దారుణం: కూతురి స్నేహితురాలిని రేప్ చేసిన తండ్రి
గురుగ్రామ్‌లో ఓ వ్యాపారి తన కూతురి స్నేహితురాలిపై అత్యాచారానికి పాల్పడ్డాడు. బాధితురాలి ఫిర్యాదు మేరకు పోలీసులు నిందితుడిపై కేసు నమోాదు చేసుకొని దర్యాప్తు చేస్తున్నారు.
గురుగ్రామ్: బాల్య స్నేహితురాలిని కలిసేందుకు వచ్చిన ఓ యువతిపై స్నేహితురాలి తండ్రి అత్యాచారం చేసిన ఘటన గురుగ్రామ్‌లో చోటు చేసుకొంది. ఈ ఘటనపై బాధితురాలు పోలీసులకు ఫిర్యాదు చేసింది. బాధితురాలి పిర్యాదు ఆధారంగా పోలీసులు కేసు నమోదు చేసుకొని దర్యాప్తు చేస్తున్నారు.
గురుగ్రామ్‌లో నగరంలోని డీఎల్ఎఫ్ 5 ప్రాంతానికి చెందిన ఓ వ్యాపారి కూతురు విదేశాల్లో చదువుతోంది. సెలవుల కోసం స్వదేశానికి తిరిగి వచ్చింది. ఇంటికి వచ్చిన సమయంలో తన బాల్య స్నేహితులతో ఫోన్‌లో మాట్లాడేది. ఈ క్రమంలోనే బాధితురాలితో ఫోన్‌లో మాట్లాడి తమ ఇంటికి భోజనానికి ఆహ్వానించింది.
విదేశాల్లో చదువుకొని స్వదేశానికి వచ్చిన తన చిన్న నాటి స్నేహితురాలిని చూసేందుకు వ్యాపారి ఇంటికి ఆ యువతి వెళ్లింది. భోజనం చేసి స్నేహితురాలితో కలిసి ఆమె రూమ్‌లో పడుకొంది.
అయితే తెల్లవారుజామున ఆ యువతితో మాట్లాడాలని చెప్పి వ్యాపారి ఆమెను పక్క రూమ్‌లోకి తీసుకెళ్లి అత్యాచారానికి పాల్పడ్డాడు. ఈ ఘటన జరిగిన సమయంలో నిందితుడి భార్య ఇంట్లో లేదు.
బాధితురాలు తన కుటుంబసభ్యులతో కలిసి పోలీసులకు ఫిర్యాదు చేసింది. ఈ ఘటనపై పోలీసులు కేసు నమోదు చేసుకొని దర్యాప్తు చేస్తున్నారు. బాధితురాలిని వైద్య పరీక్షల కోసం ఆసుపత్రికి తరలించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
