యాంకర్‌ సిరి హన్మంత్‌కి ఆఫర్లు లేవా? నెక్ట్స్ కూరగాయల బండేనా?.. జబర్దస్త్ కమెడియన్‌ దారుణమైన కామెంట్‌

బిగ్‌ బాస్‌ షోతో పాపులర్‌ అయిన సిరి హన్మంతు ఇప్పుడు జబర్దస్త్ యాంకర్‌గా రాణిస్తున్న విషయం తెలిసిందే. అయితే ఆమెని దారుణంగా అవమానించాడు జబర్దస్త్ కమెడియన్‌.  

జబర్దస్త్ షోకి యాంకర్‌గా అనసూయ మానేసిన తర్వాత చాలా యాంకర్లు ఇద్దరు మారారు. సౌమ్యరావుని తీసుకున్నారు. ఆమె కొన్నాళ్లు బాగానే అలరించినా రేటింగ్‌ రాకపోవడంతో సౌమ్యరావుని పక్కన పెట్టారు. ఇప్పుడు బిగ్‌ బాస్‌ ఫేస్‌ సిరి హన్మంత్‌ యాంకర్‌గా రాణిస్తున్న విషయం తెలిసిందే. 

సిరి హన్మంతు ప్రారంభంలో కాస్త సైలెంట్‌గా ఉన్నా, నెమ్మదిగా యాక్టివ్‌ అవుతుంది. తను కూడా చలాకీగా మారుతుంది. కానీ అనసూయ రేంజ్‌లో కాకపోయినా, ఫర్వాలేదనిపిస్తుంది. అయితే ఆమె ప్రస్తుతం జబర్దస్త్ షో మాత్రమే చేస్తుంది. ఈ ఒక్క షోకే పరిమితమయ్యింది. దీన్ని ఆసరాగా చేసుకుని కామెంట్లు చేస్తున్నారు జబర్దస్త్ కమెడియన్‌. తమ కామెడీ కోసం సిరిని వాడుకోవడం గమనార్హం.  

తాజాగా నూకరాజు టీమ్‌ బుర్రకథ స్కిట్‌ని ప్రదర్శించారు. మొదట జడ్జ్ ఇంద్రజ గురించి చెప్పారు. ఆమె దానలు చేస్తుందని, విశాల హృదయం అని, చెన్నై నుంచి వస్తుందని, వచ్చే చెక్కులు తక్కువే అని తెలిపాడు. ఇలా ఆమెని ఆకాశానికి ఎత్తేశాడు నూకరాజు. అనంతరం సిరి ప్రస్తావన వచ్చింది. 

ఇక సిరి విషయానికి వస్తే, తను టీవీలో కనిపించేది థర్స్ డే(గురువారం). నెక్ట్స్ షెడ్యూల్‌ నుంచి హాలీడే, ఛాన్స్ లు లేక ఆమెకి మండే, నెక్ట్స్ కూరగాయల బండే` అంటూ బుర్రకథ చెప్పాడు నూకరాజు. దీంతో అంతా నవ్వులు పూయించారు. సిరి కూడా నవ్వులు చిందించింది. అయితే కామెడీ కోసం చెప్పడంతో దీన్ని అంతా పాజిటివ్‌గానే తీసుకున్నారు. సిరి కూడా స్పోర్టీవ్‌గానే తీసుకుంది. 

కానీ ఇండైరెక్ట్ గా ఆమెకి ఇది తీరని అవమానమనే చెప్పాలి. నెటిజన్లు కూడా అదే అభిప్రాయాన్ని వ్యక్తం చేస్తున్నారు. నూకరాజు కాస్త అతి చేశాడని, ఆఫర్లు లేవని కూరగాయల బండి పెట్టుకుంటుందా అంటూ ప్రశ్నిస్తున్నారు. కామెడీ చేయాలి కానీ వారిని దిగజార్చి కామెడీ చేయడం సరికాదంటున్నారు. ఇది సిరికి తీవ్రమైన అవమానమే అంటున్నారు నెటిజన్లు. మరి ఆమె రియాక్షన్‌ ఏంటనేది తెలియాల్సి ఉంది. 

నిజానికి సిరి యూట్యూబర్‌ గా పాపులర్‌ అయ్యింది. బిగ్‌ బాస్‌ లో పాల్గొనే ఛాన్స్ దక్కించుకుంది. అందులో టాప్‌ 5 వరకు వెళ్లింది. షణ్ముఖ్‌తో జోడీ కట్టి వివాదాల్లో ఇరుక్కుంది. ఆ తర్వాత నీట్‌ గా దాన్నుంచి బయటపడింది. తన ప్రియుడు శ్రీహాన్‌తో కలిసి ఉంటుంది. ఆ మధ్య వెబ్‌ సిరీస్‌ చేశారు. ఓటీటీ ఫిల్మ్ చేశారు. అంతేకాదు షారూఖ్‌ ఖాన్‌ నటించిన `జవాన్‌`లోనూ మెరిశారు. ఇలా ఒకటి అర ఆఫర్లతో సినిమాల్లో మెరుస్తుంది. కానీ ఆశించిన స్థాయిలో ఆఫర్లు రావడం లేదని తెలుస్తుంది. ఆమెకి జబర్దస్త్ షోనే పేరు, క్రేజ్‌ తీసుకొస్తుంది. ఈ షోతో అనసూయ మాదిరిగా బాగా ఎదిగి సినిమాల్లో అవకాశాలు దక్కించుకుంటుందేమో చూడాలి.