స్లీప్ మాస్క్ ను వాడే అలవాటుందా.. అయితే మీరు ఈ విషయాన్ని ఖచ్చితంగా తెలుసుకోవాల్సిందే..!

గాఢంగా నిద్రపోవడానికి స్లీప్ మాస్క్ బాగా ఉపయోగపడుతుంది. అందుకే ప్రస్తుత కాలంలో వీటిని చాలా మంది ఉపయోగిస్తున్నారు. కానీ ఇవి మనకు, పర్యవరణానికి ఎంతో హాని చేస్తాయని నిపుణులు అంటున్నారు. 

నిద్రలోనే సగం రోగం తగ్గుతుంది. మరెన్నో రోగాల ముప్పు తప్పుతుంది. కానీ ప్రస్తుతం ఎంతో మంది నిద్రలేమి సమస్యను ఎదుర్కొంటున్నారు. రాత్రిళ్లు సరిగ్గా నిద్రపోకపోవడం వల్ల ఊబకాయం, గుండె జబ్బులు, హై బీపీ వంటి ఎన్నో అనారోగ్య సమస్యలు వస్తాయి.  అందుకే నిద్రలేమి సమస్యలను పోగొట్టడానికి, గాఢంగా నిద్రపట్టడానికి మార్కెట్ లోకి కొత్త కొత్త ప్రొడక్ట్స్ వస్తున్నాయి. అందులో ఒకటి స్లీప్ మాస్క్. ఈ స్లీప్ మాస్క్ కళ్లపై కాంతిని పడకుండా చేసి కళ్లకు రెస్ట్ ఇస్తుంది. అలాగే ప్రశాంతంగా నిద్రపట్టేలా చేస్తుంది. ఇది నిద్ర నాణ్యతను కూడా మెరుగుపరుస్తుంది. అందుకే ఈ మద్యకాలంలో వీటికి డిమాండ్ బాగా పెరిగింది. వీటిని చాలా మంది వాడుతున్నారు. ఏదేమైనా స్లీప్ మాస్క్ వల్ల కూడా ఎన్నో సమస్యలు వస్తాయని నిపుణులు అంటున్నారు. 

చాలా స్లీప్ మాస్క్ లను తయారు చేసే మెటీరియల్లోనే ప్రమాదం ఉందని నిపుణులు అంటున్నారు. అంటే చాలా స్లీప్ మాస్క్ లు పాలిస్టర్ లేదా నైలాన్ వంటి సింథటిక్ పదార్థాలతో తయారవుతాయి. ఈ పదార్థాలు మన ఆరోగ్యానికి, పర్యావరణానికి హానికరం. వీటివల్ల ఎన్నో సమస్యలను ఎదుర్కోవాల్సి ఉంటుంది.

సింథటిక్ పదార్థాలను మృదువుగా, సౌకర్యవంతంగా చేయడానికి వీటికి రసాయనాలను ఉపయోగిస్తారు. ఈ రసాయనాలు మన చర్మానికి హానికరం. వీటివల్ల కొంతమందికి అలెర్జీ వంటి సమస్యలు వస్తాయి. దీనికితోడు ఈ మాస్క్ లను ఉతికినప్పుడు ఈ రసాయనాలు వాతావరణంలోకి విడుదలవుతాయి. ఇవి కాలుష్యం, పర్యావరణ నష్టానికి దారితీస్తాయి. 

సింథటిక్ పదార్థాలు బయోడిగ్రేడబుల్ కావు. ఈ మాస్క్ లను యూజ్ చేసి పారేసినప్పుడు.. ఇవి వందల సంవత్సరాలు అలాగే పాడుకాకుండా ఉంటాయి. ఈ మాస్క్ కరాబైన తర్వాత దానిలో ఉండే  రసాయనాలు పర్యావరణంలోకి విడుదల అవుతాయి. 

కాబట్టి  స్లీప్ మాస్క్ లను చూసి కొనడం మంచిది. ఒక వేళ మీరు స్లీప్ మాస్క్ ను వాడాలనుకుంటే వెదురు లేదా పత్తి వంటి సహజ పదార్ధాలతో తయారైన స్లీప్ మాస్క్ ను కొనండి. ఈ పదార్థాలు సింథటిక్ పదార్థాల కంటే మృదువైనవి. అలాగే సౌకర్యవంతంగా కూడా ఉంటాయి. చర్మపు చికాకు లేదా అలెర్జీ వంటి సమస్యలు వచ్చే అవకాశం చాలా తక్కువగా ఉంటుంది. 

అలాగే సహజ పదార్థాలు బయోడిగ్రేడబుల్. అందుకే  వీటిని పారేసినప్పుడు అవి కాలుష్యం, పర్యావరణానికి ఎలాంటి నష్టాన్ని కలిగించవు. అయితే మీరు స్లీప్ మాస్క్ ను కొనేటప్పుడు అవి సర్దుబాటు చేయడానికి, ముఖానికి సౌకర్యంగా సరిపోయే వాటినే సెలెక్ట్ చేసుకోండి. సరిగ్గా సరిపోని మాస్క్ అసౌకర్యాన్ని కలిగిస్తుంది. ఇలాంటి మాస్క్ లను వాడటం వల్ల నిద్రహాయిగా పట్టడానికి బదులుగా మొత్తమే నిద్ర ఉండదు.