నీ పక్కన నిల్చోవాలంటేనే కంపరం ఎక్కిపోతుంది.. ఇమ్మాన్యుయెల్‌ని వదిలేస్తూ జబర్దస్త్ వర్ష వ్యాఖ్యలు..

దాదాపు మూడు నాలుగేళ్లు కలిసి స్కిట్లు చేశారు జబర్దస్త్ వర్ష, ఇమ్మాన్యుయెల్‌. డ్యూయెట్లు పాడుకున్నారు. ప్రేమించుకున్నారు. కానీ ఉన్నట్టుండి ఇమ్మూకి బ్రేకప్‌ చెప్పింది వర్ష. పిడుగులాంటి వార్త చెప్పింది. 

జబర్దస్త్ వర్ష, ఇమ్మాన్యుయెల్‌ జంటకి జబర్దస్త్ కామెడీ షోలో మంచి క్రేజ్‌ ఉంది. వీరి కామెడీ ఆద్యంతం నవ్వులు పూయిస్తూ తరచూ హైలైట్‌గా నిలుస్తుంది. ముఖ్యంగా ఈ ఇద్దరి మధ్య ప్రేమకి సంబంధించిన సన్నివేశాలు హైలైట్‌ అవుతుంటాయి. ఒకరిపై ఒకరు ప్రేమని చాటుకోవడం, ప్రేమని వ్యక్తం చేసుకోవడం, డ్యూయెట్లు పాడుకోవడం ప్రత్యేక ఆకర్షణగా నిలుస్తూ జబర్దస్త్ షోకి మంచి రేటింగ్‌ని తెచ్చిపెడుతుంది. 

అయితే ఈ ఇద్దరు షోలో పెయిర్‌గా చేస్తూ నవ్విస్తుంటారు. అదే సమయంలో తమపై నిజమైన ప్రేమని పంచుకుంటూ ఎంత గాఢంగా ప్రేమించుకుంటున్నారో వెల్లడించారు. కానీ ఇప్పుడు ఉన్నట్టుండి ఇమ్మాన్యుయెల్‌కి పెద్ద షాకిచ్చింది జబర్దస్త్ వర్ష. అడ్డంగా బుక్‌ చేసి వదిలేసింది. తనని వదిలేస్తున్నట్టు చెప్పింది. ఈ దెబ్బకి ఇమ్మాన్యుయెల్‌ పిచ్చోడైపోయాడు. తాగుబోతులా మారిపోయాడు. 

ఒకప్పుడు పార్వతీ, దేవదాస్‌, ఇప్పుడు నేనూ వర్ష, కానీ ఏంటో నా తలరాత.. వర్ష మాత్రం తనని ప్రేమించడం లేదని, ఎవరికి చెప్పుకోవాలో అర్థం కావడం లేదన్నాడు ఇమ్మాన్యుయెల్‌. స్టేజ్‌పైనే తాగుతూ తన గోడుని వెళ్లబోసుకున్్నాడు. చేతిలో కుక్కపిల్లని పట్టుకుని ఆయన తన ఆవేదన వ్యక్తం చేశాడు. `నా తల రాత నీకు చెప్పుకుందామంటే ఇద్దరి తలరాతలు ఒక్కటే, వాడు(సుధీర్‌) అక్కడ, నేను ఇక్కడ` అంటూ రెచ్చిపోయాడు ఇమ్మూ. దీనికి రష్మి గౌతమ్‌ని నవ్వుతూ రియాక్ట్ అయ్యింది.

ఇంతలో సిరిమల్లే పువ్వా.. అంటూ పాట పాడుకుంటూ వర్ష ఆనందంతో ఇమ్మాన్యుయెల్‌ వద్దకొచ్చింది. దీంతో `వర్ష నువ్వు నన్ను వదిలేసి వెళ్తాక.. కుక్కని పట్టుకుని తిరుగుతున్నా` అని తన ప్రేమని వ్యక్తం చేశాడు ఇమ్మాన్యుయెల్‌. దీనికి వర్ష రియాక్ట్ అవుతూ, దీనికి వర్ష రియాక్ట్ అవుతూ షాకింగ్‌ కామెంట్స్ చేసింది. నీలాంటి వాడిని ఎవడు ప్రేమిస్తార్రా అసలు. అసలు నీ పక్కన నిల్చోవాలంటేనే కంపరం ఎక్కిపోతుందంటూ ఆమె ఎక్స్ ప్రెషన్స్, బాడీ మూవ్‌మెంట్స్ ఇచ్చింది. దీంతో ఇమ్మూకి మైండ్‌ బ్లాంక్‌ అయ్యింది. ఇన్నాళ్లు కలిసి స్కిట్లు చేసిన వర్ష.. తనని ఒక్కసారిగా అంత పెద్ద మాట అనడంతో ఇమ్మాన్యుయెల్‌కి ఫ్యూజులెగిరిపోయినంత పనైంది. 

అంతటితో ఆగలేదు వర్ష.. రాకేష్‌ని పట్టుకుని.. రాకేష్‌ సముద్రం ఎందుకు అక్కడే ఆగిపోయింది? అని ప్రశ్నించింది. దీనికి రాకేష్‌ రియాక్ట్ అవుతూ, నీ అందమైన మనసు చూస్తే నా హృదయమే ఆగిపోయేలా ఉందని చెప్పడంతో వర్ష ఉబ్బితబ్బిబ్బయ్యింది. ఇది చూసి తట్టుకోలేక ఇమ్మాన్యుయెల్‌ వచ్చి.. ఏరా ఎక్కువ చేస్తున్నావని రాకేష్‌ని పైకి వెళ్లాడు. రాకేష్‌ గళ్లా పట్టుకుని నిలదీశాడు. దీంత వర్ష ఇమ్మూ గళ్ల పట్టుకుని నిలదీసింది. వాడిని పట్టుకుంటే అంటూ ఇమ్మూ పైకి వెళ్లింది. దీంతో ఇమ్మూ.. రాకేష్‌కి ముద్దు పెట్టాడు. దీనికి వర్ష వాక్‌ అంటూ వెళ్లిపోయింది. మొత్తానికి వర్ష కోసం ఇమ్మాన్యుయెల్‌, రాకేష్‌ గొడవ పడటం హైలైట్‌గా నిలవడం విశేషం.