షాపింగ్ మాల్ ఓపెనింగ్లో మెహరీన్, హనీ రోజ్ సందడి.. పట్టు శారీల్లో మెరిసిపోతున్న అందాల భామలు
టాలీవుడ్ అందాల భామలు షాపింగ్ మాల్ ఓపెనింగ్లో సందడి చేశారు. పట్టు చీరల్లో మెరుస్తూ కనువిందు చేశారు. చీరకే అందాన్ని తీసుకొస్తూ సోషల్ మీడియాలో రచ్చ చేస్తున్నారు. ప్రస్తుతం వీరి ఫోటోలు వైరల్ అవుతున్నాయి.
టాలీవుడ్ హాట్ బ్యూటీస్ మెహరీన్, `వీరసింహారెడ్డి` ఫేమ్ హనీరోజ్ తాజాగా చందనా బ్రదర్స్ షాపింగ్ మాల్ ఓపెనింగ్లో పాల్గొన్నారు. వీరిద్దరు ఈ సందర్భంగా సిల్క్ శారీల్లో మెరిసిపోయారు. ఇద్దరు కలిసి కొత్త షాపింగ్ మాల్ ఓపెనింగ్ చేశారు.
జహీరాబాద్లో గల చందన బ్రదర్స్ కొత్త మాల్ ఓపెనింగ్కి వీరిద్దరు గెస్ట్ గా పాల్గొన్నారు. ఇద్దరు కలిసి ఈ మాల్ ఓపెనింగ్కి సంబంధించిన రిబ్బన్ కట్ చేశారు. చీరలు కట్టి చూపులను ఆకట్టుకున్నారు. వీరిని చూసేందుకు అభిమానులు భారీగా తరలి రావడం విశేషం. దీంతో ఆ ఏరియా మొత్తం సందడి వాతావరణం చోటు చేసుకుంది.
ఇందులో మెహరీన్ పింక్ కలర్ సిల్క్ శారీ కట్టగా, హనీ రోజ్ పర్పుల్ కలర్ పట్టు చీర కట్టింది. ఇద్దరు అందంతో వెలిగిపోగా, ఈవెంట్లో హైలైట్గా నిలిచారు. వీరితోపాటు ఇందులో ఎంపీ బీబీ పాటిల్, ఎమ్మెల్యే కొనింటి మాణిక్ రావులు పాల్గొన్నారు.
ఈ మాల్ ఓపెనింగ్ సందర్భంగా నిర్వహకులు చెబుతూ, చుట్టుపక్కల జిల్లాలకు ఇదే పెద్ద షాపింగ్ మాల్ అని, హైదరాబాద్ లాంటి నగరాలకు వెళ్లి షాపింగ్ చేయవలసిన అవసరం లేకుండా ఇక్కడే అన్నిహంగులతో ఈ అధునాతన షాపింగ్ మాల్ని ఏర్పాటు చేసినట్టు సంస్థ అధినేత అల్లక సత్యనారాయణ తెలిపారు. తమ మాల్ అంతర్జాతీయ షాపింగ్ అనుభవాన్నిస్తుందన్నారు.
ఇక మెహరీన్ టాలీవుడ్లో మొన్నటి వరకు దుమ్మురేపింది. గతేడాది ఆమె `ఎఫ్3` చిత్రంలో మెరిసిన విషయం తెలిసిందే. `కృష్ణగాడి వీర ప్రేమ గాథ` చిత్రంతో టాలీవుడ్కి పరిచయం అయిన మెహరీన్, `మహానుభావుడు`, `రాజాది గ్రేట్`, `కేరాఫ్ సూర్య`, `జవాన్`, `పంతం`, `నోటా`, `కవచం`, `ఎఫ్2, `ఛాణక్య`, `ఎంత మంచివాడవురా`, `పటాస్`, `అశ్వత్థామ`, `మంచి రోజులొచ్చాయ్`, `ఎఫ్3` చిత్రాల్లో నటించింది.
ఇప్పుడు ఆమె తెలుగు, తమిళఃలో `స్పార్క్` సినిమా చేస్తుంది. కన్నడలోనూ ఓ సినిమా చేస్తుంది. ఓటీటీ సినిమాలు, సినిమాలు చేసుకుంటూ రాణిస్తుంది. కానీ గతంతో పోల్చితే ఈ అమ్మడి జోరు తగ్గిందని చెప్పొచ్చు.
ఇక బాలయ్య నటించిన `వీరసింహారెడ్డి` చిత్రంతో టాలీవుడ్లోకి దూసుకొచ్చింది హనీ రోజ్. ఆపిల్ బ్యూటీలా ఉండే ఈ భామ ఆ సినిమాలో బాలయ్యకి ప్రియురాలిగా, అమ్మగా నటించి మెప్పించింది. అందంతో చుక్కలు చూపించింది. హీరోయిన్ శృతి హాసన్ నే డామినేట్ చేయడం విశేషం.
ఈ సినిమాతో ఒక్కసారిగా పాపులర్ అయిన ఈ బ్యూటీకి క్రేజ్ మామూలుగా లేదు. దీంతో కొత్త అవకాశాలతోపాటు ఇలాంటి కమర్షియల్ యాడ్స్, షాపింగ్ ఓపెనింగ్స్ లో పాల్గొంటూ సందడి చేస్తుంది. ఫ్యాన్స్ ని ఖుషీ చేస్తుంది. ఇదిలా ఉంటే బాలయ్య, అనిల్ రావిపూడి చిత్రంలో ఓ హీరోయిన్గా హనీ రోజ్ పేరు వినిపిస్తుండటం విశేషం.