Heroine Prema: అందరి ముందు హీరోయిన్ వేలు నోట్లో పెట్టుకుని రొమాన్స్.. నాగార్జున అమ్మాయిగా పుట్టుంటే..

ప్రముఖ యాంకర్ సుమ హోస్ట్ గా చేస్తున్న క్యాష్ ప్రోగ్రాం ప్రేక్షకులని అలరిస్తూ దూసుకుపోతున్న సంగతి తెలిసిందే. ఈవారం ప్రసారం కాబోయే క్యాష్ ప్రోగ్రాం ఎపిసోడ్ ప్రోమోని తాజాగా విడుదల చేశారు.

Anchor Suma

ప్రముఖ యాంకర్ సుమ హోస్ట్ గా చేస్తున్న క్యాష్ ప్రోగ్రాం ప్రేక్షకులని అలరిస్తూ దూసుకుపోతున్న సంగతి తెలిసిందే. ఈవారం ప్రసారం కాబోయే క్యాష్ ప్రోగ్రాం ఎపిసోడ్ ప్రోమోని తాజాగా విడుదల చేశారు. ఈ వారం అతిథులుగా నటుడు పృథ్వి, హీరోలు వెంకట్, రోహిత్.. దేవి ఫేమ్ హీరోయిన్ ప్రేమ హాజరయ్యారు. 

వీరందరి అల్లరితో క్యాష్ ప్రోగ్రాం సరదాగా సాగినట్లు ఉంది. ప్రోమోలో ఫన్నీ సన్నివేశాలు ఆకట్టుకుంటున్నాయి. వీరందరికి సుమ చిన్న టాస్క్ ఇచ్చింది. ఒక  సినిమాలో హీరోయిన్ ప్రేమ కూరగాయలు కోస్తుంటే వేలు తెగుతుంది. అప్పుడు హీరో ఎలా బిహేవ్ చేస్తాడు అనేది టాస్క్. అది ప్రేమ అయితే నువ్వు ఎలా బిహేవ్ చేస్తావు అని వెంకట్ ని అడుగుతుంది.. దీనితో వెంకట్ ప్రేమ వేలిని నోట్లో పెట్టుకునేందుకు ప్రయత్నిస్తాడు. 

అదే హర్రర్ కథ అయితే.. పృథ్వి దెయ్యంలాగా మారుతాడు. అదే ఫ్యాక్షన్ కథ అయితే.. హీరో రోహిత్ ప్రేమ వేలితో నెత్తుటి తిలకం దిద్దుకుంటాడు. ఈ టాస్క్ చాలా సరదాగా ఉంటుంది. అనంతరం సుమ ఒక్కొక్కరిని కొన్ని ప్రశ్నలు అడుగుతుంది. 

అందులో భాగంగా.. మొదట పృథ్విని ప్రశ్నిస్తుంది. వెంకటేష్, నాగార్జున ఇద్దరిలో ఎవరికి కో స్టార్ గా నటించడం ఇష్టం అని సుమ ప్రశ్నిస్తుంది. దీనితో పృథ్వి వెంటనే నాగార్జున అని చెబుతాడు. నాగార్జున సర్ కనుక అమ్మాయిగా పుట్టుంటే నేనే పెళ్లి చేసుకునే వాడిని అని చెప్పడంతో అక్కడ నవ్వులు విరిశాయి. నాగార్జున అంటే తనకు అంత ఇష్టం అని పృథ్వి అంటాడు. 

అనంతరం పృథ్వి తన జీవితంలో జరిగిన ఒక చేదు సంఘటనని వివరిస్తాడు. నటుడిగా బాగా బిజీగా ఉన్న సమయంలో మాకు ఒక బాబు పుట్టాడు. డబ్బు కూడా బాగా సంపాదిస్తున్నాను. కానీ ఒకరోజు మా బాబుకి బాగాలేకుంటే ఆసుపత్రికి తీసుకెళ్ళాం. పిల్లాడి మెంటల్ కండిషన్ బాగాలేదని డాక్టర్ చెప్పారు. ఆ క్షణం అనిపించింది.. ఈ సినిమాలు, డబ్బు, అవార్డులు ఎవరి కోసం అని. 

దీనితో కొన్ని రోజుల పాటు డిప్రెషన్ లోకి కూడా వెళ్ళాను అని పృథ్వి ఎమోషనల్ కామెంట్స్ చేశారు. ఈ ఎపిసోడ్ ఏప్రిల్ 30న టెలికాస్ట్ కానుంది.