Asianet News TeluguAsianet News Telugu

ఇదే కాంగ్రెస్ అసలు ఎజెండా.. మాజీ ప్రధాని వీడియో షేర్ చేసిన బీజేపీ 

లోక్ సభ ఎన్నికల నేపథ్యంలో 2009 నాటి మాజీ ప్రధాని మన్మోహన్ సింగ్ వీడియోను  బీజేపీ షేర్ చేస్తూ.. మాజీ ప్రధాని దేశ వనరులపై ముస్లింలకు మొదటి హక్కు ఉందని చెప్పారనీ, ఇదే కాంగ్రెస్ పార్టీ  రహస్య ఎజెండా అని బీజేపీ విరుచుకపడుతోంది. ఇంతకీ ఆ వీడియోలో ఏముంది?  

bjp shared former pm manmohan singh video on social media bjp claims on manmohan singh statement jp nadda tweeted KRJ
Author
First Published Apr 26, 2024, 10:34 AM IST

లోక్‌సభ ఎన్నికల రెండో దశ పోలింగ్ ప్రక్రియ ప్రారంభమైంది. ఈ తరుణంలో 2009 నాటి మాజీ ప్రధాని మన్మోహన్ సింగ్ పాత వీడియోను బీజేపీ షేర్ చేసింది. ఈ వీడియోలో మాజీ ప్రధాని దేశంలోని వనరులపై ముస్లింలకు మొదటి ప్రాధాన్యత ఇస్తుందని విమర్శలు గుప్పించారు.  తమ వాదనలు తప్పు కాదంటూ బీజేపీ పేర్కొంది. ప్రతి విషయంలోనూ ముస్లింలకే కాంగ్రెస్‌ ప్రాధాన్యం ఇస్తుందనీ, ఇదే కాంగ్రెస్‌ స్పష్టమైన విధానానికి నిదర్శనమని అన్నారు. తాజాగా బీజేపీ నేత జేపీ నడ్డా కూడా కాంగ్రెస్‌ను టార్గెట్ చేస్తూ విమర్శలు గుప్పించారు. కాంగ్రెస్, భారత కూటమి.. ఎస్సీ, ఎస్టీ, ఓబీసీల హక్కులను లాక్కొని ముస్లింలకు ఇవ్వాలని భావిస్తున్నాయని అన్నారు.

పార్లమెంట్ ఎన్నికల నేపథ్యంలో బిజెపి తన ట్విట్టర్ హ్యాండిల్‌లో ఏప్రిల్ 2009 నాటి పాత వీడియోను పోస్ట్ చేసింది. ఇందులో మాజీ ప్రధాని మన్మోహన్ సింగ్ లోక్ సభ ఎన్నికలకు ముందు తన ప్రకటనను పునరుద్ఘాటించారు. దేశంలోని వనరుల విషయానికి వస్తే మైనారిటీలు, పేద ముస్లింలకే మొదటి ప్రాధాన్యత ఇవ్వాలని వీడియోలో చెబుతున్నాడు. దేశంలోని వనరులలో పేద ముస్లింలకు ప్రాధాన్యత ఇవ్వాలి. దేశంలోని వనరుల విషయంలో ముస్లింలకే మొదటి హక్కు ఉండాలనే తాను గతంలో చేసిన వాదనకు కట్టుబడి ఉన్నానని మాజీ ప్రధాని మన్మోహన్ అన్నారు.   

ఈ వీడియోలో మాజీ ప్రధాని వ్యాఖ్యలపై బీజేపీ విరుచుకపడింది. మాజీ ప్రధాని మన్మోహన్ సింగ్ వీడియోను చూపిస్తూ.. తమ వాదనలు తప్పు కాదనీ, ముస్లింలకు ప్రాధాన్యత ఇవ్వాలనేది కాంగ్రెస్ పార్టీ స్పష్టమైన విధానమని విమర్శించారు. రిజర్వేషన్ల నుంచి దేశ వనరుల వరకు ముస్లింలకు ప్రాధాన్యత ఇవ్వాలనేదే కాంగ్రెస్ మనస్తత్వమనీ, అందుకు ఈ వీడియోనే నిదర్శనమని అన్నారు.
 
కాంగ్రెస్ పై నడ్డా ఫైర్

దేశంలో కాంగ్రెస్, ఇండీ కూటమి బుజ్జగింపు రాజకీయాలను ప్రోత్సహిస్తోందని బీజేపీ జాతీయ అధ్యక్షుడు జేపీ నడ్డా అన్నారు. కాంగ్రెస్, ఇండియా కూటమి దేశంలోని ఎస్సీ, ఎస్టీ, ఓబీసీ వర్గాల హక్కులను లాక్కొని ముస్లింలకు ఇవ్వాలన్నారు. ఇదే ఈ వ్యక్తుల రహస్య ఎజెండా. కాంగ్రెస్ మేనిఫెస్టోను కూడా పరిశీలిస్తే అది ముస్లింల బుజ్జగింపుల ప్రభావం చూపుతున్నట్లు కనిపిస్తోంది. వారికి అభివృద్ధిపై పట్టింపు లేదు. ఈ ప్రజలకు ఓటు బ్యాంకు రాజకీయాలు చేయడం మాత్రమే తెలుసు. దేశంలోని వనరులపై పేదలకే మొదటి హక్కు ఉంటుందని ప్రధాని మోదీ తెలిపారని వివరించారు. 

Latest Videos
Follow Us:
Download App:
  • android
  • ios