`ఉప్పెన` ఫేమ్‌ కృతి శెట్టి మైండ్‌ బ్లోయింగ్‌ రెమ్యూనరేషన్‌.. ఒక్క ఏడాదిలో ఇంతనా.. సెన్సేషన్‌ అంటే ఇది కదా!

కృతి శెట్టి నేడు (సెప్టెంబర్ 21) పుట్టిన రోజుని జరుపుకుంటోంది. ఈ సందర్భంగా ఆమె నటిస్తున్న `ఆ అమ్మాయి గురించి మీకు చెప్పాలి` చిత్ర సెట్‌లో కృతి బర్త్ డేని వేడుకలు నిర్వహించారు. కేట్‌ కట్‌ చేయించి విషెస్‌ తెలిపింది యూనిట్‌. ఇందులో హీరో సుధీర్‌బాబు, దర్శకుడు ఇంద్రగంటి మోహనకృష్ణ వంటి వారు పాల్గొన్నారు.

`ఉప్పెన` సినిమాకి ముందు కృతి శెట్టి అంటే ఎవరో కూడా తెలియదు. బాల నటిగా, మోడల్‌గా పలు యాడ్స్ తో ఓ మోస్తారు గుర్తింపు పొందింది కృతి శెట్టి. కానీ `ఉప్పెన` చిత్రంలో హీరోయిన్‌గా ఎంపికయ్యాక ఆమె రేంజే మారిపోయింది. తొలి పాటతోనే కృతి శెట్టి కుర్రాళ్లకి డ్రీమ్‌ గర్ల్ గా మారిపోయింది. 
 

ఇప్పుడు పూజా హెగ్డే, రష్మిక మందన్నా, కీర్తిసురేష్‌ ల తర్వాత ఆ స్థాయి గుర్తింపుని, క్రేజ్‌ని సొంతం చేసుకుంది. ఇంకా చెప్పాలంటే ఒక్క సినిమాతో స్టార్‌ హీరోయిన్‌ రేంజ్‌కి ఎదిగిపోయింది కృతి శెట్టి. ప్రస్తుతం కృతి నానితో `శ్యామ్‌ సింగరాయ్‌`, సుధీర్‌బాబుతో `ఆ అమ్మాయి గురించి మీకు చెప్పాలి`, రామ్‌ పోతినేనితో లింగుస్వామి చిత్రంలో నటిస్తుంది. మరోవైపు ఇటీవల `బంగార్రాజు`లో నాగచైతన్య సరసన హీరోయిన్‌గా ఎంపికైంది. అలాగే నితిన్‌తో `మాచర్ల నియోజకవర్గం` చిత్రంలో 

తొలి చిత్రానికి కృతికి ఇచ్చిన పారితోషికం కేవలం ఆరు లక్షలు. ఆ సినిమా హిట్‌ అయ్యాక దాదాపు 60-70 లక్షల వరకు గిఫ్ట్ ల రూపంలో అందించారు నిర్మాతలు. `ఉప్పెన` చిత్రంతో నటిగా క్రేజ్‌ మాత్రమే కాదు, రెమ్యూనరేషన్‌ కూడా పెరిగిపోయింది. 
 

ప్రస్తుతం కృతి నటిస్తున్న చిత్రాలకు గానూ దాదాపు డెబై నుంచి ఎనబై లక్షల వరకు పారితోషికం అందుకుంటుందట. అంతేకాదు `ఉప్పెన` సినిమాని హిందీలో రీమేక్‌ చేసేందుకు ప్లాన్‌ జరుగుతుంది. అందులోనూ కృతినే హీరోయిన్‌గా తీసుకోవాలని నిర్ణయించారట. ఈ సినిమాకి కూడా భారీ రెమ్యూనరేషన్‌ ఇవ్వబోతున్నట్టు తెలుస్తుంది. 
 

హిందీ సినిమాకిగానూ కృతి కి ఏకంగా కోటి రూపాయలు ఆఫర్‌ చేశారట. దీంతో కృతి ఒక్క ఏడాదిలో ఏ రేంజ్‌కి వెళ్లిపోయిందో అర్థం చేసుకోవచ్చు. ఏడాది క్రితం కృతి తొలి సినిమా రెమ్యూనరేషన్‌ ఆరు లక్షలు. ఇప్పుడు బాలీవుడ్‌ చిత్రానికి కోటీ రూపాయలు. ఊహించని విధంగా ఈ అందాల భామ రేంజ్‌ మారిపోయిందని చెప్పొచ్చు. మరి దీన్ని ఏమేరకు నిలబెట్టుకుంటుందో చూడాలి. 

అయితే గ్లామర్‌కి దూరంగా ట్రెడిషనల్‌గా కనిపిస్తూ క్యూట్‌ లుక్స్ తో మెస్మరైజ్‌ చేయడం కృతి స్పెషాలిటి. మరి ఈ స్పెషాలిటీని మేకర్స్ ఎంత వరకు ఎంకరేజ్‌ చేస్తారనేది చూడాలి. మరోవైపు ప్రతిభ ఉంటే అందాల ఆరబోత ముఖ్యం కాదనే విషయాన్ని కూడా కృతి నిరూపిస్తుండటం విశేషం.