హైదరాబాద్ పబ్‌లలో మరో అరాచకం వెలుగులోకి వచ్చింది. నాప్కిన్‌ను కింద పడేసినందుకు 9 మంది యువకులను బౌన్సర్లు చితకబాదారు.  వివరాల్లోకి వెళితే.. జూబ్లీహిల్స్ పరిథిలోని ఆమ్నీషియా లాంజ్ పబ్‌లో స్నేహితుని పుట్టినరోజు వేడుకలకు కొందరు యువకులు వెళ్లారు.

ఈ క్రమంలో వాష్‌రూమ్‌కి వెళ్లిన వారు అనుకోకుండా నాలుగు నాప్కిన్‌లు కిందపడేశారు. దీంతో అక్కడ విధుల్లో ఉన్న బౌన్సర్లు యువకులను బూతులు తిట్టారు. దీంతో వారు వాగ్వాదానికి దిగారు..

దీనిపై ఆగ్రహం వ్యక్తం చేసిన బౌన్సర్లు తోటి బౌన్సర్లతో కలిసి 9 మంది యువకులను చితకబాదారు. బౌన్సర్ల దౌర్జన్యంపై గాయపడ్డ యువకులు పోలీసులకు ఫిర్యాదు చేశారు.