నాకిది చీకటి రోజు, దేశభక్తిని శంకించారు: మిథాలీ రాజ్

తనపై వేసిన నిందలు తనకు అంతులేని విషాదాన్ని కలించాయని, తాను తీవ్ర వేదనకు గురయ్యానని మిథాలీ రాజ్ అన్నారు. ఆట పట్ల తన నిబద్ధత, దేశం కోసం తన 20 ఏళ్ల ఆట, కఠిన శ్రమ, చెమట.. అన్నీ వృధా అయ్యాయని ఆమె అన్నారు.

Mithali Raj Unhappy About Latest Allegations

pratap reddy

Hyderabad, First Published Nov 29, 2018, 1:27 PM IST

హైదరాబాద్: ఇటీవల ముగిసిన ట్వంటీ20 మహిళా ప్రపంచ కప్ పోటీల సందర్భంగా చోటు చేసుకున్న సంఘటనలపై హైదరాబాద్ మహిళా క్రికెటర్ మిథాలీ రాజ్ ట్విట్టర్ వేదికగా స్పందించారు. ఇది తన జీవితంలో చీకటి రోజు అని ఆమె వ్యాఖ్యానించారు.

మిథాలీ రాజ్ తీరుపై కోచ్ రమేష్ పొవార్ బిసిసిఐ అధికారులకు 20 పేజీల నివేదికను సమర్పించినట్లు తెలుస్తోంది. మిథాలీ రాజ్ జట్టు కోసం ఆడడం లేదని, తన వ్యక్తిగత మైలురాళ్ల కోసం ఆడుతున్నారని రమేష్ పొవార్ ఆరోపించినట్లు తెలుస్తోంది.

సీనియర్ క్రీడాకారిణిగా మిథాలీ రాజ్ -- జట్టు సమావేశాల్లో ఏ విధమైన సలహాలు ఇవ్వలేదని, టేబుల్ అగ్రభాగాన నిలిచినందుకు ప్రశంసలు అందించలేదని ఆయన అన్నట్లు సమాచారం. జట్టులో తన పాత్రను విస్మరించి వ్యక్తిగత రికార్డుల కోసం ఆడారని అన్నారు.

I'm deeply saddened & hurt by the aspersions cast on me. My commitment to the game & 20yrs of playing for my country.The hard work, sweat, in vain.
Today, my patriotism doubted, my skill set questioned & all the mud slinging- it's the darkest day of my life. May god give strength
— Mithali Raj (@M_Raj03) November 29, 2018