కండోమ్ యాడ్ కి జాన్వీ కపూర్ బెస్ట్ ఛాయిస్.. ఓపెన్ గా మాన్ ఫోర్స్ అధినేత అసభ్యకర వ్యాఖ్యలు, రియాక్షన్ ఇదే

ప్రస్తుతం బాలీవుడ్ లో ఉన్న గ్లామరస్ హీరోయిన్లలో జాన్వీ కపూర్ ఒకరు. యువతకి ఆమె క్రష్ గా మారిపోయింది. ఎన్టీఆర్ దేవర చిత్రంతో టాలీవుడ్ లోకి కూడా ఎంట్రీ ఇచ్చింది.

ప్రస్తుతం బాలీవుడ్ లో ఉన్న గ్లామరస్ హీరోయిన్లలో జాన్వీ కపూర్ ఒకరు. యువతకి ఆమె క్రష్ గా మారిపోయింది. ఎన్టీఆర్ దేవర చిత్రంతో టాలీవుడ్ లోకి కూడా ఎంట్రీ ఇచ్చింది. శ్రీదేవి కుమార్తె కావడంతో జాన్వీకి ఎంట్రీ సులభంగా లభించింది. ఇప్పుడు అమ్మని మించే సౌందర్యంతో జాన్వీ దూసుకుపోతోంది. 

టాలీవుడ్ లో మరో క్రేజీ ఆఫర్ అందుకుంది. రాంచరణ్ సరసన జాన్వీ కపూర్ ఆర్సీ 16 చిత్రంలో నటిస్తున్న సంగతి తెలిసిందే. సోషల్ మీడియాలో జాన్వీ కపూర్ గ్లామర్ ఫోటోస్ షేర్ చేయడం చూస్తూనే ఉన్నాం. దీనితో జాన్వీ బోల్డ్ హీరోయిన్ గా కూడా గుర్తింపు పొందింది. జాన్వీ కపూర్ అప్పుడప్పుడూ పార్టీల్లో షార్ట్ డ్రెస్ వేసుకుని ట్రోలింగ్ కి గురవుతూ ఉంటుంది. 

Janhvi Kapoor

తాజాగా ఆమె గ్లామర్ గురించి అసభ్యంగా ప్రస్తావిస్తూ కండోమ్ సంస్థ అధినేత వివాదంలో చిక్కుకున్నారు. మాన్ ఫోర్స్ సంస్థ ఫౌండర్ రాజీవ్ జునేజా ఓ ఇంటర్వ్యూలో జాన్వీ గురించి కామెంట్స్ చేశారు. కండోమ్ బ్రాండ్స్ కి సినీ తారలు, మోడల్స్ యాడ్స్ చేయడం సహజమే. కానీ  రాజీవ్.. జాన్వీ కపూర్ అనుమతి లేకుండా ఆమె పేరు ప్రస్తావించారు. తమ బ్రాండ్ కండోమ్స్ యాడ్ కి జాన్వీ కపూర్ బెస్ట్ ఛాయిస్ అని రాజీవ్ పేర్కొన్నారు. అదే విధంగా రణబీర్ కపూర్ కూడా అని తెలిపారు. 

వీళ్ళిద్దరూ కలసి కండోమ్ యాడ్ చేస్తే తిరుగు ఉండదు అంటూ కామెంట్స్ చేశారు. ఈ కామెంట్స్ జాన్వీ కపూర్ అభిమానులని ఆగ్రహానికి గురిచేస్తున్నాయి. అంటే ఆయన ఉద్దేశం ఏంటి ? జాన్వీ కపూర్ కి శృంగారపరమైన ఇమేజ్ ఆపాదించాలని చూస్తున్నారా అంటూ దుమ్మెత్తిపోస్తున్నారు. కండోమ్ యాడ్ అనేది వ్యక్తిగత నిర్ణయం.. ఆమె అనుమతి లేకుండా ఎదుగుతున్న హీరోయిన్ గురించి ఇలాంటి వ్యాఖ్యలు చేయడం ఏంటి అని ప్రశ్నిస్తున్నారు. 

అతడి వ్యాఖ్యలపై జాన్వీ కపూర్ ఇంకా స్పందించలేదు. జాన్వీ కపూర్ ప్రస్తుతం రాంచరణ్ చిత్ర షూటింగ్ తో బిజీగా ఉంది. బుచ్చిబాబు దర్శకత్వంలో ఈ చిత్రం తెరకెక్కుతోంది.