‘శాకుంతలం’, ‘రావణసుర’తో పాటు ఏప్రిల్ లో రిలీజ్ అయ్యే చిత్రాలివే.. ఫుల్ డిటేయిల్స్..

మాస్ మహారాజ రవితేజ (Raviteja) చిత్రంతోనే ఏప్రిల్ నెలలో సినిమా పండగ షురూ కానుంది. వరుస హిట్లతో ఫుల్ జోష్ మీద ఉన్న మాస్ రాజా ‘రావణసుర’ Ravanasuraతో ప్రేక్షకుల ముందుకు వస్తున్నారు.  ఏప్రిల్ 7న ఈ చిత్రం గ్రాండ్ గా విడుదల కానుంది. సుధీర్ వర్మ దర్శకత్వం వహించారు. అభిషేక్ పిక్చర్స్, RT టీమ్‌వర్క్స్ సంస్థలు నిర్మించాయి. హర్షవర్ధన్ రామేశ్వర్, భీమ్స్ సిసిరోలియో సంగీతం అదించారు. సుశాంత్, హీరోయిన్లు అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ కీలక పాత్రల్లో అలరించబోతున్నారు. ఇక ప్రమోషన్స్ లో భాగంగా ఈరోజు సాయంత్రం హైటెక్ సిటీ శిల్ప కళా వేదికలో ప్రీ  రిలీజ్ ఈవెంట్ జరగనుంది.

యంగ్ అండ్ టాలెంటెడ్ హీరో కిరణ్ అబ్బవరం (Kiran Abbavaram) బ్యాక్ టు బ్యాక్ సినిమాలతో దుమ్ములేపుతున్నారు. చివరిగా ‘వినరో భాగ్యము విష్ణు కథ’తో అలరించారు. ప్రస్తుతం పవర్ ఫుల్ పోలీస్ ఆఫీసర్ గా ‘మీటర్’ సినిమాతో రాబోతున్నారు. ఈ చిత్రం కూడా ఏప్రిల్ 7నే థియేటర్లలో విడుదల కానుంది. ఏకంగా మాస్ మహారాజతోనే పోటీపడుతుండటం ఆసక్తికరంగా మారింది.  

టాలీవుడ్ స్టార్ హీరోయిన్ సమంత (samantha) - గుణశేఖర్ కాంబినేషన్ లో రూపుదిద్దుకున్న చిత్రం ‘శాకుంతలం‘ (Shaakuntalam). ఈనెల రెండో వారం ఏప్రిల్ 14న ప్రపంచ వ్యాప్తంగా థియేటర్లలో విడుదల కానుంది. పాన్ ఇండియా స్థాయిలో ఐదు భాషల్లో విడుదల చేసేందుకు ఏర్పాట్లు చేశారు. చిత్రానికి మణిరత్నం సంగీతం అందించారు. సమంత - దేవ్ మోహన్ జంటగా నటించారు.  అల్లు అర్జున్ కూతురు అల్లు అర్హా తొలిసారిగా వెండితెరపై ఆకట్టుకోబోతోంది. 

సుప్రీమ్ హీరో సాయి ధరమ్ తేజ్ (Sai Dharam Tej) లేటెస్ట్ ఫిల్మ్  virupaksha కూడా ఈ నెలలో విడుదల కాబోతోంది. టీజర్, తదితర అప్డేట్స్ తో అంచనాలను పెంచేసిన ఈ చిత్రం ఏప్రిల్ 21న ప్రపంచ వ్యాప్తంగా ప్రేక్షకుల ముుందుకు రాబోతోంది. కార్తీక్‌ దండు దర్శకుడిగా పరిచయమవుతున్నాడు. సంయుక్తా హెగ్డే హీరోయిన్.  శ్రీ వెంకటేశ్వరా సినీ చిత్ర బ్యానర్‌పై బీవీఎస్‌ఎన్‌ ప్రసాద్‌ నిర్మిస్తున్నాడు. ఈ సినిమాకు సుకుమార్‌ కథ, స్క్రీన్‌ప్లే అందించడంతో పాటు సహా నిర్మాతగాను వ్యవహరిస్తున్నాడు. 
 

అక్కినేని యంగ్ హీరో అఖిల్ (Akil) నటించిన మోస్ట్ అవైటెడ్ ఫిల్మ్ ‘ఏజెంట్’ (Agent) ఎట్టకేళలకు ఈనెలలో విడుదల కానుంది. ఏప్రిల్ 28న గ్రాండ్ గా థియేటర్లలో విడుదల కానుంది. వక్కంతం వంశీ కథ అందించిన ఈ చిత్రానికి సురేందర్ రెడ్డి దర్శకత్వం వహించారు. ఏకే ఎంటర్ టైన్ మెంట్ బ్యానర్ పై నిర్మాత  రాంబ్రహ్మం  నిర్మించారు. అఖిల్ సరసన సాక్షి వైద్య ఆడిపాడింది. తెలుగుతో పాటు హిందీ, తమిళం, కన్నడ, మలయాళంలోనూ రిలీజ్ కానుంది. 

ప్రముఖ నిర్మాత కొడుకు బెల్లకొండ గణేష్ (Bellamkonda Ganesh) నటించిన ‘నేను స్టూడెంట్ సార్!’ చిత్రం ఏప్రిల్ 21న విడుదల కాబోతోంది. యాక్షన్ థ్రిల్లర్ గా రాబోతున్న ఈ చిత్రంలో గణేష్ కు జోడీగా అవంతిక దస్సని నటిస్తోంది. రాఖీ ఉప్పలపాటి దర్శకత్వం వహిస్తున్నారు. ఎస్వీ2 బ్యానర్ పై సతీష్ వర్మ ప్రొడ్యూస్ చేస్తున్నారు. మహతీ స్వర సాగర్ మ్యూజిక్ అందిస్తున్నారు.