ప్రగ్యా జైశ్వాల్, దివి, మేఘా ఆకాశ్.. ఆదియోగిని దర్శించుకున్న టాలీవుడ్ తారలు.!
టాలీవుడ్ సీని తారలు శివ భక్తిలో మునిగితేలుతున్నారు. ఈ పర్వదినాన శివుడి ఆదియోగి స్టాట్యూను సందర్శించారు. ఈ విగ్రహానికి నమస్కరిస్తూ భక్తని చాటుకున్నారు. ఇందుకు సంబంధించిన పిక్స్ వైరల్ అవుతున్నాయి.
దేశ వ్యాప్తంగా శివరాత్రి ఉత్సవాలు ఘనంగా జరుగుతున్నాయి. ఈ పర్వదినాన భక్తులు సమీప ఆలయాలు.. దేశంలోని ప్రసిద్ధి చెందిన శివాలయాల్లో శివుడికి ప్రత్యేక పూజలు నిర్వహిస్తున్నారు. దైవదర్శనం చేసుకొని శివభక్తిని చాటుకుంటున్నారు. ఈ సందర్భంగా సినీ తారలు కూడా శివ ఆరాధనలో మునిగిపోయారు.
టాలీవుడ్ స్టార్ హీరోయిన్, ‘అఖండ’ భామ ప్రగ్యా జైశ్వాల్ (Pragya jaiswal) శివరాత్రి పర్వదినాన చెన్నైలోని కోయంబత్తూరులో గల ఆదియోగి స్టాట్యూను దర్శించుకున్నారు. అంత్యంత ఎత్తైన మహాశుడి విగ్రహం ముందుకు పద్మాసనం వేశారు. శివ ధ్యానం చేస్తున్నట్టుగా ఫొటోకు పోజుకూడా ఇచ్చారు. ఆ పిక్ ను అభిమానులతో పంచుకుంటూ అందరికీ మహాశివరాత్రి శుభాకాంక్షలు తెలిపారు. ఆ దేవుడు అందరికీ ధైర్యం,సుఖఃసంతోషాలను ప్రసాదించాలని ఆకాంక్షించారు.
యంగ్ హీరోయిన్ మేఘా ఆకాష్ (Megha Akash) కూడా శివుడికి ప్రత్యేక పూజలు నిర్వహించారు. మహాశివరాత్రి సందర్భంగా ఈ కుర్ర భామ సైతం ఆదియోగి స్టాట్చ్యూ ను సందర్శించారు. ఈ సందర్భంగా శివుడికి నమస్కరించింది. ఇందుకు సంబంధించిన ఫొటోను నెట్టింట షేర్ చేసుకుంటూ అభిమానులకూ మహాశివరాత్రి శుభాకాంక్షలు తెలిపారు. అందరికీ మంచి జరగాలని కోరుకున్నారు. ప్రస్తుతం తమిళంలో మేఘా ఆకాష్ వరుస చిత్రాల్లో నటిస్తున్నారు.
యంగ్ బ్యూటీ దివి (Divi) సైతం ఆదియోగి స్టాట్చ్యూను సందర్శించిన ఫొటోను అభిమానులతో సోషల్ మీడియా ద్వారా పంచుకున్నారు. తన అభిమానులు శివరాత్రి శుభాకాంక్షలు తెలిపారు. ఈ సందర్భంగా నెటిజన్లు కూడా ఆమె శుభాకాంక్షలు తెలిపారు. ఆదియోగిలాగే తలను ఆకాశానికి చూపుతున్న పోజుతో ఆకట్టుకుంది.
‘కేజీఎఫ్’తో సెన్సేషనల్ క్రియేట్ చేసిన రవీనా టండన్ (Raveena Tandon) మహాశివుడి సేవలో మునిగిపోయారు. కాశీలోని విశ్వేశ్వరుడికి ప్రత్యేక పూజలు నిర్వహించారు. శివరాత్రి ఉత్సవాల్లో పాల్గొనేందుకు కాశీకి వెళ్లిన తెలిపారు. శివనామస్మరణ చేసుకుంటూ ఆధ్యాత్మిక బాటలో నడుస్తున్నారు.
‘బిగ్ బాస్’ ఫేమ్ మరియు యంగ్ హీరోయిన్ బానుశ్రీ (Bhanu Sri) శివరాత్రి ఉత్సవాలను తన ఇంట్లోనే జరుపుకున్నారు. ఈ పర్వదినాన మహాశివుడి ప్రతిమలకు ప్రత్యేక పూజలు నిర్వహించింది. దేవుడి ఫొటోలను ప్రార్థించి దైవభక్తిని చాటుకున్నారు. ఆ ఫొటోలను తన అభిమానులతో పంచుకుంటూ అందరికీ శుభాకాంక్షలు తెలిపారు.