న‌ను భార‌త ఆధునిక ప‌రిశ్ర‌మ‌ల పితామ‌హుడు అని అంటారు. ప్రధాని నెహ్రూ ఆయనను ఏక వ్యక్తి ఉన్న ప్రణాళికా సంఘం అని పిలిచేవారు. భారతదేశంలోని గొప్ప పరోపకారిలో ఒకరిగా ఆయ‌న‌ను అభివ‌ర్ణించారు. జంషెడ్జీ 1839లో దక్షిణ గుజరాత్‌లోని నవ్‌సారిలో ఇరాన్‌లో మూలాలను కలిగి ఉన్న పార్సీ పూజారుల కుటుంబంలో జన్మించాడు. అత‌డు వ్యాపార‌వేత్త‌గా మారడానికి కుటుంబం అర్చక సంప్రదాయాన్ని విచ్ఛిన్నం చేసిన మొదటి వ్యక్తి ఆయ‌నే. కుటుంబంతో సహా ముంబైకి వలస వెళ్లి ఎగుమతి సంస్థను స్థాపించాడు. జంషెడ్జీ పాశ్చాత్య విద్యను అభ్యసించిన పార్సీ కుటుంబాలలో మొదటి వ్యక్తి. ఎల్ఫిన్‌స్టోన్ కళాశాల నుండి పట్టభద్రుడయ్యాక, జపాన్, చైనా, యూరప్‌లకు విస్తరించిన తండ్రి ఎగుమతి వ్యాపారంలో జంషెడ్జీ చేరాడు. త‌న తండ్రి కోరిక మేరకు ఆ కాలంలో అత్యంత లాభదాయకమైన నల్లమందు వ్యాపారం గురించి తెలుసుకోవ‌డానికి చైనాకు వెళ్లారు. జంషెడ్జీ తన 29 సంవత్సరాల వయస్సులో సొంతంగా స్థాపించారు. అతడు దివాలా తీసిన ఆయిల్ మిల్లును కొనుగోలు చేసి, దానిని కాట‌న్ మిల్లుగా మార్చాడు. అదే అలెగ్జాండ్రా మిల్లు. ఇది త‌రువాత అనేక బ్రాంచ్ లుగా విస్త‌రించింది. 1903లో జంషెడ్జీ ముంబైలో భారతదేశంలోనే అతిపెద్ద హోటల్ తాజ్ మహల్ హోటల్‌ని నిర్మించాలనే తన కలను సాకారం చేసుకున్నాడు. ఇది విద్యుత్తును కలిగి ఉన్న మొదటి భారతీయ హోటల్. ఒక శతాబ్దం నుంచి ఇప్ప‌టికీ ఇది భారతదేశంలోని అత్యుత్తమ హోటల్‌లలో ఒకటిగా ఉంది.జంషెడ్జీ వ్యాపారంతో పాటు స్వదేశీ ఉద్యమాన్ని బాగా ఫాలో అయ్యేవారు. ఉద్యమంలో రాజకీయంగా క్రియాశీలకంగా లేకపోయినా సోల్‌డాఫ్ పరిశ్రమలో ఆచరణలో పెట్టడానికి ప్రయత్నించారు. కాంగ్రెస్ పార్టీ స్వదేశీ ఉద్యమాన్ని ప్రారంభించక ముందే జంషెడ్జీ తన పత్తి మిల్లుకు 1886లోనే స్వదేశీ మిల్లు అని పేరు పెట్టారు. భారతదేశంలోని మొట్టమొదటి ప్రణాళికాబద్ధమైన పారిశ్రామిక నగరం అయిన జంషెడ్ పూర్ ను ఆయ‌న కుమారుడు అయిన దొరాబ్జీ టాటాతో క‌లిసి స్థాపించారు. ఇది అప్పుడు బీహార్ లో ఉన్న‌ప్ప‌టికీ ప్ర‌స్తుతం అది జార్ఖండ్‌లోకి వెళ్లిపోయింది. మొదట బీహార్ లో, ఇప్పుడు జార్ఖండ్ లో ఉన్న ఈ పట్టణం 1907 లో స్థాపించబడిన భారతదేశపు మొట్టమొదటి ఉక్కు మిల్లు. టాటా ఐరన్ అండ్ స్టీల్ కంపెనీ లేదా టిస్కో, ఇది బ్రిటిష్ సామ్రాజ్యం యొక్క అతిపెద్ద ఉక్కు ఉత్పత్తి మిల్లుగా మారింది. ఇది భారతదేశం సొంత పారిశ్రామిక పురోగతికి వెన్నెముక అని రుజువు చేసింది. టాటా స్టీల్ గా పిలువబడుతోంది. ఇది ఇప్పటికీ ప్రపంచంలోని అతిపెద్ద ఉక్కు తయారీదారులలో ఒకటిగా ఉంది. నిరాడంబరమైన రీతిలో స్థాపించబడిన ఈ టాటా గ్రూప్ ప్ర‌స్తుతం లేని రంగాలు లేవు. 8 లక్షల కోట్ల విలువైన ఆస్తులను కలిగి ఉంది.  సుమారు 8 లక్షల మంది ఉద్యోగులతో 100 దేశాలలో విస్తరించి ఉంది. ఇది భారతదేశం అతిపెద్ద అంతర్జాతీయ, ఉత్తమ భారతీయ బ్రాండ్ పేరుగా నిలిచిపోయింది. ఇది హెల్త్‌కేర్, అకడమిక్ రీసెర్చ్ మొదలైన రంగాలలో అత్యంత ప్రసిద్ధి చెందిన సంస్థలుగా మారాయి. టాటాలు రాజకీయాల్లో చురుకుగా లేరు. బిర్లాల‌ మాదిరిగా గాంధీజీ తో స‌న్నిహితంగా మెల‌గ‌లేదు. కానీ జంషెడ్‌జీ కుమారుడు సర్ రతన్‌జీ టాటా దక్షిణాఫ్రికాలో తన రాజకీయ ప్రచారానికి గాంధీజీకి అతిపెద్ద ఆర్థిక మద్దతుదారు. గాంధీజీ జంషెడ్‌జీని భారతదేశానికి నిస్వార్థ సేవకులుగా అభివర్ణించారు