తన ముందు తొడకొట్టాడని కైకాల సత్యనారాయణకి చుక్కలు చూపించిన ఎన్టీఆర్‌.. ఇలాంటి శాడిజం కూడా ఉందా?

తన ముందు తొడ కట్టాడని కైకాల సత్యనారాయణ కి చుక్కలు చూపించాడట ఎన్టీఆర్‌. ఆయన ఈగో దెబ్బతింటే ఏ స్థాయికి వెళ్తాడో వెల్లడించారు కైకాల సత్యనారాయణ.  

ఎన్టీఆర్‌ అంటే తెలుగు సినిమాకి యుగ పురుషుడు లాంటివాడు. ఆయన్ని మించిన నటుడు, హీరో లేరంటుంటారు. ఎలాంటి పాత్ర అయినా అద్భుతంగా చేసి రక్తికట్టిస్తారు. అందుకే ఆయన్ని నటనా సార్వభౌముడిగా కీర్తిస్తుంటారు సినిమా జనాలు. అప్పట్లో ఎన్టీఆర్‌, ఎస్వీఆర్‌, కైకాల సత్యనారాయణల మధ్య నటనలో బాగా పోటీ ఉండేది. 

అయితే ఎన్టీఆర్‌ అంటే భోళా మనిషి అంటుంటారు. కానీ నటన విషయంలో మాత్రం కాస్త అసూయ ఉండేదట. తన మార్క్ చిలిపి శాడిజం చూపించేవాడట. అలా ఓసారి కైకాల సత్యనారాయణకి తన యాటిట్యూడ్‌ చూపించాడట ఎన్టీఆర్‌. ఓ సినిమా సమయంలో కైకాలకి చుక్కలు చూపించాడట. 

అప్పట్లో ఎన్టీఆర్‌.. తానే హీరోగా నటిస్తూ దర్శకత్వం వహించేవాడు. ఎన్నో సినిమాలు చేశాడు. ఈ క్రమంలో ఓ సినిమా సమయంలో ఎన్టీఆర్‌, కైకాల సత్యనారాయణ మధ్య సీన్లు ఉన్నాయి. ఇద్దరు పోటీ పడే సీన్లు. ఎన్టీఆర్‌కి సవాల్‌ విసిరే సీన్‌లో కైకాల సత్యనారాయణ తొడ కొడతాడట. అయితే అది ఎన్టీఆర్‌కి నచ్చలేదు. ఆయన ఈగో దెబ్బతిన్నది. తన ముందు తొడగొడతాడట కైకాల. అయితే ఆ విషయాన్ని మనసులో పెట్టుకుని సీన్‌ బాగా రాలేదని చెప్పి పది పదిహేను టేక్‌లు తీసుకున్నాడట రామారావు. 

ఇలా తీస్తుంటే కైకాల ప్రశ్నించాడట. ఏంటి అండి ఇన్ని టేకులు తీసుకున్నారు అంటే.. లేకపోతే నా ముందే తొడగొడతావా అని అన్నాడట ఎన్టీఆర్‌. దీనికి కైకాల చెబుతూ, అయ్యో తన ఉద్దేశ్యం అది కాదని మీకు లీడ్‌ ఇవ్వడం కోసం చేశానని చెబితే తర్వాత కూల్‌ అయిన ఎన్టీఆర్‌.. చాలా బాగా చేశారని, ఆ ఆలోచన ఎలా వచ్చిందో మీకు కానీ అద్భుతంగా వచ్చిందని ప్రశంసించాడట. అలా తన ఈగో కారణంగా కైకాలని ఇబ్బంది పెట్టారు ఎన్టీఆర్‌. 

ఎన్టీఆర్‌, కైకాల సత్యనారాయణ కలిసి అనేక చిత్రాలు చేశారు. జానపద, పౌరాణిక చిత్రాల్లో ఇద్దరు ఉండాల్సిందే. `దాన వీర శూరకర్ణ`, `లవకుశ`, `శ్రీరామ పట్టాభిషేకం`, `వేటగాడు`, `పాండవ వనవాసం`, `బొబ్బిలి పులి`, `కొండవీటి సింహం`, `శ్రీకృష్ణపాండవీయం`, `జస్టీస్‌ చౌదరీ`, `డ్రైవర్‌ రాముడు`, `యుగందర్‌` ఇలా అనేక సినిమాలు ఇద్దరు కలిసి  నటించారు. వెండితెరని రక్తికట్టించారు. నేడు ఎన్టీఆర్ జయంతి అనే విషయం తెలిసిందే.