మీకు వద్దంటే నేను కబ్జా చేస్తా.. ఇమ్మాన్యుయెల్‌ లవర్‌పై సుడిగాలి సుధీర్‌.. వామ్మో ఇంత కరువులో ఉన్నాడా?

సుడిగాలి సుధీర్‌.. టీవీ షోస్‌తోనే పాపులర్‌ అయిన విసయం తెలిసిందే. మిమిక్రీ ఆర్టిస్ట్ గా కెరీర్‌ ని ప్రారంభించిన ఆయన `జబర్దస్త్` షోలోకి ఎంట్రీ ఇచ్చిన తర్వాత లైఫ్‌ మారిపోయింది. వెనకాల కమెడియన్‌గా స్టార్ట్ అయిన ఆయన నెమ్మదిగా పాపులర్‌ అయి, కెప్టెన్‌గా ఎదిగాడు. గెటప్‌ శ్రీను రామ్‌ ప్రసాద్, హైపర్‌ ఆదిలతో కలిసి చేసిన ఫన్‌ నవ్వులు పూయించింది. జబర్దస్త్ లో వీరిని టాప్‌లో ఉంచింది.  
 

స్టార్‌ కమెడియన్‌గా ఎదిగిన సుడిగాలి సుధీర్‌.. యాంకర్ రష్మితో పులిహోర కలిపాడు. అది వర్కౌట్అయ్యింది. ఇద్దరు లవ్‌ట్రాక్‌ నడిపించారు. స్కిట్లలోనే ఇద్దరు రెచ్చిపోయారు. ఒకరిపై ఒకరు ప్రేమని వ్యక్తం అలరించారు. డ్యూయెట్లు పాడుకుంటూ ఎంటర్‌టైన్‌ చేశారు. షో కోసం అదంతా చేయాల్సి వచ్చిందనే తెలిసినా, ఇద్దరు మాత్రం ప్రేమలో ఉన్నారని అంతా నమ్ముతున్నారు. అయితే ఈ ఇద్దరు విడిపోయారు. సుధీర్‌ హీరోగా సినిమాల్లోకి వెళ్లిపోవడంతో జబర్దస్త్ మానేశాడు. దీంతో ఇద్దరి మధ్య గ్యాప్‌ వచ్చింది. 
 

అయితే రెండు మూడు సినిమాలతో అలరించిన సుధీర్‌.. ఆయన చేయాల్సిన సినిమాలు ఆగిపోయాయి. దీంతో మళ్లీ బుల్లితెర బాట పట్టాడు. ఇప్పుడు `ఆహా`లో `సర్కార్‌ 4` షో చేస్తున్నాడు. ఈటీవీలో `ఫ్యామిలీ స్టార్స్` షో చేస్తున్నాడు. తాజాగా `సర్కార్‌ 4`లో ఆసక్తికర సంఘటన చోటు చేసుకుంది. ఈ షోకి ఇమ్మాన్యుయెల్‌, జబర్దస్త్ వర్ష, యాదమ్మ రాజు, అవినాష్‌, సిరి, శ్రీహాన్‌, బాబా భాస్కర్ మాస్టర్‌, అమర్‌ దీప్‌, శుభ శ్రీ, రోహిణి, ఫైమా పాల్గొన్నారు. నానా రచ్చ చేశారు. సుడిగాలి సుధీరే అంటే ఆయన్ని మించిన ఎనర్జీతో ఆడుకున్నారు.
 

ఈ క్రమంలో యాదమ్మ రాజు.. జబర్దస్త్ వర్షతో కలిసి డాన్సు చేస్తున్నాడు. వర్ష సైతం హాట్‌ ఎక్స్ పోజింగ్‌తో రెచ్చిపోయింది. దీంతో అది చూసి తట్టుకోలేకపోతున్నాడు ఇమ్మాన్యుయెల్‌. తన లవర్‌ వేరే వాడితో అంత క్లోజ్‌గా రొమాంటిక్ మూమెంట్స్ చేస్తుండటంతో రగిలిపోయాడు. ఆ పాట అయిపోగానే తన గోడు వెల్లబోసుకున్నాడు. 
 

వామ్మో నాకు ఓ ల్యాండ్‌ ఉంది. కానీ అది వేరే వాడి పేరు మీద ఉందంటూ జబర్దస్త్ వర్షని ఉద్దేశించి కామెంట్ చేశాడు ఇమ్మాన్యుయల్‌.  ఆమె గురించి ఇద్దరి మధ్య గొడవ జరిగింది. అది స్టేజ్‌ మీద పంచాయితీ పెట్టారు. సుడిగాలి సుధీర్‌ ముందు ఈ పంచాయితీ నడిచింది. వర్ష కోసం ఇద్దరు కొట్టుకున్నంత పని చేశారు.

ఈ గొడవని చూసిన సుధీర్‌ సంచలన కామెంట్‌ చేశాడు. మీ ఇద్దరికి వద్దు అంటే నేను కబ్జా చేస్తా ఇక మీ ఇష్టం అంటూ ఝలక్‌ ఇచ్చాడు సుధీర్‌. దెబ్బకి షోలో అందరి ఫ్యూజులు ఎగిరిపోయాయి. 
 

`సర్కార్‌ 4` లేటెస్ట్ ప్రోమోలోని ఈ సీన్‌ హైలైట్‌ అయ్యింది. ప్రస్తుతం ఈ ప్రోమో వైరల్‌ అవుతుంది. ఆద్యంతం ఫన్నీగా ఈ ప్రోమో సాగింది. పూర్తి ఎపిసోడ్‌లో ఈ ఫన్‌ నెక్ట్స్ లెవెల్‌ ని చెప్పొచ్చు. అయితే ఈ ప్రోమోకి నెటిజన్లు స్పందస్తూ ఫన్నీ కామెంట్లు చేస్తున్నారు. ఏంటి రష్మిని వదిలేశాక ఇంత కరువులో ఉన్నాడా అంటూ కామెంట్లు చేస్తున్నారు. నానా రచ్చ చేస్తున్నారు.