తాజా వీడియోలు

హైదరాబాద్‌లోని చార్మినార్‌ ప్రాంతంలో ఆదివారం ఉదయం ఘోర దుర్ఘటన చోటు చేసుకుంది. చార్మినార్‌ సమీపంలోని గుల్జార్ హౌస్‌లో ఉన్న ఓ భవనంలో అకస్మాత్తుగా మంటలు చెలరేగడంతో 16 మంది ప్రాణాలు కోల్పోయారు.

భారత అంతరిక్ష పరిశోధనా సంస్థ- ఇస్రో ఆదివారం PSLV C-61 ప్రయోగం చేపట్టింది. శ్రీహ‌రికోట‌లోని స‌తీష్ ధావ‌న్ అంత‌రిక్ష కేంద్రం నుంచి రాకెట్‌ను ప్ర‌యోగించారు. వందలాది మంది సందర్శకులు ఈ మిష‌న్ ను చూశారు. విద్యార్థులు తమ అభిప్రాయాలను పంచుకున్నారు.

ఇస్రో చేపట్టిన PSLV-C61 ప్రయోగం మూడో దశలో సాంకేతిక లోపం తలెత్తడంతో విఫలమైంది. శ్రీహరికోట నుంచి ఆదివారం ఉదయం ప్రయోగించిన ఈ మిషన్ ద్వారా EOS-09 శాటిలైట్ ను భూమి కక్షలోకి పంపే లక్ష్యంతో నడిపారు. అయితే, ఈ మిషన్‌కు ఆటంకం తలెత్తింది. ఇది ఇస్రో 101వ ప్రయోగం కాగా, PSLV రాకెట్‌కు ఇది 63వ ప్రయోగం. ఈ శాటిలైట్ భూసర్వే, రిమోట్ సెన్సింగ్, వ్యవసాయ పరిశీలన, ప్రకృతి విపత్తుల అంచనాలకు ఉపయోగపడుతుంది. ఈ ప్రయోగ విఫలమైనా, త్వరలోనే తిరిగి ప్రయోగించే ప్రయత్నాలు కొనసాగుతాయని ఇస్రో శాస్త్రవేత్తలు తెలిపారు.

ఆంధ్రప్రదేశ్లో కూటమి ప్రభుత్వం అమలు చేస్తున్న లిక్కర్ పాలసీ ద్వారా కోట్లాధి రూపాయలు అక్రమంగా అమరావతిలోని చంద్రబాబు ప్యాలెస్‌కు చేరుతున్నాయని వైయ‌స్ఆర్‌సీపీ అధికార ప్రతినిధి, మాజీ ఎమ్మెల్యే రాచమల్లు శివప్రసాద్‌రెడ్డి అన్నారు. ప్రొద్దుటూరులో మీడియాతో మాట్లాడుతూ.. ఏటా నారావారి లిక్కర్ కమీషన్లు అక్షరాలా రూ.2,200 కోట్లు అని ఆరోపించారు. డిస్టిలరీల నుంచి ఏడాదికి రూ.1000 కోట్లు సీఎం చంద్రబాబుకు, లిక్కర్ షాప్‌ల నుంచి ఆయన కుమారుడు నారా లోకేష్‌కు రూ.1200 కోట్లు ముడుపులు అందుతున్నట్లు సంచలన ఆరోపణలు చేశారు.