ముంబై వీధుల్లో ప్రియాంక, నిక్ జోనస్ రచ్చ.. ఆటోలో ఆటంబాంబులా గ్లోబల్ బ్యూటీ

ప్రియాంక చోప్రా.. ప్రపంచానికే పరిచయం అక్కర్లేని పేరు. దాదాపు గత రెండు దశాబ్దాలుగా ప్రియాంక బాలీవుడ్ మెరుపులు మెరిపిస్తోంది. ప్రస్తుతం హాలీవుడ్ లో కూడా తనదైన ముద్ర వేస్తోంది. హాలీవుడ్ అభిమానులని సైతం తన అందంతో సమ్మోహనపరుస్తోంది.

ఈ మాజీ విశ్వ సుందరి అందం గురించి ఎంత వర్ణించినా తక్కువే. 40 ఏళ్ల వయసులో ప్రియాంక చెక్కు చెదరని ఒంపులతో ఆకర్షిస్తోంది. బాలీవుడ్ లో తిరుగులేని హీరోయిన్ గా రాణించిన తర్వాత ప్రియాంక హాలీవుడ్ బాట పట్టింది. తన భర్త నిక్ జోనస్ తో ప్రేమాయణం మొదలు పెట్టాక ప్రియాంక కెరీర్ కొత్త టర్న్ తీసుకుంది. నిక్ తో ఎఫైర్ మొదలైనప్పటి నుంచి ప్రియాంకకు హాలీవుడ్ లో పరిచయాలు బాగా పెరిగాయి. ఫలితంగా హాలీవుడ్ చిత్రాల్లో అవకాశాలు దక్కించుకుంది. 

ఇంటర్నేషనల్ మూవీ ఈవెంట్స్ లో ప్రియాంక హాలీవుడ్ భామలని  సైతం డామినేట్ చేస్తూ అందంతో మెప్పించడం చూస్తూనే ఉన్నాం. ప్రియాంక ఇటీవల బాలీవుడ్ చిత్రాలు బాగా తగ్గించింది. తన భర్త నిక్ జోనస్ తో కలసి వెకేషన్స్ లో ఎంజాయ్ చేస్తూ కనిపిస్తోంది. 

ప్రస్తుతం ప్రియాంక చోప్రా, నిక్ జోనస్ దంపతులు ఇండియాలో సందడి చేస్తున్నారు. ప్రియాంక చోప్రా, నిక్ జోనస్ లేటెస్ట్ ఫొటోస్ నెట్టింట దుమారం రేపుతున్నాయి. తనకు మాత్రమే సాధ్యమైన గ్లామర్ షోతో ప్రియాంక చోప్రా మెరుపులు మెరిపిస్తోంది. ముంబై వీధుల్లో ప్రియాంక,నిక్ ఆటోలో చేసిన ఫోటో షూట్ కుర్రాళ్ళకి నిద్ర లేకుండా చేస్తోంది. 

ప్రియాంక, నిక్ జోనస్ ల వివాహం 2018లో కనుల పండుగలా జరిగిన సంగతి తెలిసిందే. హిందూ క్రిస్టియన్ సంప్రదాయాల్లో వీరిద్దరి వివాహం జరిగింది. నిక్ జోనస్ ప్రియాంక కన్నా వయసులో పదేళ్లు చిన్నవాడు. ప్రియాంక చోప్రా గత ఏడాది సరోగసి విధానం ద్వారా ఓ బిడ్డకు తల్లి అయిన సంగతి తెలిసిందే. 

ప్రపంచ వ్యాప్తంగా క్రేజ్ సొంతం చేసుకున్న ప్రియాంకని ఇంస్టాగ్రామ్ లో 86 మిలియన్ల మంది ఫాలో అవుతున్నారు. దీనిని బట్టే అర్థం చేసుకోవచ్చు ప్రియాంక చోప్రా క్రేజ్ ఎలాంటిదో అని.