ఏం మంత్రం వేసిందో.. త్రిష వయసు వెనక్కి, కుర్ర భామలా లేటెస్ట్ లుక్ అదుర్స్

తెలుగులో వర్షం చిత్రంతో త్రిష హవా మొదలైంది. స్టార్ హీరోలందరితో ఆడి పాడింది. తన అందం, చిలిపితనంతో త్రిష చేసిన మ్యాజిక్ అంతా ఇంతా కాదు. ఎన్నో సూపర్ హిట్ చిత్రాలని తన ఖాతాలో వేసుకుంది ఈ బ్యూటీ. ఫ్యామిలీ ఆడియన్స్ లో కూడా త్రిష విపరీతమైన క్రేజ్ సొంతం చేసుకుంది. 

39 ఏళ్ల వయసులో కూడా త్రిషకి అద్భుతమైన ఆఫర్స్ వస్తున్నాయి. లెజెండ్రీ డైరెక్టర్ మణిరత్నం తెరకెక్కించిన పొన్నియన్ సెల్వం చిత్రంలో త్రిష నటించింది. పాన్ ఇండియా చిత్రంగా విడుదలైన పొన్నియన్ సెల్వం తమిళంలో మాత్రం మంచి విజయం దక్కించుకుంది. 

నాలుగు పదుల వయసు సమీపిస్తున్నప్పటికీ త్రిష ఇంకా పెళ్లి ఊసే ఎత్తడం లేదు. ఆల్రెడీ త్రిషకి పెళ్లి విషయంలో చేదు అనుభవం ఎదురైంది. గతంలో ఓ వ్యాపార వేత్తతో నిశ్చితార్థం జరిగి బ్రేకప్ అయింది. అందుకే త్రిష పెళ్లి విషయంలో తొందరపడటం లేదు. 

ఇదిలా ఉండగా త్రిష వయసు అనూహ్యంగా వెనక్కి వెళుతోందా అనే అనుమానం కలగక మానదు. త్రిష లేటెస్ట్ ఫొటోస్ ఫ్యాన్స్ ని ఆశ్చర్యపరుస్తున్నాయి. 25 ఏళ్ల యంగ్ బ్యూటీ లాగా త్రిష తాజాగా ఫొటోస్ లో కనిపిస్తోంది. ఆమె వయసు బాగా తగ్గిపోయినట్లు అనిపిస్తోంది.   

బ్లూ ట్రెండీ డ్రెస్ లో త్రిష చిలిపిగా, క్యూట్ గా ఇస్తున్న ఫోజులు నెటిజన్లని మెస్మరైజ్ చేస్తున్నాయి. చంద్రబింబంలా వెలిగిపోతున్న ముఖంలో సి=చిరునవ్వు మరింత ఆకర్షిస్తోంది. 

త్రిష నటించిన లేటెస్ట్ మూవీ రాంగి డిసెంబర్ 30న రిలీజ్ కి రెడీ అవుతోంది. ఈ చిత్రం ప్రచార కార్యక్రమాలు కోసం త్రిష ఇలా అదిరిపోయే లుక్ లో మెరిసింది.